Hello，大家好，我哋係由韓國人每日提供最新韓國旅行資訊嘅Creatrip。

嚟韓國玩一定會搭地鐵、巴士、的士等大眾交通工具，而究竟搭邊種交通工具會方便啲咩？相信對於第一次嚟韓國嘅朋友，一定會感到好苦惱同頭痕。首爾大眾交通工具好發達，只要好好運用就可以用超平價錢玩遍韓國各地。呢篇文章小編為大家整理出各種交通工具相關資訊，一次過幫大家解決你哋嘅煩惱！

韓國交通總整理

1. T-Money

寫喺第一點係建議大家嚟韓國嘅時候，一定要買一張交通卡，最常見係T-Money（普及率最高）同Cashbee，無論係搭巴士、地鐵、火車、的士定係便利店都可以用到，搭巴士轉地鐵仲可以有轉乘優惠。

甚至連一啲快餐店（麥當勞、Lotteria等）、麵包店（Paris Baguette、Dunkin' Donuts等）、化妝品店（The Face Shop、Innisfree等）都可以用到。

T-Money會因為唔同類型，價錢都會唔一樣，通常大約係₩2,500~₩13,000不等，如果係韓星多數就係₩4,000以上。

2.  Cashbee

Cashbee同T-money功能差唔多，搭交通工具或者喺某啲鋪頭可以用。不過要留意佢唔可以喺大邱無人增值機增值、慶南居昌郡同陜川郡夾巴士唔可以用，的士要有同Cashbee合作嘅先可以用。

3. Discover Seoul Pass（首爾轉轉卡） 
 

除此之外，仲有Discover Seoul Pass（首爾轉轉卡），一樣有交通卡功能，同時可享有首爾地區50個景點免費入場、100多個景點入場優惠。

用交通卡搭巴士或地鐵，票價都會比較平，唔需要換散紙，仲未準備好交通卡嘅朋友唔需要太擔心，韓國各大便利店、地鐵站都有得買！

  韓國交通卡資訊總整理

2. 韓國大眾交通工具轉乘優惠（首爾基準）

韓國大眾交通轉乘優惠，只限於地鐵轉巴士、巴士轉地鐵，而且必須要喺指定時間內完成，同時以交通卡上落車（出入閘）先可以，只要好好利用，就可以減少交通費支出。

另外唔單止首爾地區，釜山、大邱有地鐵城市一樣，只要有交通卡都可以享有換乘優惠。

3. 確認韓國交通資訊App

韓國大眾交通可以透過Naver Map、Kakao Map等App查詢，只要輸入出發地同目的地，就可以查到抵達目的地時間同推薦路徑，同時亦可以知道巴士抵達時間、各地鐵站開車資訊，而且Naver同Kakao都有設置外語功能，對於遊客嚟講好方便。

4. 韓國各地交通票價

首爾地鐵單程票價

首爾地鐵追加費用

釜山地鐵單程票價

釜山地鐵追加費用

大邱地鐵單程票價

巴士單程票價（交通卡）^{*首爾基準}

巴士單程票價（現金）^{*首爾基準}

仁川機場鐵路單程票價

5. 韓國地鐵

主要地鐵站首尾班車時間

   1) 首爾

  2) 釜山

  3) 大邱

由上面時間表可以得知，大部分地鐵站首班車，通常都係喺05點10分至05點40分出發，尾班平日會超過夜晚12點，週末及公眾假期嘅尾班車會提早一個鐘出發。

仲有一點要注意嘅係，尾班車通常唔一定會去到嗰條線嘅總站，通常會喺中間就停，如果尾班車冇開到想要去嘅目的地，記得事先要規劃好，可能要諗轉搭其他交通工具。

  五大城市地鐵總整理

Q1. 搭地鐵唔小心搭錯邊點算好？

首爾地鐵路線非常複雜，有時候一唔小心就會搭錯反方向。如果車站都喺同一個月台當然就冇問題，但如果咁啱要過對面嘅話，應該大家都會擔心「係唔係要先啪卡出去，再啪卡入另一邊？」定係「如果出咗去又啪卡，係唔係要俾多次錢呢？」。

