logo
CloseIcon

韓國交通卡總整理

韓國交通卡點樣分?除咗T-Money之外,原來仲有其他?用淨嘅錢可唔可以拎返?

Yeong
10 days ago

Hello,大家好,我哋係由韓國人每日提供最新韓國旅行資訊嘅Creatrip


嚟韓國旅行成日都要搭地鐵同巴士,所以嚟到一定要買返張T-money,如果冇就要次次入錢、買飛,都幾麻煩,所以小編整理咗常見嘅韓國交通卡種類、教學,同埋一啲最新訊息,希望可以幫到大家,下次嚟韓國玩,就唔使咁煩惱啦!



韓國交通卡總整理

1. 地鐵一次性交通卡(首爾地鐵)

地鐵一次性交通卡


每個地鐵站閘口,都會有呢種一次性地鐵交通卡嘅售票機,同時可以用佢嚟增值,機上面可以揀中文、英文、韓文同日文,唔驚睇唔明。


韓國地鐵 地鐵一次性交通卡

韓國地鐵站 地鐵一次性交通卡


不過提提大家,一次性交通卡(要俾保證金)比用T-Money搭地鐵會貴少少。

一次性交通卡T-Money
₩1,350₩1,250
搭得越遠,就會再貴啲。
保證金₩500-


韓國一次性交通卡

退還一次性交通卡時,可以拎返₩500保證金。

喺首爾搭地鐵,一次性交通卡比T-money貴₩100,而且仲要另加₩500保證金,雖然會退返俾你,但每搭一次就要再買同退錢,其實都幾麻煩。不過喺釜山、大邱等地鐵站,一次性交通卡就冇咁複雜,但同樣如果係用T-Money等交通卡搭地鐵,就可以享有轉乘優惠,點計都係比一次性交通卡平啲!



2. 交通卡點買?點增值?

韓國Tmoney點增值


嚟韓國真係成日都要搭大眾交通工具,推薦大家嚟到一定要準備一張交通卡,無論係搭地鐵,巴士、的士定係火車都可以用到交通卡,地鐵轉地鐵、地鐵轉巴士,轉車都會有優惠。


韓國Tmoney


韓國交通卡可以喺全國便利店、地鐵站交通卡無人自動販賣機(1至4號線)、i Center(5至8號線)、網站商店等到買。另外持有長期簽證嘅朋友,申請銀行卡嘅時候,仲可以綁埋交通卡,佢會幫你自動增值同扣錢,好方便。


韓國便利店 Tmoney


喺便利店買交通卡,大約₩2,500至₩5,000不等,買嘅同時仲可以增值,通常可以增₩1,000至₩90,000不等,而每張卡片裡面最多可以有₩500,000。如果係青少年、幼兒買優惠交通卡時,需要出示出生證明,職員就會幫大家去set,另外如果喺GS25、CU買完嘢之後,淨低嘅散紙可以用嚟增落交通卡入面,最小單位為₩10,如果唔想下下都俾現金,用交通卡俾錢亦都得(就好似香港八達通咁)。



3. 韓國交通卡種類

1) T-Money

韓國Tmoney


T-Money交通卡喺韓國最常見,唔單止可以喺便利店買嘢,仲可以搭巴士、地鐵、火車(無窮花號)、的士等等,而且會同好多藝人、品牌聯名,超多款式可以揀。


T-Money常見問題

1. T-Money餘額太多,可唔可以退錢?
答:卡入面金額如果係₩20,000以下,可以喺便利店退款;超過₩20,000以上,就要自己去T-Money總部辦理(手續費係₩500)。

2. 空卡可唔可以退?
答:唔可以,但可以留低當做紀念。

3. T-Money有冇使用期限嗎?
答:冇,卡片上嘅日期只係用嚟參考。

4. T-Money除咗搭地鐵之外,仲有咩好處?
答:增完值之後可以喺便利店消費,唔使次次都要找錢,而且坐的士用T-Money俾會有紀錄,如果要投訴,或者唔見咗嘢,可以好快搵到係邊架車。





2) Cashbee

韓國Cashbee卡


Cashbee算係韓國第二普及嘅交通卡,同樣可以用嚟搭地鐵、巴士、火車、的士等。目前除咗首爾地區,其他部分城市地鐵都可以用(唔可以喺大邱地鐵站增值),部分城市,好似慶南地區等都係用唔到。

至於Cashbee相關問題,同T-Money問題一樣,可以參考吓。

備註:大田地鐵由2018年起可以用Cashbee



3) Creatrip X BELLYGOM 限量聯名交通卡

Creatrip獨家BELLYGOM聯名交通卡


BELLYGOM係一隻喺韓國超受歡迎嘅卡通人物,今次我哋爭取到同BELLYGOM合作推出限量又獨一無二嘅交通卡,搭車同喺便利店+指定店鋪消費都可以用!而且只要事先預約,30秒內可以輕鬆換領,我哋仲會先幫你入定₩5,000,等你可以攞到即用!仲可以透過Creatrip App隨時確認餘額&交易記錄,夠曬方便!

