三清洞咖啡廳｜JIYUGAOKA八丁目
安國附近有邊間cafe好？推薦大家可以去「JIYUGAOKA八丁目」，超多蛋糕口味俾你揀！
Hello，大家好，我哋係由韓國人每日提供最新韓國旅行資訊嘅Creatrip。
好多人去開安國、景福宮、北村都一定會去租韓服，但影完相又想搵個地方休息吓，又唔知邊度好？小編推薦大家可以去「JIYUGAOKA八丁目」！嗰度有好多好食嘅蛋糕等住大家～
三清洞咖啡廳「JIYUGAOKA八丁目」資訊
- 地址：서울 종로구 윤보선길 46
- 營業時間：平日 09:00 - 23:00、星期六 10:00 - 23:00、星期日10:00 - 22:00
- 小Tips：安國站1號出口出嚟之後見到Olive Young之後轉右直行，大約行2分鐘就會見到JIYUGAOKA八丁目喺右手邊。
三清洞咖啡廳「JIYUGAOKA八丁目」推薦理由
- JIYUGAOKA八丁目位於三清洞，鄰近安國同景福宮，呢度俾人一種好安靜嘅感覺。
- 呢度係一間全手工製蛋糕專門店，老闆選用嘅都係頂級材料，蛋糕食落去口感綿密、忌廉一啲都唔膩。
- 喺附近著完韓服影完相，想搵個地方休息，嚟呢度最好不過！
三清洞咖啡廳「JIYUGAOKA八丁目」優惠
- 埋單嘅時候向職員出示優惠券，即可享九折優惠（除咗一整個蛋糕）。
- 唔需要預約。
- 如果用coupon嘅時候，有任何疑問都可以send email到help@creatrip.com。
三清洞咖啡廳「JIYUGAOKA八丁目」菜單
飲品 | 價格 |
奇異果果汁（키위 주스） | ₩7,000 |
美式咖啡（아메리카노） | 熱 ₩4,000、凍 ₩4,500 |
香格里拉（샹그리아） | ₩8,000 |
Tinto de Verano（띤또데베라노） | ₩8,000 |
甜品 | 價格 |
牛奶蛋糕（밀푀유） | ₩9,000 |
芝加哥朱古力蛋糕（아키케이크） | ₩9,000 |
藍莓芝士蛋糕（블루베리 치즈케이크） | ₩9,000 |
芒果刨冰（망고빙수） | ₩16,000 |
三清洞咖啡廳「JIYUGAOKA八丁目」介紹
「JIYUGAOKA八丁目」嘅蛋糕全部都係老闆親自製作，而且位於北村韓屋村同三清洞之間，係景福宮行程中一定會經過嘅cafe。
雖然店面唔太大，但係呢到光線充足，俾人一種好舒服嘅感覺。
天氣好嘅話，亦都好推薦大家坐出面，因為只係得2人座位，同朋友坐喺度傾吓偈，望住杯咖啡，一樣好寫意。
呢度有超多蛋糕俾大家揀，每一件都係₩9,000，大家可能會覺得有啲貴，不過因為呢到嘅蛋糕全部都係由老闆用最好嘅材料親自整，所以貴少少都係值得！甚至好多人喺度食完，都會直接買一整個蛋糕（₩42,000）走。
而家就等小編為大家逐一介紹，佢有咩好啦！
牛奶蛋糕（밀푀유）₩9,000
呢個牛奶蛋糕小編覺得好加分，一來佢Cream唔會過多，二來佢唔會太甜，就算食得多都唔會覺得好滯！
奇異果果汁（카위 주스）₩7,000
奇異果果汁好神鮮，飲落去好清爽，而且有時仲會食到啲奇異果果肉，同蛋糕一齊食好夾！
凍 美式咖啡（아이스 아메리카노）₩4,500
美式咖啡酸味偏少，但同蛋糕一齊食真係好夾。
芝加哥朱古力蛋糕（아키케이크）₩9,000
芝加哥朱古力蛋糕最上層嘅忌廉真係好好味，而且朱古力亦都好夠濃味，兩個夾埋一齊食真係超完美！難怪係呢度嘅招牌！好多人食完都讚不絕口！
藍莓芝士蛋糕（블루베리 치즈케이크）₩9,000
如果係芝士控嘅你，都一定要試呢個藍莓芝士蛋糕，芝士味好濃，藍莓好夠爽，兩個一齊食唔會覺得膩，仲有一種食完一啖想食多啖嘅魔力！
另外小編仲見menu上有兩款好神奇嘅飲品，出於好奇心嘅小編就叫埋一份，佢哋分別係香格里拉（샹그리아）同Tinto de Verano（띤또데베라노），提提大家呢兩款都係有加酒。
香格里拉（샹그리아）₩8,000
香格里拉係以葡萄酒做底嘅雞尾酒，亦係西班牙傳統飲品之一，除咗酒精之外，仲加咗多種水果同碳酸水，甜甜哋得嚟又有好清嘅水果香，喺夏天飲特別爽！
Tinto de Verano（띤또데베라노）₩8,000
Tinto de Verano同樣都係西班牙傳統飲品之一，聽講西班牙人比起飲香格里拉，更鍾意飲Tinto de Verano，喺紅酒加入梳打同檸檬，雖然冇好香嘅水果香，紅酒偏重，但都一樣好好飲。
芒果刨冰（망고빙수）₩16,000
對於鍾意食芒果刨冰嘅朋友嚟講，一定要嚟呢度試，比起一般刨冰店，呢度用嘅係牛奶冰磚磨成雪花冰，上而淋咗芒果糖漿同新鮮芒果，撈埋一齊食真係好味到唔知點形容！
如果去開安國/景福宮，之後想搵間cafe坐下，小編好推薦大家可以去呢間！因為超多好味甜品等緊你去試！
三清洞咖啡廳「JIYUGAOKA八丁目」前往方法
安國站1號出口出嚟之後，轉右會見到Olive young。
經過Olive Young轉右之後望右邊會見到一條大路，一路沿住直行大約2分鐘。
經過Andersson Bell，隔離黑色建築就係JIYUGAOKA八丁目。
點先可以享有三清洞咖啡廳「JIYUGAOKA八丁目」嘅優惠呢？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係三清洞咖啡廳「JIYUGAOKA八丁目」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