• 仲未搭地鐵

如果仲未搭地鐵，只係喺月台嘅話，直接啪卡出站，再啪卡入另一邊就可以，大家只係喺5分鐘內完成以上步驟，咁就唔需要多俾一次錢。 

*唔適用於1次性交通卡
*只限一次，請注意方向

• 如果已經搭到去其他站？

票閘口有一個Help掣，大家只要撳完同職員講入錯閘就可以，只要用簡單英文講，大部分職員都會幫手開門，只要門一打開，另一邊門亦會打開，大家只要再去返啱邊入去就可以。

Q2. 點買一次性交通卡？

1. 每個地鐵站閘口，都會有呢種一次性地鐵交通卡嘅售票機，同時可以用佢嚟增值，機上面可以揀番中文、英文、韓文同日文，唔驚睇唔明。

2. 揀完一次性交通卡之後，揀想去嘅地方名。

3. 撳「노션검색」可以揀站。

4. 揀完要去邊，再揀買幾多張，小童票係6-13歲。

  韓國交通卡整理

Q3. 一次性交通卡點解會比較貴？ 

一次性交通卡裡面有包含₩500保證金，所以出站後記得要去保證金退款機退返₩500，不過每搭一次就要買一次，所以最好都係用交通卡比較方便。

Q4. 點轉車？

1. 轉車嘅時候，最好留龍指示牌上面寫住嘅「갈아타는 곳」（轉車）。

2. 睇返想換幾號線，之後跟住行就可以。

Q5. 喺地鐵入面可唔可以食嘢？

韓國一直以嚟都冇法律規定可唔可以喺地鐵入面食嘢，喺疫情爆發之前，成日都會見到唔少韓國人拎住咖啡，或者食住包同糖等，但而家已經係禁止。

6. 韓國巴士

Q1. 韓國巴士顏色代表咩意思？*首爾基準*

搭地鐵可以去距離目的地最近嘅地方，但要去一啲景點，都係要搭巴士先會去到。如果要喺首爾市區裡面搭，最常搭嘅會係藍色同綠色。

Q2. 全國巴士費用係？

*以最多人搭嘅藍色同綠色巴士為準。

首爾巴士票價（+首班車、尾班車時間） 

種類		交通卡費用	現金費用	首班車	尾班車
幹線巴士 支線巴士	一般票	₩1,200	₩1,300	03:50 - 05:30	21:00 - 24:00
	青少年	₩720	₩1,000
	小童	₩450	₩450
循環巴士	一般票	₩1,100	₩1,200	06:30	22:00 - 23:00
	青少年	₩560	₩800
	小童	₩350	₩350
廣域巴士	一般票	₩2,300	₩2,400	04:30 - 05:35	22:30 - 24:00
	青少年	₩1,360	₩1,800
	小童	₩1200	₩1,200

* 每個地區都會有啲唔同，大家唔需要記住係幾多，上車嘅時候啪卡就會個扣幾多。

巴士同地鐵唔同嘅係，巴士時間會因交通狀況而受影響，所以如果要搭巴士嘅話，建議預多少少時間，可以先透過Naver Map確認巴士位置同抵達時間，就可以玩得更有效率。

