Hello，大家好，我哋係由韓國人每日提供最新韓國旅行資訊嘅Creatrip。
相信好多朋友嚟韓國玩都會去食「一隻雞」，今日要介紹嘅餐廳就係位於明洞嘅「明洞一隻雞」，想食返餐唔辣嘅韓式料理不如可以考慮嚟呢度！
東大門「明洞一隻雞（巨成店）」資訊
- 地址：서울 종로구 종로 252-9
- 營業時間：10:00 - 23:00
- 可預約時間：10:00 - 22:00
東大門「明洞一隻雞（巨成店）」推薦原因
- 韓國必食美食「一隻雞」，只要透過我哋預約就可以唔洗等直接食！
- 「明洞一隻雞（巨成店）」係東大門一隻雞一條街入面其中一間最受歡迎嘅餐廳，唔少人都會專登嚟食。
- 位於廣藏市場附近，食完飯仲可以去參觀！
東大門「明洞一隻雞（巨成店）」價錢
| 一隻雞&湯麵Set （一隻雞2人份 + 雞腎 + 年糕 + 麵） | ₩35,000 |
東大門「明洞一隻雞（巨成店）」退款政策
| 預約後至到訪3日前取消 | 全額退款 |
| 到訪2日前或其後取消 | 不設退款 |
東大門「明洞一隻雞（巨成店）」注意事項
- 請最少喺3日前完成預約。
- 如希望加購其他餐點，請喺現場支付所需金額。
- 預約時請確保已選擇正確日期及時間。
- 如果遲到超過10分鐘，預約將自動被取消，屆時將不設退款。
如果想更改預約，或者有任何問題，請send email到help@creatrip.com查詢。
東大門「明洞一隻雞（巨成店）」預約流程
| STEP 1. | 撳我預約 |
| STEP 2. | 請填寫所有相關資訊，我哋會喺1-2個工作天內確認預約。 |
| STEP 3. | 當日請準時到達，向職員出示預約記錄。 |
| STEP 4. | Enjoy！ |
東大門「明洞一隻雞（巨成店）」介紹
今日小編帶大家嚟到位於東大門一隻雞一條街嘅「明洞一隻雞（巨成店）」！呢度仲曾經上過兩次電視，之後就有好多人慕名而來啦！
餐廳總共有兩層，1樓同2樓都有10幾張枱，大家嚟到可以將隨身物品放入櫈入面，咁就唔洗怕要放地下，亦都唔會吸味啦！
呢度除咗一隻雞之外仲有好多其他Menu，如果覺得食唔飽都可以額外再叫~
聽老闆講呢度特別多日本遊客嚟食，所以另外有一張日文説明書教大家點食一隻雞。
一隻雞&湯麵Set ₩30,000
透過我哋預約嘅話店員會事先幫大家Set好枱，所以記住唔好遲到啦！到咗之後就可以即刻開火~
等湯滾嘅時候可以整點雞肉食嘅醬汁（蒜蓉 + 辣椒醬 + 芥末 + 麻油 + 豉油 + 韭菜），淨返嘅蒜蓉同韭菜可以加埋落湯入面，咁就可以令味道更加有層次啦！
開始滾之後就可以落年糕同雞腎，煮一陣啲年糕就會浮起，呢個時候食係最煙韌㗎！
等到其他食材熟曬之後就可以食啦~ 俾個小Tips大家，食雞肉之前可以先用筷子篤一篤嚿薯仔，如果可以拮得入嘅話就代表雞肉同薯仔都已經熟曬，可以安心開始盡情食！
食咗60~70%之後就可以落埋麵煮，有種食雞湯刀削麵嘅感覺~
熟咗之後就可以夾啲麵𢳂啲湯落碗，建議咩都唔好點直接食，咁就可以食到麵同湯最original嘅味道啦~
如果覺得太淡都可以點少少頭先整嘅醬汁食。
最後加埋泡菜食，完滿結束呢餐！
東大門「明洞一隻雞（巨成店）」前往方法
喺東大門站（동대문역）9號出口出。
直行。
第一個路口轉左。
直行。
第一個路口轉右。
直行。
再轉右。
直行。
之後就會見到「明洞一隻雞（巨成店）」喺你嘅右邊。
以上係東大門「明洞一隻雞（巨成店）」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
