辣雞麵新品系列
越辣越鍾意食！韓國辣雞麵無所不在，連泡菜、沙律醬、意粉都要嚟湊熱鬧？
哈囉，大家好，我哋係由韓國人話知每日最新韓國資訊嘅Creatrip。
＃韓國新聞＃韓國新品
＃辣雞炒麵系列＃辣雞
＃沙律醬＃泡菜＃醬料
韓國辣雞麵相信大家一定有聽過！由一開始嘅經典款，到之後嘅芝士口味、炸醬麵等新口味之外，
亦推出咗辣雞紫菜包飯、辣雞蛋甚至醬料等大家回味。
而喺2019年尾，辣雞麵又推出咗好多新商品，
不如跟住小編睇吓有咩係一定要買嚟下㗎啦！
✨馬上Follow我哋IG
instagram.com/creatrip.hk
韓國辣雞麵新品系列![越辣越鍾意食！韓國辣雞麵無所不在，連泡菜、沙律醬、意粉都要嚟湊熱鬧？]()
![越辣越鍾意食！韓國辣雞麵無所不在，連泡菜、沙律醬、意粉都要嚟湊熱鬧？]()
第一樣要介紹嘅辣雞麵新產品就係「辣雞麵泡菜」！
大家應該都知道韓國人食飯嘅時候，泡菜總係不可或缺嘅一種存在。
而辣雞麵醬料同泡菜呢對組合，又會擦出啲咩火花呢？相信一定會喺韓國會掀起一陣風潮！
辣雞泡菜唔單止可以就咁單食，同時亦可以做成泡菜炒飯或者泡菜湯！
同用一般泡菜相比，多咗一種辣雞味，身為辣雞麵粉絲嘅大家，千祈唔好錯過呢個新產品啊！
除咗辣雞口味泡菜之外，早排三養食品仲推出咗「辣雞沙律醬」，
辣雞麵醬料同沙律醬嘅呢個組合，比起泡菜，好似更容易同其他食物可以有唔同配搭。
大家係唔係又應該買支返去旁下身先！
或者紫菜包飯加少少辣雞沙律醬，增加一啲刺激感，淨係咁諗都覺得係一個超正組合。
除此之外，亦可以配麥樂雞一齊食，好食程度簡直係爆哂燈。
推薦搭配名單裡面，仲有薯條同熱狗！
其實基本上任何食物都可以配嚟食，只要你敢食，無嘢係唔夾嘅XD～
最後，同場加映上次便利店新品中介紹過嘅聖誕新品，辣雞聖誕意粉裡面含有牛肉碎片。
而推出有一段時間嘅辣雞意粉醬料包，對於鍾意食辣味意粉朋友嚟講，
呢個醬料包可以輕輕鬆鬆配搭任何主菜，就算係料理白癡都可以完成。
呢款意粉醬料總共推出兩個口味。一個係原味，另一款係白醬。
除咗拎嚟做意粉醬料之外，亦可以當作各種料理醬料嚟用，非常方便。
以上就係關於韓國辣雞麵系列推出新些品。
唔理係泡菜、沙律醬、拉麵定係意粉醬料！
只要係鍾意食辣雞麵嘅朋友，都唔可以錯過任何一件商品。
✨馬上Follow我哋IG
instagram.com/creatrip.hk
| 其他延伸閱讀 | |
 超商機器攻略 |  特別便利店新品 |
 樂天超市必買品 |  東柏洋菓店探訪 |