  韓國巴士總整理

Q3. 搭乘巴士點上車同落車？

同喺香港搭巴士一樣，去到巴士站，有車嚟喺車前拍卡上車，如果只係得現金冇散紙，巴士嘅機器會自動找俾你，只要記住拎就得啦！

聽到廣播出現要落車嘅巴士站之後，記得要撳落車掣，如果冇撳司機可能會直接開走。

落車前亦唔好唔記得要啪卡，因為要啪卡先可以用到轉乘優惠，同時即使冇轉乘大家都記得要啪卡，如果唔係就會被罰錢。 

Q4. 可唔可以喺巴士上食嘢？

韓國係禁止喺巴士上飲食，以下小編整理出可以帶同唔可以帶食物上巴士，俾大家一個參考。

不過大家要記得，雖然可以帶上巴士，但唔可以上車食。

韓國的士

* 首爾、京畿、仁川、釜山基本費用都一樣，追加費用每一個地區都會唔同。

喺Naver Map上面輸入出發地同目的地，然後揀想要嘅的士款就可以知道搭的士所需費用大概係幾多，當然呢個唔係最正確數字，只係稍微預估。

Q1. 韓國的士有邊幾種？

種類	特徵
一般的士	一般的士係最常見同時係價錢最平嘅一種。大多係黃色，不過亦有白色同灰色。
模範的士	模範的士基本費用同費率都比一般的士貴，不過冇夜間加成，車本身都比較高級，而且司機要有無肇事紀錄先可以開呢種車，搭起嚟亦會比較安心。
高級的士	高級的士比模範的士更高級，而且仲有分好幾種，唔同種類價錢都會有啲唔同。
大型的士	大型的士最多可載8個人，費用同模範的士一樣。
國際的士	國際的士係專載外國觀光客，車身上面會貼上司機識講嘅語言，例如英文、中文、日文等。車身顏色係黑色加橙色，費用比一般的士仲要貴。

Q2. 搭的士要注意嘅事

• 因為好多的士司機都唔太識其他語言，所以最好show韓國地址俾司機睇。
• 上車後先確認跳表機係唔係正常，有啲司機會利用跳表機去多收錢。
• 打開Naver Map，確認司機開嘅方向正唔正確。
• 拒絕載客同多收錢都係違法，如果遇到呢個問題，記得將車牌No或司機資料記低。
• 韓國的士號碼多數係「아」、「바」、「사」、「자」其中一個，同埋係黃色底黑字，大家上車之前一定要睇清楚。

6. 往返於機場及主要旅遊區（地鐵、巴士）

Q1. 仁川&金浦機場 ↔ 首爾中心移動方法

  a. 仁川&金浦機場 ↔ 弘大入口站

• 仁川&金浦機場 → 弘大入口站：機場貨物辦公樓站方向（首爾站行）
• 弘大入口站 → 仁川&金浦機場 : 數碼媒體城站（仁川機場T2）

  b. 仁川&金浦機場（↔ 弘大入口站）↔ 蠶室站

• 仁川&金浦機場 → 蠶室站 : 機場貨物辦公樓站方向（首爾站行）→ 弘大入口站轉車 → 2號線新村站方向（聖水內線行）
• 蠶室站 → 仁川&金浦機場：2號線 蠶室渡口方向（聖水外線行）→ 弘大入口站轉車 → 數碼媒體城站（仁川機場T2行）

  c. 仁川&金浦機場 ↔ 首爾站

• 仁川&金浦機場  →  首爾站：機場貨物辦公樓站方向（首爾站行）
• 首爾站 → 仁川&金浦機場：孔德站（仁川機場T2行）

  d. 仁川&金浦機場 (↔首爾站) ↔ 明洞站

• 仁川&金浦機場 → 明洞站：AREX機場貨物辦公樓站方向（首爾站行） → 首爾站轉車→ 4號線會賢站方向（堂嶺站）
• 明洞站 → 仁川&金浦機場： 4號線會賢方向（烏耳島行） → 首爾站轉車 → AREX孔德站方向（仁川機場T2行）

  e. 仁川機場 ↔ 金浦機場

• 仁川機場 → 金浦機場：AREX機場貨物辦公樓站方向（首爾站行）
• 金浦機場 → 仁川機場：桂陽站方向（仁川機場T2行）

搭AREX直通車！

只要搭AREX直通車，就可以由仁川機場T1/T2直接去到首爾站，非常之快同方便，如果透過我哋預約，仲可以有優惠添！

  仁川機場快線AREX直通車票優惠

或者大家亦可以搭巴士去其他地方，不過亦都因為而家疫情影響，已經唔再營運，之後如果開返，會再同大家Update！

  機場巴士總整理

Q2. 金海國際機場 ↔ 釜山中心移動方法

 小編會比較推薦大家搭米地鐵。

• 機場 → 主要地區（西面、海雲台廣安里）：西釜山流通地區站方向（沙上站） → 沙上站轉車 → 2號線甘田站方向（萇山行）
• 主要主區（西面、海雲台廣安里) → 機場：2號線 梁山行 → 沙上站轉車 → 掛法Renecite站方向（加耶大行）

