韓國共享滑板車
韓國最新交通工具！弘大、江南興起 「共享滑板車」 風潮！究竟有幾咁特別？
이신유
3 years ago
Hello，大家好，我哋係由韓國人每日提供最新韓國旅行資訊嘅Creatrip。
隨住大眾交通越嚟越普及，最近韓國街頭就興起左一種新嘅交通工具，佢就係共享滑板車，喺街上面成日都見到有人踩住呢一個滑板車，目前滑板車嘅市場主要係有兩間公司營運，究竟要點樣做呢？等小編話俾你知啦！
首爾共享滑板車
好多人都可能唔太知道韓國最近新興起呢一種滑板車，呢一啲滑板車唔係私人嘅，而係喺街上面俾大家共享租借嘅！目前韓國比較大嘅租滑板車公司分別有GogoSing同埋KICKGOING。兩間其實嘅差異都唔大，但KICKGOING嘅分布點主要都係喺遊客區比較多，所以可以租借嘅滑板車數量都比較多！
 |  |
上面呢幅圖係GoGoSing嘅租借頁面，每5分鐘就係1000韓幣，而KICKGOING就係每10分鐘1000韓幣。其實使用方式非常之簡單，就係先下載佢哋嘅應用程式然後加入會員。不過要注意嘅就係註冊嘅時候都一定要有韓國電話號碼進行本人認證。另外，如果冇駕照嘅人，可能有一啲功能係唔可以用。
登入咗之後就可以加入自己嘅俾錢方式，亦都可以睇到自己附近嘅共享滑板車喺邊度。另外都建議大家玩緊嘅時候都要帶安全帽，同埋飲完酒之後就唔好用啦！
大家搵到想租嘅滑板車之後，掃描上面嘅QR code就可以租借，租借完之後，可以喺應用程式裏面㩒租借結束，就可以還車㗎啦！
以上就係韓國街頭最新嘅滑板車介紹，所以而家嘅營運範圍都未係好大。普遍GogoSsing主要係遍布喺江南一帶，而KICKGOING就係喺弘大一帶，希望呢一個共享滑板車都可以越來越多人用，成為一個更加方便嘅交通方式！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
熱門文章
