明洞Cafe總整理
2024年11間必去嘅明洞Cafe！各有風格嘅Cafe推薦、甜品大合集
Hello，大家好，我哋係由韓國人每日提供最新韓國旅行資訊嘅Creatrip。
明洞一直係嚟首爾旅行，好熱門嘅觀光熱點，而喺明洞咁多鋪頭、Cafe、餐廳入面，有邊啲係連韓國人都鍾意，都推薦㗎呢？今日會介紹11間首爾明洞Cafe，各具有唔同嘅特色，價錢又唔會太貴！
明洞Cafe總整理
1. MOLTO（몰토）
- 地址：서울 중구 명동길 73 3F
- 營業時間：10:30 - 19:30（Last Order 19:00）
- 前往方法：明洞站（명동역）8號出口行7分鐘
「MOLTO」係明洞一間好出名嘅Cafe，即使係冬天，都好多人為咗嚟打卡而排隊入場。佢之會咁受歡迎，係因為佢對住明洞教堂，仲有個rooftop，喺度打卡一流！
呢度超多款咖啡，就算唔識睇韓文，都有圖介紹！
小編問咗職員，佢話呢度最多人叫嘅係caffee sale（카페 살레），上面有一層海鹽cream，撈埋一齊飲超好味同好特別！
2. THE SPOT FABULOUS（더 스팟 패뷸러스）
- 地址：서울 중구 명동2길 22
- 營業時間：10:00 - 22:30
- 前往方法：明洞站（명동역）5號出口行大約5分鐘
呢間Cafe已經有60年歷史，佢同MOLTO一樣咁受歡迎！原本小編喺平日夜晚去過，不過因為太多人，之後再揀第二日再去。
Cafe內部好有復古嘅感覺，每一個位都好吸引，好適合打卡，呢度好多窗口位，適合一邊嘆住咖啡一邊望住街景（不過提提大家，如果想坐窗口位最好提早啲去，因為競爭好激烈） ！
最近韓國好多Cafe都有賣Tiramisu，味道幾唔錯，推薦大家之後可以嚟試吓！
3. FUROA（후로아）
- 地址：서울 중구 명동8가길 52
- 營業時間：09:00 - 00:00（Last Order 23:30）
- 前往方法：明洞站（명동역）10號出口行1分鐘
「FUROA」係一個融合Cafe、音樂、時裝、空間設計等元素嘅文化空間，日頭係一間Cafe，夜晚就會變成一間酒吧，魅力好唔同，超特別！
「FUROA」嘅Menu因為冇咁heavy，所以好啱嚟簡簡單單食返餐。不過小編最推薦大家黃昏/夜晚時候嚟，天開始黑之後氣氛會變得勁好，冇諗過原來明洞有啲咁嘅地方！而家出示埋「明洞美食優惠券」，買焦糖吉士布甸嘅時候可以減₩3,000，唔好錯過呢個獨家優惠啦！
4. Cafe Coin（카페코인）
- 1號店地址：서울 중구 명동6길 10
- 2號店地址：서울 중구 명동9길 29
- 營業時間：10:00 - 22:30
「Cafe Coin」係一間喺1993年開張嘅Cafe，只睇1號店外觀好難想像到佢係一座有露台嘅三層建築，裡面就好似一個秘密基地咁。
士多啤梨窩夫喺呢度冬季限定Menu，香噴噴嘅窩夫，配上濃郁忌廉，同酸酸甜甜嘅士多啤梨，真係好好味！
刨冰喺夏天好受歡迎，口味有紅豆、奶茶同綠茶等。綠茶刨冰上面嘅雪糕仲係自家製，好濃郁，食完一啖令人愛上！
而2號店嘅招牌甜品係自家製檸檬蛋糕，另外仲有忌廉窩夫，上面有超多水果，只係睇外觀已經好吸引，絕對滿足到大家嘅胃！
5. 明洞洋菓（명동양과）
- 地址：서울 중구 명동9길 23
- 營業時間：星期一至五 08:00 - 22:30、星期六及日 08:00 - 21:30
- 前往方法：乙支路入口站（을지로입구역）5號出口行大約3分鐘
韓國真係好少餐廳早開，對於有食早餐習慣嘅朋友們嚟講可能會唔太習慣。不過如果大家想食返件包飲返杯咖啡開始新嘅一日，或者行到攰想坐低飲嘢休息吓，推薦大家嚟「明洞洋菓」！
Instagram @myongdongyanggwa
「明洞洋菓」最出名嘅係酥皮類同牛角包，而招牌栗子酥皮包雖然價錢比較貴，不過小編每次去嘅時候都只係賣剩幾個甚至冇曬，真係好受歡迎！
想食盡明洞所有好西？🤤
6. Luft Coffee（루프트 커피）
