Hello，大家好，我哋係由韓國人每日提供最新韓國旅行資訊嘅Creatrip。
嚟到7月，終於去到學生們期待已久嘅暑假+畢業旅行旺季啦！相信唔少朋友都plan住呢幾個月嚟韓國玩，到底夏天飛韓國旅行有咩要注意，會有幾熱/落幾多雨，又應該要帶咩衫好？
7月推薦體驗/活動
🛍️ 韓國超市/百貨公司休息日
☔落雨可以去邊度玩？
💄韓國明星御用髮型屋&化妝Studio
[스팟] 一片里脊（明洞店）
[스팟] 一片鰻魚（弘大總店）
[스팟] SPAREX汗蒸幕（東廟店）
[스팟] Eden Meerkat Friends（弘大）
[스팟] YONSEIRO CLINIC | IV靜脈注射
[스팟] LG U+ SIM卡（無限上網、機場領取）
韓國各月份天氣&穿搭小貼士💡
韓國7月天氣&穿搭小貼士
韓國7月天氣🔆
韓國7月天氣只可以用一個字形容：「熱」！基本上嚟到7月，無論係去韓國邊個城市好，都係一樣咁熱，特別係中午/下晝真係會熱到溶... 加上7月係韓國梅雨季，所以經常都會落雨，亦都有報導話今年會降雨量更加高，所以記住一定要隨身帶把遮，無論係遮太陽定係擋雨都用得著。
韓國「三伏」係咩嚟？🤔
韓國有個term叫做「三伏」，係一年當中氣溫最高、最潮濕同最焗嘅時候。「三伏」又分為「初伏」、「中伏」同「末伏」，今年嘅「初伏」係7月20號，「中伏」係7月30號，而「末伏」就會係8月9號。
韓國人認為三伏太悶熱，會令身體能量流失得更加快，所以有個傳統係大家都會喺「初伏」、「中伏」同「末伏」食參雞湯補身。如果大家呢段時間會喺韓國旅行，最緊要注意補充足夠水份同小心中暑，其次亦都可以學韓國人咁食參雞湯補充能量！
[블로그] 首爾/釜山人蔘雞推薦餐廳總整理
首爾7月最高/最低溫度🌡️
- 最高溫度：26°C~35°C
- 最低溫度：17°C~28°C
2024年7月首爾溫度（weatherspark）
首爾7月最高氣溫會上到35度，但係如果計體感溫度嘅話隨時會高達40度，所以記住一定要注意防曬同飲夠水，千祈唔好玩到中暑啊！
而以時間嚟睇嘅話，每日最熱嘅時候會係09:00~18:00，而早晚就會相對冇咁熱。對韓國上班族（aka小編）嚟講，因為最熱嘅時間咁啱係返工時間，所以匿喺office就得XD 不過如果大家係嚟旅行，無論係避雨定避太陽都好，，記住安排多幾個室內行程啦！
釜山7月最高/最低溫度🌡️
- 最高溫度：24°C~36°C
- 最低溫度：17°C~28°C
2024年7月釜山溫度（weatherspark）
釜山7月天氣都幾熱，不過因為7月頭係釜山梅雨季，所以整體溫度比起首爾會冇咁熱。
但係過咗雨季之後，由7月中開始炎熱天氣每日都會維持一段長時間，甚至去到夜晚9點都仍然會好似日頭咁熱。
韓國7月穿搭/著衫小貼士🧥
무신사
7月穿搭方面以輕便、透氣為主，如果怕曬黑可以帶防曬用嘅外套，或者其實帶把遮+搽防曬都夠。
무신사
另外因為有可能會突然落大雨，所以建議大家可以著涼鞋出門口，唔會up住唔舒服之餘整體傳達睇落會比較襯夏天同更加清涼（不過記住腳都要搽防曬，如果唔係可能會曬到有涼鞋印XD）
韓國7月梅雨季🌧️
今年梅雨季已經喺6月19號喺濟州一帶開始咗，6月尾開始會逐漸由南邊擴散到北邊。呢段時間準備嚟韓國玩嘅話，建議減少去海邊同溪谷附近，以免發生危險。
首爾2024年7月下雨分佈（weatherspark）
釜山2024年7月下雨分佈（weatherspark）
上面兩張圖嘅綠色部份代表嗰個時段落緊雨，而橙色部份就係落雷暴雨，顏色越深就等於雨越大。相比首爾，釜山喺7月頭到7月中會落更加多雨，而且一落就落好耐/幾日。而首爾7月都間中會落幾日大雨，所以plan行程嘅時候記住要安排埋plan B，廢事因為落雨而玩得唔夠盡興！
韓國酷熱天氣警告🔥
首爾喺2025年6月30號發出今年第一個酷熱天氣警告，酷熱天氣警告發出嘅時候最高體感溫度會維持喺35度以上，而且預計會維持2日以上。大家手機亦都會收到警報，所以就算手機突然響都唔需要太擔心，但係一定要記住唔好安排咁多戶外活動，小心中暑！
韓國7月推薦活動✨
漢江泳池開放
- 日期：2025年6月20日至8月31日
漢江公園每年夏天都會開放水上樂園同泳池俾市民去消暑同玩，大家可以參考下面篇blog，根據自己行程揀最順路嘅漢江公園去玩水！
[블로그] 6個漢江公園游泳池開放
Waterbomb
- 首爾場：2025年7月4~6日
- 釜山場：2025年7月26日
- 束草場：2025年8月23日
韓國每年最大型嘅夏日慶典「Waterbomb」都一定唔可以錯過，韓國Oppa同Onni都會喺現場大晒身材，一齊玩水，享受最開心嘅夏天。
保寧泥漿節
- 日期：2025年7月25日至8月10日
保寧泥漿亦都係另一個韓國夏天最有代表性嘅慶典之一，保寧泥漿對抗衰老同排毒好有效，對皮膚特別好，大家可以一邊玩一邊護膚，一舉兩得！除咗泥漿節活動，仲有海灘、水上活動、煙花、泥灘體驗等，好多韓國人同遊客都會專程去玩！
[스팟] 2025保寧泥漿節接駁巴士（週末專用、首爾出發）
飛韓國之前你仲需要...💡
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
