👍🏻嚟旅行當然要去最local嘅地方嘆盡當地美食！
👍🏻帶你走入深受當地人歡迎嘅鷺梁津水產市場，體驗韓國飲食文化！
👍🏻可以瞭解首爾海產業之餘，仲可以食到最新鮮嘅海鮮！
👍🏻水產市場入面亦都有另外賣海鮮乾貨同魚醬嘅area，超多嘢睇！
行程介紹✨
「鷺梁津水產市場」係韓國數一數二嘅水產市場，每日都有最少250~300噸嘅海產會喺度進行交易，可想而知呢個市場對韓國海產業真係好重要。
「鷺梁津水產市場」入面亦都有買魚醬嘅地方，辣醃章魚、明太子醬、牙帶魚醬、蝦醬等等一應俱全，買嘅時候全部都係以重量計算，可以想食幾多買幾多。而且魚醬可以放好耐，平時食飯當配菜食真係一流！
另外呢度仲有一個賣海鮮乾貨嘅area，有賣各種魚乾、小章魚乾等等，仲有觀光客必買嘅紫菜！小編建議大家可以試吓買呢度嘅紫菜，雖然保質期比起超級市場賣嘅紫菜短，但係真係香好多！
而「鷺梁津水產市場」最吸引人嘅地方就係即場買完大蝦、活章魚等等嘅海鮮之後，老闆會即刻幫你處理同煮好，大家可以直接喺度食或者打包返屋企，真係勁新鮮！
好似頭先所講，因為呢度係全韓國海鮮嘅聚集地，所以嚟到呢度食嘅海鮮真係超新鮮，好多韓國人都會買一份刺身，同朋友一邊飲燒酒一邊食。想喺首爾食到最新鮮嘅海鮮，體驗韓國飲食文化嘅話，就記住要嚟「鷺梁津水產市場」啦！
