Hello，大家好，我哋係由韓國人每日提供最新韓國旅行資訊嘅Creatrip。  

今日要為大家介紹嘅呢架大邱觀光巴士，經過嘅點都係大邱必去景點行程！一架車就可以去到大家想去嘅地方，係唔係好方便先？想知係邊間而又唔想錯過嘅話，咁就要繼續睇落去啦！

「大邱觀光巴士」資訊

• 巴士站：東大邱站 →  大邱國際機場 → 三星創建園區 / 歌劇院 → 金光石路 → 東城路 → 近代文化胡同 → 青蘿之邱站/西門市場 → E-World/頭流公園 → 安吉郎烤腸街 → 前山觀景台 → 壽城池 → 國立大邱博物館→東大邱站（循環）
• 休息日：逢星期一、新年、中秋節

時間可能會因路面情況而有變。

「大邱觀光巴士」推薦理由

• 搭大邱觀光巴士，可以唔使一直轉車，就可以輕鬆去到各個大邱景點。
• 一日之內可以無限次免費搭，只要睇住時間表，憑車飛喺指定站重新上車，就可以去其他景點。
• 每個座位都有附設語音導覽，可以聽到自己國家/地區嘅導覽內容。
• 而家預約仲可以有72折，等你玩得聰明又方便。

「大邱觀光巴士」價格

*未滿48個月幼兒須出示證明先可以免費搭

「大邱觀光巴士」注意事項

• 至少要提前2日前預約。
• 可以喺體驗3日前取消及100%退款，過咗之後就唔退得。
• 想更改預約，請send email到help@creatrip.com。
• 預約後，我哋會喺24小時內，send確認信去你email。
• 上車前，請向司機出示確認信。
• 巴士會準時出發，請提前到車站，如果miss咗班車，請搭下一班。
• 價錢已包：大邱觀光巴士車票、各國語言語音導覽及車上免費wifi。
• 價錢未包：旅遊保險、導遊、食費及個人洗費等。
• 唔一定要由東大邱站搭，任一個站都可以上車。
• 觀光巴士總共有3架，種類有單層巴士同雙層巴士，而敞篷巴士係隨機派出。 
• 未滿48個月幼兒上車時，須出示護照以確認歲數。
• 如有任何疑問，請send email到help@creatrip.com同我哋聯絡。

「大邱觀光巴士」預約流程

• 撳我預約。
• 請詳細輸入所有相關資訊及付款，我哋會喺24小時內確認訂單，預約紀錄可以撳我睇。
• 上車前，請向司機出示確認信。

「大邱觀光巴士」介紹

大邱觀光巴士總共會有3架巴士輪流運行，其中包括單層巴士同雙層巴士。雖然雙層敞篷巴士最出名，不過由於太有人氣，所以運行時間係隨機。 

另一種係上面冇做開放式設計嘅單層巴士，只要見到車身有寫DAEGU CITY TOUR，都可以喺車站等上車。

「大邱觀光巴士」上車位置

1. 東大邱站

東大邱站會喺大邱觀光巴士站出發，同時亦係總站，附近有客運轉運站同地鐵站，無論去邊都好方便。呢度同新世界百貨公司相連，行程結束之後，小編推薦大家可以嚟呢度行街。 

上車位置：東大邱廣場巴士站隔離（東大邱站3號出口附近）

2. 大邱國際機場

경북일보

呢幾年越嚟越多人去大邱旅行，國際機場航線亦隨之增加，之後到步大家都可以搭觀光巴士遊大邱。

上車位置：大邱機場1樓GATE2前面「長途客運站」

3. 三星創建園區 / 歌劇院

三星創建園區係由三星工廠改建而成，目前係大邱市民休息空間，呢度有餐廳、Cafe、遊樂區同好多公園設施，有機會值得去睇吓。 

歌劇院間唔中會舉辦各種免費表演活動，運氣好嘅話仲可以欣賞到。  

上車位置：三星創建園區南門（喺紅色框標示區上車）（撳我睇地圖）

4. 金光石路

金光石係韓國知名民謠歌手，佢帶俾韓國大眾音樂深遠影響，但就可惜年輕早逝，令唔少fans感到惋惜。為咗紀念佢，大邱市政府同幾位作家一同打造呢條金光石路，沿路可以見到好多以金光石為主題嘅壁畫或藝術作品。

