教大家用2萬won玩盡大邱
去旅行一定好大洗?教你兩萬蚊韓幣玩大邱全攻略!四個私藏景點大公開!
Hello,大家好,我哋係由韓國人話你知每日最新資訊嘅Creatrip。
#大邱旅行#大邱旅遊
#大邱慳錢#美食
#CP值高#平價#推薦
每次嚟韓國旅行係咪會洗好多錢呢?
身為小資族嘅小編公開自己嘅私藏行程,叫大家點樣先可以用₩20,000 (港幣HKD 140),就可以輕輕鬆鬆玩大邱!
如果大家有興趣記得save底呢篇文,然後繼續一齊睇落去啦!
✨馬上Follow我哋IG
instagram.com/creatrip.hk
教你用2萬蚊won玩盡大邱
1. 元祖麵條(약전골목 원조국수)
- 地址:대구 중구 약령길 34-20
- 時間:星期一至星期六11:30至19:00;星期日休息
- 價格:刀削麵₩6,000
- 交通:大邱地鐵1號線、2號線半月堂站(반월당역)18號出口
第一個要同大家介紹嘅餐廳CP值極高,佢位於半月堂18號出口附近,呢間「元祖湯麵」唔止受到大邱人喜愛,好多去大邱嘅韓國人都會去食!
呢間舖頭通常一開就會大排長龍,建議大家可以早少少去排隊。
呢到meau唔算太多,只有刀削麵(칼국수)、刀削拌麵(비빔칼국수),價錢係₩6,000,仲有₩25,000嘅白切豬肉添,白飯一碗就係₩1,000。
呢間刀削麵店嘅老闆都有提醒客人,話呢度嘅泡菜好辣,所以如果唔食得太辣嘅大家要小心啊!
呢間刀削麵店係全人手工製作,即叫即整,難怪會咁出名!
上麵嘅速度其實都好快,蔬菜嘅份量都比想象中多,海鮮熬煮嘅湯底濃度啱啱好。
一啖麵一啖菜口感真係好正,所以大家對刀削麵有興趣嘅話都記得要mark實呢間啊!
2. 金光石路(김광석 다시그리기길)
- 地址:대구 중구 대봉동 6-11
- 交通:大邱地鐵2號線慶大醫院站(경대병원역)3號出口
去得大邱旅行一定唔可以錯過「金光石路」,唔單止可以感受一下藝術氣息,仲可以了解韓國歌手金光石對韓國音樂嘅貢獻。
呢度附近周圍都係壁畫,成條路都係打卡點!
除咗壁畫之外,仲有好多互動性高嘅道具同埋裝置,真係一定唔可以錯過!
「金光石街」位於大邱市中心,交通亦都好方便。
除咗壁畫村之外,呢到仲有好多小舖頭,好似係一啲小型遊樂場同埋紀念品店,都可以清一色咁樣睇到係同金光石擅長嘅樂器「吉他」有關。
大家不妨可以用眼睛細味感受呢位歌手嘅一生!
3. 壽城池(수성못)
- 地址:대구 수성구 두산동
- 交通:大邱地鐵3號線壽城池站(수성못역)1號出口
只有搜尋大邱推薦嘅景點一定會出現「壽城池」,呢度就係好似首爾嘅漢江咁,無論係坐喺岸邊休息定係滑下小船,都係一個非常好嘅行程。
呢度附近都亦有好多餐廳同埋Cafe,行行下覺得攰嘅時候,都可以去附近嘅地方坐下或者飲杯咖啡。
重點就係呢度!
如果大家想嚟呢個景點嘅時候都,可以揀喺太陽落山嘅時候去,睇住日落嘅「壽城池」真係唔錯!
每年嘅5月到10月除咗星期一之外,夜晚都會有好靚嘅音樂噴泉show可以觀賞,同另一半喺度行下真係相當次浪漫!
欣賞音樂噴泉都係免費嘅,想平玩大邱嘅朋友一定要去呢度啊!
4. 西門市場(서문시장)
- 地址:대구 중구 큰장로26길 45 서문시장
- 時間:09:00至19:00;第一、第三個星期日休息
想平玩大邱點又可以錯過西門市場!
比起夜晚嘅夜市,小編更加推薦大家朝早嚟踩點,因為好多嘢都係係又平又好食!
「薄餃子」係大邱嘅經典小食,係絕對唔可以錯過嘅大邱特色小食之一,更加驚人嘅係呢一大盤都居然只係₩3,000咋!
好似呢類葉型嘅煎餃,超級大份都只係₩5,000,係咪超抵呢?
而糖餅都只係₩1,000,完全就係一次買幾份都唔心痛嘅價錢啊!
如果你想舒舒服服咁樣坐喺舖頭食飯,咁就推薦大家去「Eden小食(에덴분식)」,小編叫咗一碗拌面加雞蛋飯捲都只係₩7,000,超平!
除咗小編介紹嘅景點之外,如果大家都覺得唔夠嘅話,可以參考一下地圖上面嘅高山谷安東豆芽湯飯(고산골안동국밥)嘅豆芽湯飯都係₩2,000,而豆芽拌飯都係₩3,500!
又或者如果大家鍾意食炸豬扒,都可以去地球人炸豬扒(지구인돈까스),最平都只係₩6,000,真係正啊!
今次小編推介畀大家嘅以上景點,都係可以用₩20,000玩盡大邱,唔知大家鍾唔鍾意呢?
如果鍾意嘅話不妨save底,下次嚟嘅時候就可以去玩啦!
✨馬上Follow我哋IG
instagram.com/creatrip.hk
其他延伸閱讀 | |
BTS V踩點 | BTS SUGA踩點 |