2020大邱景點懶人包
去大邱應該要點樣玩？13個大邱必去景點總整理！全部都喺大邱市區、搭地鐵去超方便！
Hello，大家好，我哋係由韓國人話你知每日最新韓國資訊嘅Creatrip。
＃2020/2021
＃大邱景點＃大邱行程
大邱係最近好熱門嘅旅遊景點，但大家對大邱嘅景點又知幾多呢？
今日小編就同大家推薦一系列嚟大邱一定要去嘅景點，大家快啲mark低，等之後解禁嘅時候，就要以下景點啦！
✨馬上Follow我哋IG
instagram.com/creatrip.hk
大邱景點推薦
1. 達城公園（달성공원）
- 地址：대구 중구 달성공원로 35
- 時間：05:00至21:00
- 交通：大邱地鐵3號線達城公園站（달성공원역）3號出口
要講到大邱市中心最具代表性嘅公園，又點可以唔提達城公園呢？
佢位於西門市場附近，交通方便，平時有好多大邱居民都會去呢度散步，而且之前BTS成員V都成日嚟呢度打卡㗎！
大邱景點「達城公園」為三國時代部族國，達句伐舊城址，喺中日甲午戰爭時，日軍亦都曾經喺度紮營。
直到1905年先將呢度改建為公園，更加喺1965年訂立大邱全新綜合公園計畫，先成為今時今日達城公園嘅面貌。
除咗有舒適嘅環境之外，呢度仲有大邱歷史鄉土文化館、動物園等，都係免費參觀。
2. 大邱樹木園（대구 수목원）
- 地址：대구 달서구 화암로 342
- 時間：09:00至18:00
- 交通：大邱地鐵1號線大谷站（대곡역）2、3號出口
「大邱樹木園」前身係有400多萬噸嘅垃圾堆填區，為咗解決環境問題，大邱同中央政府合作，將垃圾就地掩埋，重新蓋上新土，形成高達七米新土層，同時栽種樹木，成功將生態完整復原。
大邱樹木園有21多個生態點、6萬多棵樹木，可以話係大邱最大型綠化林地，同首爾嘅首爾林有啲似。
唔少人都會嚟呢度戶外教學、學術研究，市民亦都會嚟呢度休息。
3. 金光石路（김광석 다시그리기길）
- 地址：대구 중구 대봉동 6-11
- 交通：大邱地鐵2號線慶大醫院站（경대병원역）3號出口
大邱旅行又點可以錯過「金光石路」呢？
呢度唔單止可以感受到藝術氣息，同時仲可以了解韓國歌手金石光對音樂嘅貢獻。
同圍都有壁畫，成條路都可以成為打卡點。
大邱景點「金光石街」位處市中心，交通方便之外，而且仲係免費入場！
如果由半月堂行過去都只係1.5千米距離，大幾半個鐘左右。
4. 前山公園（앞산공원）
- 地址：대구 남구 앞산순환로 574-116
- 交通：大邱地鐵1號線嶺大醫院站（영대병원역）2號出口
想唔想喺高處望到大邱市嘅美景呢？
擔心交通唔方便？唔知可以點去嘅朋友，小編推薦大家可以去「前山公園」，唔少大邱人都會成日去。
雖然只有海拔高度660米，但因左右各有山城山、大德山環繞，形成一個溪谷。
自1970年起開始開發成為公園，後嚟又得到政府支持，十年計劃二度開發，成為大邱最大完整開發生態公園，交通亦都比八公山更方便。
如果唔想行上山，大家亦都可以揀搭纜車，上到山頂之後，大家會見到唔少情侶都會喺度上鎖，象徵愛情忠貞同不變。
5. 壽城池（수성못）
- 地址：대구 수성구 두산동
- 交通：大邱地鐵3號線壽城池站（수성못역）1號出口
只要搜尋大邱推薦景點一定會出現嘅仲有「壽城池」，呢度就等同如首爾嘅漢江，係一個非常重要嘅親水環境。
呢度附近有好多餐廳同Cafe，行到攰都可以去附近坐下。
推薦大家可以喺黃昏嘅時候嚟，因為真係好靚！
每年5月到10月除咗星期一之外，夜晚上都會有音樂噴泉秀可以觀賞。
朝早同黃昏嚟完全係兩個唔同嘅景，大家可以睇下行程幾時去會方便啲。
6. 峨洋鐵橋（아양교철길）
- 地址：대구 동구 지저동 930
- 交通：大邱地鐵1號線峨洋橋站（아양교역）4號出口
連接東大邱站往大邱國際市場嘅「峨洋鐵橋」，原本係畀鐵路經過，但後嚟因廢棄，轉型成為觀光嘅江河景觀橋。
峨洋鐵橋之會出名係因為以前韓劇《我的維納斯》都係喺呢度取景。
大家可以見到有唔少會喺度散步同踩單車散步，令人好Relax。
如果大家唔係太趕時間嘅話，亦都可以喺峨洋鐵橋嘅Cafe坐底著休息下，同時欣賞河岸風光。（好近大邱機場）
7. 南平文氏本里世居地（남평문씨 본리세거지）
- 地址：대구 달성군 화원읍 인흥3길 16
- 交通：大邱地鐵1號線舌化椧谷站（설화명곡역）4號出口
大家可能會對呢個景點比較陌生，但如果講到韓劇《步步驚心：麗》，四王子同解樹幽會、漫步嘅地方，大家又會唔會有啲印象呢？
南柱赫同姜河那都有啲戲份係喺呢度拍㗎！
大邱「南平文氏本里世居地」成為咗大邱市民嘅文化財產，留咗好多典籍、舊式建築，並開放參觀，寓教於樂。
