2024首爾凌晨巴士總整理
享受完夜生活怕冇車返屋企?首爾凌晨巴士幫到你!
Hello,大家好,我哋係由韓國人每日提供最新韓國旅行資訊嘅Creatrip。
大家嚟韓國旅行除咗地鐵,搭得最多應該就係巴士啦。大家又有冇留意到韓國巴士有好多款,甚至有啲巴士仲會開到凌晨呢?首爾市區夜晚至凌晨會特別加開「凌晨巴士」,方便加班嘅打工仔、玩到凌晨嘅年輕人,同埋好似大家咁嚟韓國玩到盡嘅觀光客,等大家唔洗焗住一定要搭的士。小編今日整理咗有關首爾凌晨巴士嘅資訊,有需要嘅朋友們記住mark低啦!
首爾凌晨巴士介紹
- 車費:₩2,150(交通卡)
- 班次:每條路線都唔同,至少每隔30分鐘先會有一班車
大部分韓國巴士嘅尾班車都會喺夜晚9點左右喺頭站出發,11點左右開到尾站。
夜晚11點至凌晨3點呢段時間,就係被稱為「貓頭鷹巴士(올빼미버스)」嘅凌晨巴士嘅營運時間啦。凌晨巴士總共有14條路線,縱橫全個首爾,為要喺呢段時間番屋企嘅人提供多一種可以選擇嘅交通工具。
而凌晨巴士尾班車通常會喺凌晨3:30開出,朝早5點就會去到尾站,啱啱好連接到韓國地鐵同普通巴士頭班車準備開出嘅時段。
大家只要見到係「N(Night)」字開頭嘅巴士,就會知道嗰架係凌晨巴士。凌晨巴士車費通常都會比普通巴士貴唔少,不過點都比的士平,相對上比較抵搭。
首爾凌晨巴士路線
N13
- 營運時間:00:00至03:25
- 行經路段:蘆原站、泰陵入口站、回基、清涼里站、東廟前站、東大門站、東大門DDP、東大入口站、漢江鎮、新沙站、江南站、宣陵站、三成站、蠶室運動場、蠶室站、可樂市場站、福井站
N15
- 營運時間:00:00至03:35
- 行經路段:舍堂站、首爾大入口站、新林站、鷺梁津站、三角地站、首爾站、明洞商圈、乙支路入口站、鐘路、東大門站、東廟前站、普門站、誠信女大
N16
- 營運時間:00:10至03:45
- 行經路段:溫水站、九老站、新道林站、汝矣島、孔德站、首爾站、市廳站、明洞站、忠武路站、東大門DDP、東大門站、惠化站、誠信女大入口站、道峰山站
N26
- 營運時間:00:00至03:25
- 行經路段:新內站、回基站、清涼里站、東大門站、鐘路、西大門站、梨大站、新村站、弘大入口站、合井站、堂山站、金浦機場
N30
- 營運時間:23:10至03:50
- 行經路段:江一洞、千戶站、君子站、新踏站、新設洞站、東廟前站、東大門站、東大門DDP、乙支路4街站、乙支路3街站、乙支路入口站、明洞商圈、崇禮門、首爾站
N37
- 營運時間:00:01至03:10
- 行經路段:福井站、可樂市場站、良才站、江南站、新論峴站、新沙站、漢江鎮、明洞聖堂、鐘路、光化門、西大門站、獨立門站、延新內站、舊把撥
N61
- 營運時間:23:40至04:10
- 行經路段:開峰洞、新林站、首爾大入口站、教大站、江南站、三成站、建大入口站、君子站、中浪站、蘆原站
N62
- 營運時間:23:40至01:10
- 行經路段:君子站、建大入口站、聖水站、燾島站、往十里站、東大門DDP、東大門站、鐘路、乙支路入口站、市廳站、忠正路站、梨大站、新村站、弘大入口站、合井站、木洞站
N72
- 營運時間:23:30至03:20
- 行經路段:新設洞站、東廟前站、漢江鎮站、梨泰院站、三角地站、孔德站、西江大、新村站、弘大入口站、合井站、世界杯體育場、數碼科技城
N51
- 營運時間:23:50至03:35
- 行經路段:下溪站、高麗大站、高麗大商圈、新設洞站、安國站、景福宮、光化門站、市廳站、忠正路、梨大站、新村站、弘大入口站、合井站、堂山站、永登浦站、新道林站、大林站、九D、衿川區廳
首爾凌晨巴士特別事項
搭凌晨巴士要注意啲咩?
每逢weekend,無論係韓國人定係嚟韓國玩嘅旅客都會玩到好夜,呢啲日子搭凌晨巴士一定會好多人,尤其係會經過江南、弘大、鐘路一帶嘅巴士。因為除咗車費貴少少之外,凌晨巴士其實同普通巴士冇乜分別,所以好多人比起搭的士,都會選擇搭凌晨巴士。但係有時候會因為人太多,所以甚至會出現有人冇拍卡就上車或者格硬逼上車嘅情況,都幾混亂。呢啲時候仲有好大機會會上唔到車,所以大家記住要諗定個Plan B,唔好太依賴凌晨巴士。
點解韓國會有凌晨巴士?
韓國會提供凌晨巴士服務,原意係為咗方便要加班嘅打工仔同埋需要半夜出門口嘅人,唔使驚冇車搭。而家凌晨巴士亦都成為咗享受夜生活嘅年輕人嘅好朋友。除咗住喺首爾嘅人,住喺仁川同京畿道嘅人都可以從中受惠。因為比起係首爾市中心call的士翻屋企,出到首爾外圍先再搭會抵好多。
如果有更多想知嘅內容,都可以隨時留言或者dm話俾我哋知:)
Instagram:creatrip.hk