短髮美女世界盃Top20
短髮美女世界盃Top20，長髮同短髮可以有咁大反差？令人睇見都心心眼？
Hello，大家好，我哋係由韓國人每日提供最新韓國旅行資訊嘅Creatrip。
繼咁多次世界盃之後，小編再搵到一個短髮美女世界盃，小編今次搵到由PIKU舉辦嘅「短髮美女世界盃排名」，大家又希望第一係邊個呢？
提提大家：每小時結果都會有可能唔同，小編係以8月3號為基準。
短髮美女世界盃TOP20
Top 20 - 少女時代 潤娥
身為SM三大美女，潤娥又點會唔上榜呢？無論佢長髮定短髮一樣都咁女神風！
Top 19 - EXID Hani
講到美女短髮又點可以唔提Hani？雖然長髮都好靚，但唔少人都話佢短髮成個氣質都變得唔一樣，好令人眼前一亮。而家因為確診新冠肺炎，要好好休息，希望之後佢快啲好返，可以快啲見到佢喺電視節目出現啦！
Top 18 - Red Velvet Irene
喺網上真係有唔少人都整Irene合成短髮嘅相，雖然以上呢張相係髮型師幫Irene拎起長髮，扮係短髮，一樣咁有氣質，大家又點睇呢？
Top 17 - Red Velvet Joy
Joy越大越有魅力同女神風範，最近呢幾年都係以長髮視人，有時都掛住佢嘅短髮造型，超可愛。
Top 16 - Weki Meki 有情
平時活潑好動嘅有情，真係咩風格都好襯佢，要型又得，可愛亦都得！
Top 15 - IZ*ONE出身 員瑛
同Irene一樣，喺網上亦都有唔少fans將長髮嘅員瑛P成短髮，剪短時間睇落更成熟同有氣質，唔少網民都話：「靚女真係咩髮型都啱。」、「有呢個外表，剪咩都靚啦！」等留言。
Top 14 - 韓志旼
韓志旼真係好似食咗防腐劑咁，咁多年外表一樣都冇變，小編最記得當年佢拍《大長今》飾演長今好朋友嘅信非，今時今日仲係咁有氣質！
Top 13 - 千玗嬉
千玗嬉比起拍電視劇，更多出現喺電影大螢幕，佢2014年憑住《青春物語》拎過唔少獎，故事由韓國密陽真實事件《密陽性暴力事件》改編，講關於青少年霸凌同社會現實問題。小編個人覺得比起長髮，佢短髮更有魅力！
Top 12 - 少女時代 太妍
上次金髮美女都有出現嘅太妍，今次短髮一樣都有出現！
Top 11 - MOMOLAND出身 妍雨
自從妍雨退出MOMOLAND，佢開始專注係演員活動，希望佢可以繼續持住目標努力，繼續行花路。
Top 10 - 申世景
申世景8歲就開始出道，佢拍過唔少戲，雖然佢好多時都係以長髮視人，但其實佢短髮都好靚！
Top 9 - IZ*ONE出身 柔理
柔理短髮真係好襯佢！可愛得嚟又夠精靈！
Top 8 - Oh My Girl Arin
可愛甜美嘅Arin，無論係短髮定長髮都一樣咁有吸引力，完全係兩種唔同氣質。唔知大家又會鍾意佢長髮多定係短髮多啲呢？
Top 7 - 辛睿恩
辛睿恩通過青春愛情網絡劇《A-TEEN》以演員身份出道，當時已經以短髮視人。唔知當時第一眼又有冇吸引到大家呢？
Top 6 - Oh My Girl Binnie
雖然小編好少見到Binnie長頭髮嘅時候，不過每次見到佢短頭髮，都會俾人一種好清新嘅感覺。小編都好想剪短...但一直都冇呢個勇氣....
Top 5 - BLACKPINK Jisoo
唔少韓國網民覺得Jisoo其實短髮都好睇啲，不過小編就覺得人靚咩髮型都一樣係咁靚！同樣因為好多網民都想見到Jisoo短髮，所以呢張相都係合成。
Top 4 - 朴寶英
小編真係超超超鍾意朴寶英，基本上佢拍嘅每一套戲小編都會追！佢可愛嘅外表配上短髮完全係令人會心心眼。咁多套戲之中，小編最鍾意佢拍嘅《Oh 我的鬼神君》，未睇過嘅朋友一定要追！
Top 3 - IZ*ONE出身 采源
由《Produce 48》開始一直以長頭髮登埸嘅采源，上年年頭回歸嘅時候以短髮視人。唔少人睇完都話超有魅力，有韓國網民話一開始未必會留意到佢嘅存在，但剪咗短髮之後成個人眼前一亮。
Top 2 - IU
女韓星理想型世界盃同金髮美女世界盃都有上榜嘅IU！果然今次短髮美女世界盃亦都眾望所歸，短髮美女榜又點可以冇佢呢？
Top 1 - ITZY 留真
第一位就係ITZY嘅留真啦！佢出道以嚟幾乎都係以短髮造型視人，除咗靚之外，「型」呢一個字亦都好襯佢！
以上就係網民票選出Top20短髮美女啦！大家又覺得邊位女星應該要上榜，但又可惜冇入到嘅呢？歡迎大家留言話俾我哋知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