Creatrip限量BELLYGOM聯名交通卡 | 撳我即買

 「Creatrip限量BELLYGOM聯名交通卡」詳細介紹



4) 遊客專用交通卡

Discover Seoul Pass(首爾轉轉卡)


首爾轉轉卡(Seoul Pass)係首爾觀光公社為咗遊客方便,喺指定時間內,可以喺首爾市內55個景點免費入場,或100多個景點、行程優惠,另外仲可以當佢係交通卡咁增值,而且仲可以免費搭一次AREX機場鐵路。

24小時
₩50,000
48小時
₩70,000
72小時
₩90,000
BTS轉轉卡已售罄、手機Pass冇交通卡功能


Seoul Pass | 撳我即買

 「Seoul Pass」詳細介紹



M PASS

韓國M PASS卡


M PASS比較少人知,佢只可以喺首爾、濟州島用,主要係為咗嚟首爾遊客設計嘅一日地鐵交通卡,除咗新盆唐線、京春線、紅色巴士之外,都可以用到。而M PASS限制係當日只可以搭20次,對旅客嚟講,基本上應該係用唔哂,用完仲要還先可以拎返₩5,000保證金。


一般售價
17:00後買
一日券
₩15,000
₩12,000
兩日券
₩23,000
₩20,000
三日券
₩30,500
₩27,500
五日券
₩47,500
₩44,500
七日券
₩64,500
₩61,500


小編個人覺得M PASS唔太實用,如果一日去四個行程,搭地鐵都唔使₩10,000,不過如果驚去錯月台、唔敢請工作人員幫手嘅話,有M PASS就唔使驚啦!


M PASS購買/退還地點




  • 仁川機場T1諮詢中心(5號、10號GATE);營業時間:07:00 - 22:00
  • 濟州機場綜合資訊台(1號GATE);0營業時間:7:00至22:00
  • 首爾站T-Money Towen(首爾站10號出口);營業時間:09:00 - 18:00、週末休息
  • 明洞觀光資訊情報中心(乙支路入口站5號出口);營業時間:09:00 - 20:00

備註:還卡時保證金需再扣₩500


Amazing Pay T-Money

韓國Amazing Pay T-Money


有咗Amazing Pay T-Money搭仁川機場巴士,去某一啲景點、睇表演、餐廳等都有折扣優惠(購買時會有優惠冊),除咗以上特點之外,就同一般T-Money冇咩分別。

售價₩50,000
空卡₩4,000、增值₩46,000
地點仁川國際機場T1
一樓4號、9號出口CU
退還卡內剩餘金額
再扣₩4,500



Korea Tour Card 

韓國 Korea Tour Card


呢個都係專為外國遊客而設嘅交通卡,可以搭地鐵、巴士、的士,全韓國各地景點都享受優惠,除咗基本卡費₩4,000之外,同T-Money使用方式一樣,冇有效期,更加方便。


Korea Tour Card購買地點

  • 7-11
  • e-mart24
  • 機場鐵路(首爾站、金浦機場站、仁川國際站)
  • 各大地鐵站
  • 友利銀行(仁川機場分行)
  • 新韓銀行(仁川機場分行、明洞站分行、弘益大學分行、明洞分行、濟州機場分行、金浦機場分行)
  • 仁川機場濟州航空櫃位




5) NAMANE卡

「NAMANE卡」使用說明


NAMANE係一張可以當交通卡用之外,同時仲可以做埋扣賬卡,Download佢哋app仲可以睇到過往所有碌卡紀錄同堆增值,交通卡同扣賬卡餘額分得好清楚,大家仲可以將啲錢交換咁用。  



大家可以用偶像,或者旅行中想留念嘅相去設計,透過我哋買仲可以平啲添! 因為卡唔會寫名,唔需要認證就用到,同時冇年齡限制,重點係外國人都用到。全國大約有200幾個景點,提供24小時無人機器,明洞站、首爾站、教保文庫弘大店等都有。

 「NAMANE卡」詳細介紹


4. 點查交通卡仲有冇錢?

點查T-money仲有冇錢?


除咗地鐵入閘嘅時候,可以睇到收幾多同淨幾多之外,亦可以透過地鐵機器(增值機),擺上去睇下仲有幾多錢,如果係iPhone7以上用戶(系統需ios13以上),亦可以download「BucaCheck」呢個App,確認餘額有幾多,而Android用戶如果有NFC功能,一樣都係down app睇就可以。

  手機可查T-money餘額

以上係小編整理出嚟韓國交通卡介紹,希望可以幫到大家啦!




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面


 韓國代購

熱門文章