明洞找換店｜Money Box
之後去韓國又有多間找換店俾大家揀！就算凌晨先飛到韓國，有Money Box都冇有怕！
Hello，大家好，我哋係由韓國人每日提供最新韓國旅行資訊嘅Creatrip。
相信去旅行買好機票，除咗要Plan好行程去邊之外，換錢都係一件好重要嘅事！而大家熟知嘅明洞出名匯率高，今日小編想同大家介紹一間叫做「Money Box」嘅找換店，只要係我哋會員，仲可以享有優惠，有興趣嘅朋友就要繼續睇落去啦！
明洞找換店「Money Box」資訊
- 地址：서울 중구 남대문로 52-1
- 營業時間：09:00 - 21:00
明洞找換店「Money Box」推薦理由
- Money Box喺韓國專門做外匯交易，目前韓國有8間分店。
- 明洞Money Box有提供18種外幣找換服務，匯率相當唔錯。
- Money Box有提供自動換錢機，就算係深夜、明洞找換店閂哂門，都可以喺度換錢。
- 呢度職員識講中文、英文、日文、韓文等。
- 下載優惠券使用時，仲可以享有換匯手續費減免。
明洞找換店「Money Box」優惠
- 以港幣、新台幣、泰銖、越南盾兌換韓幣時，享有手續費75折優惠；以美金、日圓、歐元兌換韓幣時，享有手續費9折優惠。
- 如果用美金換，一人最多只可以換3,000。
- 優惠券只適用於外幣換韓元時使用。
- 如果現場匯率比用優惠券高嘅話，會以現場匯率去換。
- 使用無人機器唔可以享有優惠。
- 只收現金，唔可以碌卡。
- 換錢嘅時候，需要出示護照或外國人登錄證。
- 優惠只限平日使用。
- 唔需要事前預約。
- 如果用coupon嘅時候，有任何疑問都可以send email到help@creatrip.com。
- 每間Money Box匯率都唔一樣，請以現場為主。
明洞找換店「Money Box」介紹
如果講到韓國邊度唱錢匯率最高同好，一定係明洞！Money Box匯率唔輸比一品香、大使館，呢度營業時間長、全年無休，仲有24小時無人機器，對於遊客嚟講真係好方便。
Money Box由乙支路入口站、明洞站行過去都好近，喺一品香找換店同大使館找換店附近，大家可以參考各間匯率。
Money Box同其他地方相比，呢度更加闊落，中間仲有一張檯俾大家有需要時做定筆記。
呢度仲有準備叉電器，有需要嘅朋友都可以用。
明洞Money Box職員好熱情，而且仲識講英文、中文、韓文同日文，有任何問題都可以直接問。
呢度有一個大型電子板，顯示每日匯率。
另外呢度仲有免費咖啡同飲水機，甚至有位俾大家休息吓，Money Box有提供優惠券，等大家可以用更優惠價格去換錢，特別係以港幣、新台幣、泰銖、越南盾兌換韓幣時，享有手續費75折優惠；以美金、日圓、歐元兌換韓元時，享有手續費9折優惠。
換錢嘅時候，需要準備護照或者係外國人登錄證，方便Money Box職員做個記錄。
左邊會顯示你換幾錢港幣，右邊就係韓幣金額。
喺確認完護照、外國人登錄證等資料之後，冇問題就會換錢。
小編今次換咗HKD 6,000，當日況港幣匯率係156.5，最後拎到₩939,000，相關匯率、數字都會白紙黑字連同收據俾你，大家數完冇問題就可以走。
如果Money Box已經閂咗門，或者凌晨去到明洞，但又換唔到錢都唔需要太擔心！因為呢度有一部24小時營運自助無人換錢機，提供韓文、英文、日文、中文服務。
使用說明可以參考隔離嘅介紹，而左邊仲有緊急聯絡電話，如果換錢出現問題，可以打去尋求協助。
*提提大家注意，Money Box自助無人換錢機都需要提供護照、外國人登錄證進行身份驗證，而且小編提供嘅優惠券唔適用於無人機器。
明洞找換店「Money Box」前往方法
乙支路入口站6號出口出嚟之後直行。
一路直行會經過Zara。
再直行會經過Tworld同Starbucks。
見到新世界百貨，路口轉角就係Money Box。
點先可以享有明洞Money Box優惠？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係明洞找換店「Money Box」 嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
