Hello，大家好，我哋係由韓國人每日提供最新韓國旅行資訊嘅Creatrip。
韓國春天四周圍風景雖然靚，但係天氣同氣溫真係可以用“變幻無常”嚟形容XD 到底5月嚟韓國玩要注意啲咩，帶咩衫嚟好？
小編精選行程✨
[스팟] 2025 Busan One Asia Festival (BOF) 演唱會門票
[스팟] 貓頭鷹山莊（延南店）
[스팟] ColorLover（聖水）
[블로그] 5月限定優惠 | 韓國休閒時裝品牌「8Seconds」即時退稅+外國人專屬優惠！
韓國各月份天氣&穿搭小貼士💡
韓國5月天氣&穿搭小貼士
韓國5月天氣🔆
5月嘅韓國可以話係最欣欣向榮，亦都係進入夏天之前韓國最舒服嘅時候。日頭基本上著短袖短褲都ok，甚至會令人有已經到咗夏天嘅錯覺，陽光有時候都幾猛烈，記住要注意防曬啊！
雖然5月韓國已經告別櫻花季，不過就去到百花齊開嘅時期！玫瑰花、鬱金香等等春季常見嘅花都會喺5月左右盛放，本身光禿禿嘅樹亦都已經長滿綠葉，超有春天氣息！
5月嚟韓國前你要知啲咩？
🛍️ 韓國超市/百貨公司5月休息日
🇰🇷 景福宮春季夜間特別開放總整理
首爾5月最高/最低溫度🌡️
- 最高溫度：15°C~30°C
- 最低溫度：7°C~15°C
2024年5月首爾溫度（weatherspark）
雖然上面寫住最低溫度會去到7度，不過其實得4月底/5月頭嘅夜晚先會咁，整體嚟講其實唔會凍，反而好舒服~ 而去到5月下旬，溫差亦會逐漸變細，日頭最高溫度甚至會上到30度（同夏天有得揮XD）。
중앙일보
如果好似小編咁怕熱嘅話，5月嘅時候通常就已經唔再會著長袖衫，短袖+短褲或者短袖+長褲，再帶件外套就差唔多！5月開始日照時間變長，亦都多咗晴天，代表大家都要注意防曬。
釜山5月最高/最低溫度🌡️
- 最高溫度：14°C~28°C
- 最低溫度：6°C~20°C
2024年5月釜山溫度（來源：weatherspark）
釜山5月天氣同首爾差唔多，只係日夜溫差冇咁大。不過喺網上有好多人都話覺得釜山似乎冇首爾那麼熱，原因係因為有都市熱島效應。基本上釜山5月天氣相當舒服，建議穿著以方便同舒服為主同注意防曬。
韓國5月穿搭/著衫小貼士🧥
네이트뷰
5月上旬嘅時候嚟韓國嘅話，大家會見到路上著咩衫嘅人都有，會有人著短袖短褲，亦都會有人穿長袖長褲、短袖長褲或者長袖短褲XD
더 케이커
而去到5月下旬，基本上大家都會轉曬做短袖，如果見到有人著長袖或者外套，通常都係為咗防曬。因為話熱唔熱、話凍又唔凍，所以小編認為5月嘅韓國著咩衫都得，自己舒服就得~
韓國5月會唔會落雨？🤔
YTN
入春之後嘅韓國雖然都會落雨，不過唔會落好耐！但係近幾年受到極端氣候影響，原本韓國入春嘅時候會有嘅春雨時期會逐漸拉長到夏天，直接連住梅雨季。就算遇到下雨都不洗太擔心，5月多數都只會落毛毛雨，唔會好似夏天咁落暴雨。
韓國5月空氣質素🍃
중앙일보
韓國春天同秋天嘅時候霧霾（PM2.5）最嚴重，所以如果大家5月嚟首爾玩，發現當日能見度低，就即係代表天氣質素好差，建議戴返個口罩。另外如果臭氧濃度超標，韓國政府都會發出警報，建議當日下晝2點到4點（太陽最大嘅時候）減少出門口進行戶外活動。
韓國5月注意事項🚨
韓國五月又被稱為家庭月，因為兒童節同父母節都係喺呢個月！而今年比較特別嘅係由5月3號（星期六）一直去到5月6號（星期二）韓國會放長假（夾住咗weekend、兒童節、佛誕同補假），呢幾日街上人流可能會比較多，大家出門口嘅時候要注意啦！
[블로그] 2025年韓國&香港公眾假期總整理
韓國5月推薦活動✨
景福宮夜間特別開放
今年景福宮春季夜間特別開放將會喺5月8號至6月14號舉辦，平時最遲只會開到18:30嘅景福宮營業時間會延長到21:30，大家只要著住韓服就可以免費入場，唔洗買飛！
[블로그] 2025景福宮夜間特別開放
韓國花季
韓國5月鬱金香、玫瑰、油菜花等等嘅花卉都會盛開，四周圍都五顏六色，大家記住幫手機相機充好電，嚟玩嘅時候影盡佢啦！
[블로그] 韓國全年花季&賞花攻略
飛韓國之前你仲需要...💡
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