- 地址：서울 중구 삼일대로 308
- 營業時間：星期一至五 07:30 - 18:30、星期六至日 08:00 - 16:30
- 小Tips：明洞站（명동역）10號出口行大約5分鐘
喺明洞附近有間被譽為小夏威夷嘅Cafe叫做「Luft Coffee」，呢度有一個好大嘅落地玻璃窗，Cafe內部好闊落，呢種簡約文清風格，俾人一種好舒服嘅感覺。
中價位嘅飲品同低價位嘅麵包蛋糕係小編推薦呢間「Luft Coffee」嘅原因之一！店入面擺放咗好多造型可愛、令人愛不釋手嘅麵包同蛋糕，價位唔貴，食完都唔會肉赤。只要係我哋會員，仲可以享有飲品9折優惠添！
7. Cafe Guhalgu（카페 구할구）
- 地址：서울 중구 퇴계로20길 73 1~4F
- 營業時間：星期一至四、六、日 10:00 - 20:00；星期五 11:00 - 17:00
- 前往方法：明洞站（명동역）1號出口行8分鐘
呢間Cafe有四層樓咁高，坐喺天台位仲可以望到N首爾塔（南山塔）！
老闆對每一款甜品同飲品都好有研究，未到唔會差得去邊！特別係黃昏嘅時候去，有陽光曬住，邊食甜品，真係一大享受！
8. Starbucks星茶館店（스타벅스 별다방점）
- 地址：서울 중구 퇴계로 100
- 營業時間：星期一至五 07:00 - 22:00、星期六至日 08:00 - 21:00
- 小Tips：明洞站（명동역）4號出口行3分鐘
茶館係韓式cafe嘅意思，Starbucks喺進軍韓國22週年之際，就開咗一間以茶館做主題嘅分店。
入到去之後最先見到嘅就係長8米，寬4米嘅大型LED牆，聽講呢度係全世界首次設置數碼藝術牆嘅Starbucks！呢度有好多喺度先有嘅限定menu，所以去明洞千祈唔好錯過啦！
9. About Bagel（어바웃베이글）
- 地址：서울 중구 명동7가길 22 1F, 2F
- 營業時間：08:00 - 19:00（逢星期日休息）
- 前往方法：乙支路入口站（을지로입구역）6號出口行2分鐘
「About Bagel」主打賣正宗紐約式Bagel，老闆更加親自飛咗去美國學返一手技術返嚟，連外國客人都大讚味道夠道地！
呢度有提供多款口味嘅Bagel同Cream Cheese任君選擇，大家可以根據自己喜好mix & match。有「明洞美食優惠券」仲可以享有半價優惠，小編個人覺得勁抵！不過如果你好似小編咁有選擇困難症，亦都可以食「About Bagel」嘅Bagel三文治~
10. BEANS BINS（빈스빈스）
- 地址：서울 중구 명동8나길 10
- 營業時間：08:00 - 22:00（Last Order 21:30）
- 前往方法：明洞站（명동역）6號出口行5分鐘
講到韓國最出名食士多啤梨窩夫一定唔可以唔提「BEANS BINS」。
窩夫配上綿密嘅cream同超甜士多啤梨，完全係一個無得頂嘅組合！
11. Cafe de Paris（카페드파리）
- 地址：서울 중구 명동4길 26 2F
- 營業時間：11:00 - 23:00
- 小Tips：明洞站（명동역）6號出口行4分鐘
一入到「Cafe de Paris」就會見到有個巨型巴黎鐵塔，就好似去咗第二個國家咁！雖然係假嘅，但係都幾壯觀㗎！
講到「Cafe de Paris」嘅招牌甜品，相信一定係「芒果Bon Bon忌廉水果杯」！入面除咗芒果之外，仲有好多Cream~ 而且每粒芒果都好甜，同埋Cream一齊食會更加好食。如果大家本身鍾意食甜嘢，或者係愛Cream之人，一定會覺得好幸福。
呢度嘅刨冰都勁高質，用嘅水果同食材都非常新鮮！特別係呢款芒果刨冰，上面擺滿超甜愛文芒果，仲有幾款配料可以加埋一齊食添！
大家之後嚟明洞shopping，如果行到攰都可以搵間cafe坐吓同休息！希望大家會鍾意小編呢次嘅分享啦！
用最少錢玩轉明洞🤩
如果有更多想知嘅內容，都可以隨時dm話俾我哋知：）
Instagram：creatrip.hk
