代訂|大邱實戰戰鬥跆拳道班
韓國國粹跆拳道!學返兩三招護身術旁身啦!
Namdong Park.
7 months ago
Hello,大家好,我哋係由韓國人每日提供最新韓國旅行資訊嘅Creatrip。
鍾意做運動嘅朋友們要注意啦!今日要介紹嘅體驗係一個跆拳道一日課程,師傅有喺美軍部隊做過教練,今次課堂會教大家日常生活中都可以活用到嘅跆拳道招式,非常實用!
「大邱實戰戰鬥跆拳道班」資訊
- 地址:대구광역시 서구 달서로 26길 9 2F
- 營業時間:09:00 / 10:30 / 12:00 / 13:00 / 19:30 / 21:00
- 課程所需時間:90~120分鐘
- 課程流程:介紹 → 冥想 → 熱身 → 基本招式 → 實戰招式 → 考試
「大邱實戰戰鬥跆拳道班」推薦原因
- 師傅係美軍跆拳道教練,招式夠實用!
- 通過最終考試可以得到正式畢業證書!
- 提供英文教學,就算唔識韓文都冇問題!
「大邱實戰戰鬥跆拳道班」價錢
1人 | ₩99,000 |
2人或以上同行 | ₩84,150/人 |
*可以免費參觀課堂。
「大邱實戰戰鬥跆拳道班」退款政策
- 預約後至體驗3日前取消可以進行全額退款,其後不設任何退款。
- 如需更改預約,請send email到help@creatrip.com聯絡我哋。
「大邱實戰戰鬥跆拳道班」注意事項
- 價錢包括課程費用、道袍、跆拳道T-shirt、證書。
- 參加人士需年滿7歲。
- 可以免費參觀課堂。
- 需於上堂時間10分鐘前到達課室。
- 完成付款後方會視為完成預約。
- 我哋會喺24小時內確認預約,然後send email通知你。
- 如有任何疑問,請send email到help@creatrip.com查詢。
「大邱實戰戰鬥跆拳道班」預約流程
STEP 1. | |
STEP 2. | 請輸入所需資料,我我哋會喺24小時內確認預約,然後send email通知你。 |
STEP 3. | 體驗當日去到售票處出示電子預約憑證,開始上堂! |
「大邱實戰戰鬥跆拳道班」介紹
跆拳道係韓國國技之一,有好多外國人都會想嚟學返幾招,但係唔知道邊度可以報名,今日小編要介紹嘅課程就啱曬各位啦!
呢個課程嘅導師係喺美軍教跆拳道嘅師傅,教嘅全部都係好實用嘅護身術,無論係男仔定女仔都可以用到!
開始學之前記住要做足熱身,特別係要拉夠筋先可以學到精粹!
而且因為師傅會用英文教,所以就算唔識韓文都冇問題,由基礎開始到實戰招式都可以學得準確。
透過學跆拳道仲可以學到韓國嘅禮儀文化!
只要認真上堂,相信大家都可以輕鬆pass到最後嘅考試,攞到畢業證書!
「大邱實戰戰鬥跆拳道班」前往方法
喺西門市場站(서문시장역)2號出口出,直行75米。
過馬路,喺DGB大邱銀行左轉之後直行900米。
喺韓醫院轉右,直行94米。
上堂地點喺呢棟大廈嘅2樓!
以上係「大邱實戰戰鬥跆拳道班 」嘅介紹,有任何問題請先詳讀呢篇文章。
如果睇完之後有任何問題,或者我哋語意、標示唔清嘅話,麻煩請send email告知,以方便我哋改進 。
如果有更多想知嘅內容,都可以隨時留言或者dm話俾我哋知:)
Instagram:creatrip.hk
Mail:help@creatrip.com
熱門文章