Q3. 大邱國際機場 ↔ 大邱中心地區移動方法

因為國際機場陰近冇地鐵站，所以搭巴士會比較方便。

7. 由首爾出發去其他城市方法（火車、高速巴士）

如果由首爾去其他地方，可以搭火車、高速巴士，火車好處係快去到，而高速巴士就係平啲同可以去到好多地方。

 Q1. 火車預約方法

如果想由首爾去其他地區，搭火車係最快，當中最快係KTX.SRT > 新村號 > 無窮花號，越快就會越貴，建議大家可以去官網預約睇吓。

1) 搭火車要注意嘅事

• 火車飛可以去到現場買，不過唔同地區或者班次可能會好長，加上放假期間好快就會賣晒，最好提前預約。
• 喺出發前20分鐘都仲可以買到，如果只係得20分鐘之內就一定要去現場買。
• 首爾站比想像中大，好多時火車一到就會再出發，建議大家提前15分鐘去到。

2) 網站預約

喺Google打Letskoreail就會見到官網頁面，一打開雖然係全韓文，不過都唔需要太緊張，右上角會見到一個Language嘅掣，大家可以打返中文、英文或者日文再去預約，不過如果係網上預約，就記得要print返張火車飛，千祈唔好唔見。

3) App預約

如果覺得網站太麻煩，可以直接用APP預約，一樣有四種語言，用佢嘅好處係唔需要print車飛，方便好多！

4) Creatrip網頁預約

可以透過我哋預約就可以搭Ktx，目前可以去到嘅地方有首爾、釜山、大邱、江陵同全州等地區。

  Creatrip KTX預約

  韓國KTX教學指南

Q2. 高速巴士預約方法

搭高速巴士有個好處係可以去到唔同地方，一樣都可以喺網上或者APP度預約車飛，不過如果冇韓國手機號碼，有啲地方就一定要去到現場先買得。

網站預約方法

• 網站有提供四個語言（韓文、英文、中文、日文）去預約，所以唔需要太擔心，不過大家記住買完之後，一定要將佢Print出嚟，之後再去兌換實體車飛。
• 網站可以預約出發一小時前嘅巴士。
• 之前記住要Print低預約記錄，之後去到現場再換實體車飛，同時記得要向櫃檯出示返你碌嘅信用卡。
• 想知預約成唔成功，可以撳付款明細查詢。

  韓國高速巴士教學指南 

8. Seoul Bike

韓國越嚟越容易會見到Seoul Bike，就算外國人嚟到，就算冇韓國手機號碼都可以租借到！而家就等小編教大家點做啦！

1) 手機App預約（只限QR單車）

首先要Down 「Seoul Public Bike」app， 同埋要開位置同藍牙功能。

1. 打開之後會見到呢個畫面，如果只係得海外卡，可以揀foreigner，如果有韓國卡就揀非會員，如果喺韓國會留一段時間或長住推薦大家可以加入會員。

2. 最底個掣係買使用券。

3. 同樣都係揀想揀踩幾耐，（1小時₩1,000/2小時₩2,000/1日₩5,000）。

4. 揀信用卡之後打Email，再同意哂所有選項，撳俾錢就可以啦！

5. 俾錢方式同網站嘅一樣，跟住打就可以。

2) 拎車方法

1. 買完使完券之後，撳「대여하기」（租車）。

2. 之後會出現QR Code，用手機掃就可以。

3. 大約等1分鐘之後，就會聽到解鎖嘅聲，之後就可以踩啦！

3) 還車

1. 可以揀想要嘅地方還。

2. 單車後面會有一個掣可以向下拉，之後就會收到message話你知還咗車。

3. 如果想再解鎖，可以撳「임시 잠금 해제」（臨時解鎖）。

  韓國「Seoul Bike」使用指南

以上係首爾大眾交通工具嘅介紹，大家只要依照自己需求去搭就可以，希望呢篇文章能夠俾計劃嚟韓國旅行嘅大家一啲幫助。

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購