雖然交通唔太方便，但如果想封拜訪大邱傳統景點嘅朋友嚟講，咁就一定要去呢度，
完整舊式街道同圍牆，好似穿越時光，番返去朝鮮時代咁。
8. 西門市場（서문시장）
- 地址：대구 중구 큰장로26길 45 서문시장
- 時間：09:00至19:00；第一、第三個禮拜嘅星期日休竹息（每個攤檔營業時間都唔一定）
- 交通：大邱地鐵3號線西門市場站（서문시장역）3號出口
想用超平價錢食到大邱嘅美食！絕對唔可以錯過西門市場，比起夜市小編更推薦大家朝早嚟，因為好多嘢都好平又大碗又好食。
大邱嘅經典小食「薄餃子」搭配辣炒年糕，係絕對唔錯過嘅大邱特色小食，咁多都只係需要₩3,000。
呢類葉型煎餃超大一份都只係₩5,000，係唔係好抵呢？
糖餅一個只係₩1,000，完全就係一次買好幾個都唔會心痛。
大家嚟到西門市場，除咗可以體驗大邱市場文化，仲可以食到好多好味美食，大家一定要嚟啊！
9. 八公山（팔공산）
- 交通：大邱地鐵1號線峨洋橋站（아양교역）2號出口出來搭車，詳細路徑可以參考小編「八公山」攻略
除咗啱啱提過嘅前山公園之外，八公山亦係一個超熱門嘅大邱景點。
雖然去八公山有啲唔太方便，但係好推薦大家喺秋天嘅時候可以去一次，坐住纜車欣賞一望無際嘅紅葉，上到山頂再慢慢邊打住卡行落山。
呢度有好多呢啲小路牌，唔少人都會用佢哋嚟一齊影相打卡。
10. 南山洞樂器街（남산동 악기거리）
- 地址：대구 남구 대명동 1792-1
- 交通：大邱地鐵3號線明德站（명덕역）3號出口
喺BTS成員SUGA成為歌手之前，佢曾經喺呢度持續音樂夢想嘅「南山洞樂器街」。
呢度亦係大邱嘅音樂中心，所以呢度有賣好多樂器同埋係有好多音樂學院嘅地方。
如果係BTS嘅fans嘅話，係唔係都應該要嚟打卡呢？
最近大邱市政府亦認可咗呢個地區嘅價值，將呢度重新命名為「斷水藝術村（물베기 예술마을）」。
喺SUGA成為BTS成員之前，佢一直都好努力學習音樂，每日都會嚟呢度慢慢朝住佢嘅夢想前進。
牆壁上仲掛咗好多藝術作品，好適合喺度打卡。
11. The Arc（더 아크）
- 地址：대구 달성군 다사읍 죽골리 805
- 時間：10:00至18:00；逢星期一同元旦休息
- 交通：大邱地鐵2號線大實站（대실역）3號出口
「The Arc」名字來源為「Architecture of River Culture」、「Artistry of River Culture」嘅涵義係指盛載關於天、地球同文化，優雅且貼近幾何學，以及江河文化等一切事物建築同藝術品。
 |  |
基本上呢個文化空間比較似係一個大型裝置藝術公園， 除咗建築內部只可以喺18:00前參觀，大部分嚟呢度嘅朋友，都會揀喺黃昏或夜晚去。
12. E World（이월드）
- 地址：대구 달서구 두류공원로 200
- 時間：11:00至21:00
- 交通：大邱地鐵2號線頭流站（두류역）15號出口
- 價格：成人入場券₩23,000；青少年（14至19歲）₩13,000；兒童（3至13歲）₩12,000
- 折扣：成人自由通關券₩47,000；青少年自由通關券（14至19歲）₩37,000；Creatrip預訂再享半價優惠
E-World係圍繞大邱景點「83塔」建造嘅主題園，係大邱地標之一。
只要一到假日都會有好多人去玩，而且透過Creatrip預訂大邱E-World同83塔入場券，可以享有更多折扣優惠。
大邱E-World主題樂園內總共有四個主題，包括幻想世界、魔幻世界、冒險世界同動感世界。
除咗有刺激有趣遊樂設施之外，現場仲有好多打卡點。
整體嚟講，小編覺得大邱嘅E-World規模同首爾樂天世界差唔多。
13. 83 TOWER（83타워）
- 地址：대구 달서구 두류공원로 200
- 時間：11:00至21:00
- 交通：大邱地鐵2號線頭流站（두류역）15號出口
- 價格：觀景台₩10,000；Creatrip預訂享E-World、83 TOWER組合價優惠
喺韓國每個城市都有屬於自己嘅觀光塔。
例如首爾有N首爾塔、釜山有釜山塔，而大邱當然都有83塔。
呢度可以望欣賞到大邱風景，而且就係喺E-World裡面，好多人都會一次將呢兩個行程一次過去！
天氣好嘅時候，大家可以揀喺朝早時段去，大邱呢種悠閒慢活步伐，去旅行真係適合，如果可以嘅話，小編都好想試下喺大邱過生活。
希望大家除咗首爾、釜山、濟州島旅行之外，大家亦會多多去大邱玩，體驗不一樣嘅文化。
✨馬上Follow我哋IG
instagram.com/creatrip.hk
| 其他延伸閱讀 | |
 大邱美食總整理 |  大邱咖啡廳整理 |
