logo
CloseIcon

2024韓國換錢總整理

2024韓國邊度唱錢匯率最高?首爾/釜山/大邱/清州找換店資訊全公開!

Yeong
a month ago

Hello,大家好,我哋係由韓國人每日提供最新韓國旅行資訊嘅Creatrip。    


大家嚟韓國換錢,係唔係會成日煩到底點換先係最抵呢?要用港幣定美金去換比較抵?定係喺香港換定韓幣好呢?今日小編一次過整理出2024年最新韓國匯率換錢資訊,希望俾而家猶豫緊點樣換韓幣嘅朋友一個參考。

而Creatrip網站亦有提供今日匯率表,大家可以click【今日匯率】去確認,明洞一品香、大使館、第一換錢中心都有得睇。



2024韓國各地換錢資訊
如果想喺首爾搵找換店,可以繼續睇落去。
大邱釜山清州



2024韓國換錢/匯率

1. 認識韓幣



韓幣紙鈔分別有 50,000  10,000  5,000  ₩1,000 四張面額,硬幣嘅話就₩500、₩100、₩50、₩10、₩1。基本上₩100以下太零丁,跌落地都唔會有人去執lol。



2. 喺韓國定係香港換好?

換錢 韓國


韓國換錢第一個最頭痛嘅,就係到底要先喺香港換定嚟韓國先換好?呢個問題大家可能都會煩好耐。


自由行基本上先喺韓國機場換少少韓元會比較就好(夠你由機場到入住嘅地方,再到找換店嘅錢)。跟團嘅話,除非有購物自由時間喺明洞、東大門唱錢,唔係就要喺香港或者韓國機場唱定錢啦!


港幣換韓幣匯率(壞到好)

  • 香港銀行 < 韓國機場 < 韓國找換店(明洞最好
  • 百元鈔票 < 五百元鈔票 < 千元鈔票


美金換韓幣匯率(壞到好)

  • 韓國機場 < 韓國找換店(明洞最好
  • 舊版美金 < 新版美金
  • 小鈔美金 < 百元美金


冷門貨幣換韓幣匯率

最熱門嘅換韓元貨幣係:美金、台幣、港幣、星幣、日幣。其他貨幣基本上只要係「有價證券」都可以換,但匯率就唔會太好,亦建議去當地找換店詢問。



3. 用美金定係港幣換韓幣?


首爾明洞大使館匯率(例)
美金 > 韓元
港幣 > 韓元
1226155.8
備註:1港幣(1美金)得以上數字之韓元
換港幣1,000
換美金(7.83:1)-
約$ 127.7HKD 1,000
約 ₩151,580得 ₩ 155,800


Creatrip韓國換錢小建議

因為港幣 > 美金相對穩定,唔太會有大幅起跳,而且換錢有手續費,建議大家都係以港幣為主。

美金唱同港幣唱通常都只係差幾十、幾百韓元,除非你係一次大量換好幾十萬港幣,咁就另外一個講法。



4. 明洞找換店(一品香、大使館、第一換錢中心、Money Box、易資換錢)


其實明洞匯率最好嘅找換店都係喺附近,由乙支路入口站6號出口、明洞站5號出口、7號出口行過去都好近。


明洞Money Box

  • 地址:서울 중구 남대문로 52-1
  • 營業時間:09:00 - 21:00(有24小時無人換錢機)
  • 優惠:下載優惠券,享有港幣、台幣、美金、日幣、泰銖、越南盾換匯優惠


明洞一品香找換店

  • 地址:서울 중구 명동2가 105 B1
  • 營業時間:09:00 - 20:00(閂門時間唔定)

明洞一品香找換店 

明洞大使館找換店

  • 地址:서울 중구 명동2가 26
  • 營業時間:09:00 - 21:00(閂門時間唔定)

明洞大使館找換店 

明洞第一換錢中心

  • 地址:서울 중구 명동2가 85-6
  • 營業時間:09:00 - 23:00(閂門時間唔定)

明洞第一換錢中心 

易資換錢

  • 地址:서울 중구 남대문로 58-1, 2F
  • 營業時間:09:00 - 19:00
  • 優惠:下載優惠券,享有港幣、台幣、美金、日幣、泰銖、越南盾、歐元換匯優惠

明洞找換店 易資換錢 前往方法 

點樣知道當日韓國匯率?

2022韓國邊度唱錢匯率最高?首爾/釜山/大邱/清州找換店資訊全公開!


Creatrip APP原則上每日會更新韓國找換店匯率:明洞一品香、明洞大使館、明洞第一換錢中心,不過因為匯率會每日變動,Creatrip APP資訊係俾大家參考近期趨勢。


Creatrip APP下載

IOS 系統

韓國匯率



5. Creatrip機場換錢預約服務

Creatrip機場換錢預約服務 韓國機場匯率


平時大家都要走到首爾市區先可以用比較好嘅匯率換到錢,其實都真係幾嘥時間。我哋嘅韓國機場換錢預約服務由得到韓國政府認證嘅官方貨幣兌換公司Money Box提供,手續費比一般機場銀行平一半,而且只需要俾₩10,000按金就可以預約(飛當日朝早都可以預約到)!


 「韓國機場換錢預約服務」詳細介紹


6. 自動換錢機 WOW Exchange


除咗最多人會去嘅明洞找換店,但其實首爾各處仲有非常方便嘅自動找換店「WOW Exchange」。小編實測之後,WOW Exchange嘅港幣匯率同明洞唔會差好多,可以換台幣、美金、港幣、日幣等超多國家嘅貨幣俾你揀。

  WOW Exchange詳細介紹


7. 首爾其他找換店

首爾找換店


如果唔方便去明洞,都可以喺弘大、東大門、梨泰院等地方換,不過匯率都差幾遠,建議大家都係去明洞找換店換錢為主。如果你只係換少少去應急,都可以唱住先,但要換好多嘅話,小編會建議大家去明洞換錢。


弘大匯率 換錢

Naver 


弘大都有幾間找換店(通常都會同SIM卡一齊賣),但始終都係明洞匯率會再高啲,大家可以再考慮清楚再換。 


弘大Money Box

  • 地址:서울 마포구 와우산로 29길 72
  • 營業時間:10:00 - 21:00(設有24小時無人換錢機器)
  • 優惠:下載優惠券,享有港幣、台幣、美金、歐元、日幣、泰銖、越南盾換匯優惠

  弘大「Money Box」詳細介紹


東大門Money Box

  • 地址:서울 중구 장충단로 281
  • 營業時間:星期一至六 10:00 - 22:40、星期日 10:00 - 21:00
  • 優惠:下載優惠券,享有港幣、台幣、美金、歐元、日幣、泰銖、越南盾換匯優惠

東大門Money Box

  東大門「Money Box」詳細介紹

江南Money Box

  • 地址:서울 서초구 서초대로77길 3
  • 營業時間:10:00 - 22:00
  • 優惠:下載優惠券,享有港幣、台幣、美金、歐元、日幣、泰銖、越南盾、菲律賓披索換匯優惠


 江南「Money Box」詳細介紹


8. 釜山找換店資訊

去到釜山,除咗去西面換錢之外,其實喺南浦洞都有好多找換店,都係釜山地鐵1號線南浦洞站7號出口附近,更多詳情可以參考以下連結或撳我

釜山南浦洞換錢 2023年版釜山南浦洞換錢

釜山西面換錢

2023年版釜山西面換錢

  釜山換錢總整理


9. 大邱找換店資訊

大邱換錢其實都好講運氣,除咗大邱找換店喺週末同公眾假期冇開之外,中央路兩間找換店「大信換錢所」、「大美換錢所」營業時間都係估唔到(老闆同一人),建議大家可以參考小編嘅大邱換錢攻略(撳我),或宿可以請韓國人先打電話去問老闆有冇開門。

 大邱找換店

 2023年版大邱中央路換錢


   大邱換錢總整理


10. 清州換錢資訊

  • 清州換錢「清州機場新韓銀行」
    地址:清州機場GATE3隔離
    營業時間:09:00 - 16:00(有國際線航班先會開)


清州機場目前只提供新韓銀行換錢服務,小編建議如果只係去清州旅遊嘅朋友,直接喺香港銀行換錢好似仲會抵啲(?)

   清州機場換錢總整理



如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

LoadingIcon