上車位置：防川市場對面（金光石路）（撳我睇地圖）

5. 大邱東城路

어패럴뉴스

東城路可以話等於首爾嘅弘大，聚集咗好多大邱年青人，呢度應有盡有，由Shopping到食飯都可以一次過喺度解決。大家都快啲嚟體驗同感受下大邱嘅魅力啦！

上車位置：DAEGU CITY CENTER隔離（撳我睇地圖）

 大邱咖啡廳總整理

6. 大邱近代文化胡同

大邱近代文化胡同係一個可以學到歷史嘅地方，當中古代歷史、100年前近代歷史到現今古蹟都聚集喺呢度。

大邱近代文化胡同仲有推出蓋章、美食之旅等，可想而知呢度真係一個又多嘢食又好玩嘅地方，對歷史有興趣嘅朋友，小編真心推薦大家嚟呢度！

上車位置：ELDIS HOTEL前面（撳我睇地圖）

7. 青蘿之邱站 / 西門市場

西門市場由朝鮮時代就係韓國三大市場之一，而家主要除咗賣韓服、服飾、飾物、棉被、碗等之外，呢度仲可以食到刀削麵、麵疙瘩、辣炒年糕、薄水餃等大邱代表美食。

西門市場隔離就係達城公園，呢度唔單止有紀念碑，仲有動物園。想親親大自然嘅話，去呢度就冇錯啦！

上車位置：青蘿之邱站1號出口前面（撳我睇地圖）

8. 大邱E-world / 頭流公園

大邱E-World係大邱最大主題公園，裡面有好多刺激遊樂設施。

遠望就可以見到83塔頭流公園，呢度兼具文化、休閒、運動等設施。聖堂池附近好靚，好適合嚟呢度散步同欣賞風景。 

上車位置：E-World出口廣場對面（撳我睇地圖）

9. 安吉郎烤腸街

鍾意食烤腸嘅朋友，一定唔可以錯過呢條安吉郎烤腸街。呢度被評選為全韓國5大主題飲食街，而家價錢唔貴，CP值仲要超高！

上車位置：喺rumbini幻稚園隔離（撳我睇地圖）

10. 前山觀景台

대구 앞산 케이블카 홈페이지

想去前山觀景台有兩個方法，一個係行路，另一個係搭纜車。呢度登山路建得好，當做運動慢慢行嘅話，行2個鐘左右就會到。附近有條前山咖啡街，大家可以喺度嘆完下午茶再出發。

上車位置：前山公園管理辦公室對面（撳我睇地圖）

11. 壽城池 

壽城池係大邱市政府指定嘅落葉街，每當葉掉落時，成條街都會變得好靚，而且呢度仲有音樂噴泉、公園長椅、遊樂園等各種休閒設施。喺壽城池同另一半或者朋友踩住天鵝船欣賞大邱夜景，一定會覺得好浪漫。

上車位置：壽城Square前（撳我睇地圖）

12. 國立大邱博物館 

國立大邱博物館係專門研究、保存大邱同慶尚北道文化遺產，呢度展示咗古代至今嘅文化古蹟。企畫特展室同特別展示室會不定期展出新作品。呢度唔需買門票可以入場，而且仲有提供導覽服務。

上車位置：慶北高中正門前（撳我睇地圖）

大邱觀光巴士優惠｜撳我預約

 網上付款Q&A

以上係「大邱觀光巴士」嘅介紹，有任何問題請先詳讀呢篇文章。

如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面 

 韓國代購

Mail：help@creatrip.com