釜山夜景總整理
釜山必去9大夜景盤點！其中一個景點被稱為釜山嘅「小香港」？你又點可以錯過？
Hello，大家好，我哋係由韓國人話你知每日最新韓國資訊嘅Creatrip。
＃釜山旅遊＃釜山景點
＃釜山自由行＃釜山夜景
＃推薦＃釜山必去＃2020
釜山係韓國第二大城市，去釜山除咗睇海之外，夜景更係不得不提。
其中一個打卡點更被稱為「小香港」，到底有幾似？大家就要姆續睇落去啦！
有計劃之後封釜山旅行嘅朋友，記得要save底呢篇blog啦！
✨馬上Follow我哋IG
instagram.com/creatrip.hk
釜山夜景總整理
1. The Bay 101（더베이 101）
- 地址：부산 해운대구 동백로 52
講到釜山夜景「The Bay 101」可以話係最出名。
呢度被稱為係釜山嘅「小香港」，小編第一次去嘅時候，真係覺得好似返咗香港咁。
呢度無論用專業相機定手機影，都可以影到超靚嘅打卡相。
The Bay 101前面仲有一間算係炸雞店？叫Fingers & Chat。
大家可以坐喺嗰度邊食炸雞邊睇夜景。
呢幢建築叫做「 Marine City（마린시티）」，係釜山最貴嘅住宅。
如果大家去開海雲臺就一定要封埋The Bay 101啦！
2. 廣安大橋（광안대교）
- 地址：부산 수영구 광안동 192-7
除咗海雲臺之外，另一個最多人去睇嘅海，一定係廣安里。
小編會推薦大家嚟廣安里，唔單止可以睇到廣安大橋，黃昏個陣去會睇到夕陽喺天空造成嘅漸層。
唔少韓國人都會特登去打卡。
「釜山煙火節（부산불꽃축제）」係釜山嘅代表慶典，每年都會吸引超過百萬名國內、國外旅客。
原本今年4月會舉辨，不過因為疫情影響而改到10月。
今年雖然嚟唔到，但相信疫情好轉次後，大家計劃嚟釜山就一定唔可以錯過。
3. 荒嶺山烽火台（황령산 봉수대）
- 地址：부산 부산진구 전포동 산50-1
如果問釜山人：「釜山咁多夜景勝地，會最推薦邊度？」
大多數嘅釜山人最先推薦嘅一定係「荒嶺山烽火台」。
因為呢度係可以360度欣賞釜山市全景嘅地方。
「荒嶺山烽火台」喺釜山西面站附近，不過交通有啲唔太方便，建議大家可以坐的士上去。
荒嶺山喺韓國歷史上，1422年沿海岸設置嘅軍事臺，係用嚟傳達軍事訊息嘅地方。
同東邊嘅海雲台干飛鳥烽火台、西邊嘅龜峰烽火台、北邊嘅梵魚寺雞名山烽火台相連。
4. 甘川洞文化村（감천문화마을）
- 地址：부산 사하구 감천동 10-13
好多人去釜山甘川洞文化村，都會揀日頭嘅時候去，其實喺黃昏個陣去都好靚㗎！
大家會睇到佢另一面嘅魅力。
去到一定要影嘅小王子打卡位，夜晚影會有唔同feel，大家下次一定要試下！
柳致環郵筒展望台（유치환 우체통）
- 地址：부산 동구 망양로580번길 2
因為佢喺釜山站附近，交通方便，慢慢地佢成為釜山睇夜景嘅新景點。
夜晚嗰陣企喺郵筒側邊遠望，可以將整個廣安大橋睇得一見了然。
對於唔想去太遠、去海邊或者上山嘅朋友嚟講，呢度絕對係一個好好嘅夜景景點。
觀景台樓下，有一間「詩人的房間」小賣店，大家可以喺度買明信片，一年後寄出。
小編之前寫過，一年後睇返自己寫嘅嘢，真係覺得好感觸。
寫畀自己或者朋友、家人、另一半亦得，話唔定到時對方會覺得好驚喜！
6. 樂天百貨(南浦洞)光復店（롯데백화점 광복점）
- 地址：부산 중구 중앙동6가 중앙대로 2
位於南浦洞附近嘅樂天百貨光復店，因為地點夠方便、環境又舒適。
加上頂樓嘅觀景台可以免費入場，成為南浦洞商圈一帶新興嘅夜景觀賞點。
花園有好多好啱打卡嘅藝術品，包括天使翅膀、愛情鎖，甚至有為情侶而設嘅木長凳。
日頭天氣好，有時仲可以見到日本對馬島。
唔單止可以睇到五光十色嘅釜山夜景。
每日只要到咗2點，樂天百貨光復店展望台仲可以遠望「影島大橋」開橋儀式添！
展望台氣氛同燈光都好好，基本上可以360度睇哂釜山全景。
7. 青沙浦展望台（청사포 다릿돌 전망대）
- 地址：부산 해운대구 중동 산3-9
青沙喺海雲臺區附近，係當地一個樸素嘅小漁村。
呢度有個好靚嘅地標——「青沙浦展望台」，無論日頭定夜晚都都可以睇到好靚嘅風景。
釜山官方開放「青沙浦踏石觀景台」之後，遊客可以行出海岸線，近距離欣賞美麗奔放嘅大海。
.jpg)
INSTAGRAM：b.gn_
夜晚仲會有燈照亮觀景台添！
松島海上纜車（부산 에어크루즈）
- 地址：부산 서구 송도해변로 171、부산 서구 암남공원로 181
INSTAGRAM：i_y0702
睇厭咗一式一樣嘅夜景？
嚟到釜山一定要去位於松島海水浴場附近嘅松島纜車。
INSTAGRAM：g_hee_99
邊搭纜車邊睇夜景你又提過未？佢有分一般纜車同透明纜車。
如果夠大膽嘅朋友，小編會推薦透明纜車，影相都會靚好多。
松島海上纜車詳細資訊
- 票價：一般纜車₩15,000；透明纜車₩20,000
松島Sky Park(上圖左)
9. WAVEON咖啡（웨이브온카피）
- 地址：부산 기장군 장안읍 해맞이로 286
- 時間：11:00至00:00
位於釜山機張郡嘅「WAVEON咖啡廳」，無論係日頭定夜晚嚟，都可以望到美麗大海。
如果天氣好，小编個人會比較推薦大家可以坐一樓戶外區。
坐喺露台可以近距離聽到海浪聲，同時可以好安靜咁欣賞夜景。
機張係喺釜山外圍，如果去開嗰邊就一定唔好錯過啦！
釜山近幾年可以話係韓國旅遊熱門地，但大多數人對呢度嘅夜景唔太熟悉。
之後有計劃封釜山旅行嘅大家，希望會幫到大家啦！
✨馬上Follow我哋IG
instagram.com/creatrip.hk
| 其他延伸閱讀 | |
 海雲台Cafe整理 |  西面Cafe總整理 |
