Creatrip語學堂匯款代理服務💵
想自己親自報名語學堂，但係喺匯錢呢一關kick住咗？
Creatrip全新推出語學堂匯款代理服務，
只要好似喺我哋網站上面買嘢咁用香港信用卡俾錢，
我哋就會幫你過數俾語學堂！
服務範圍
代理繳交韓國大學語學堂正規課程報名費及學費
服務優點
👍🏻可以直接碌卡！自己報名語學堂嘅時候通常都唔可以用信用卡交學費，但係只要有呢個服務，申請人可以直接用信用卡俾錢，我哋收到款項之後就會用韓國本地銀行戶口幫你過數落學校銀行！
👍🏻匯款速度夠快！通常海外匯款都需時2~5日，不過因為我哋會直接用韓國銀行戶口轉數，無論係安全性定速度都會好過直接喺外國匯錢！
👍🏻唔洗怕匯唔夠錢！因為匯率每日都不停變，有時候以為自己計啱數都可能會匯唔夠錢，要另外再匯多次勁麻煩。不過如果透過我哋過數就唔需要擔心呢個問題！
※報名費及學費加價時可能需要額外支付相關費用
申請及匯款流程
- 揀好所有你需要支付嘅費用，然後進行付款
- 我哋會喺2個工作日內確認你嘅匯款，然後透過email將相關資訊send俾你
- 如果你喺星期日18:00前完成付款，我哋將會喺星期三進行匯款；如果你喺星期日18:00之後付款，我哋將會喺下一個星期三進行匯款（上述時間為韓國時間；如果星期三係韓國公眾假期，匯款將會延遲到星期五進行）
- 過完數之後我哋會將匯款證明用email send俾你
※上述流程及時間以申請語學堂程序無誤為前提，如果發現需要額外提交或確認其他資料，匯款時間將會延遲
匯款例子(以下時間為韓國時間)
Case#1
申請人喺 2024.01.05（星期五）15:00 進行付款 → 我哋會喺 2024.01.10（星期三）進行匯款
Case#2
申請人喺 2024.01.07（星期日）14:00 進行付款 → 我哋會喺 2024.01.10（星期三）進行匯款
注意事項
- 本服務只限代理語學堂費用匯款，一律唔受理其他費用嘅匯款（如繳付稅金、運費、其他住宿費等非學校官方要求支付嘅費用），亦唔會提供其他申請上嘅協助。
- 除報名費同學費，如果需要進行其他同語學堂有關嘅費用匯款，請事先send email到help@creatrip.com查詢（非所有匯款皆會受理，最低金額亦需達30萬韓幣）。
- 付款時需要同時支付Creatrip代辦服務手續費。
- 付款後，負責同事經確認後可能會向你索取其他資料（如登入學校網站時需要用到嘅ID同密碼、學生編號等）。
- 提供ID同密碼時請準確填寫（需區分大細楷），喺匯款成功前亦請唔好更改上述資料，否則你嘅申請將會自動被取消。
- 匯款後如因課程被取消等原因而需要進行退款，請先向學校查詢退款詳情，退款時將會退回扣除Creatrip手續費後金額。
- 本頁面只限港澳人士進行申請，如你來自其他國家/地區，請移玉步到指定頁面繼續申請程序 👉🏻 台灣(繁體中文)、English、日本語
