Hello！大家好～～～

我哋係由韓國人每日提供最新韓國旅遊資訊嘅Creatrip！

韓國明洞呢個地方應該係每一個嚟到韓國旅行或者韓國購物嘅人都一定會去嘅地方～

明洞嘅遊客真係超～級～多～！！

喺韓國明洞就算唔識韓文英文都可以同店員溝通～～

對韓國旅行新手或者係已經嚟過好多次嘅朋友嚟講，都非常方便好買！

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

所以今日Creatrip就要帶大家嚟睇下，呢個喺韓國最有知名度嘅韓國購物旅行景點

到底有咩可以買，同埋將大致嘅地圖畫畀大家睇，做參考！

咁我哋而家就一齊嚟睇下啦！

＜睇呢篇文之前，仲可以參考呢啲韓國購物文章＞

【韓國購物】韓國首爾旅遊必去！首爾購物天堂TOP10！2018年最新~

【韓國購物:梨大】韓國春裝開跑啦！2018最新韓國必買- 梨大女人街總整理！（含路線、價位、推薦）

【韓國購物】韓國年輕人必去購物勝地！2018最新弘大探訪記～

【韓國旅遊:蠶室】2018韓國自由行必去！韓國新興景點 - 蠶室之旅～（含蠶室地下街，樂天世界，石村湖水及蠶室美食等）

【韓國購物】 在首爾價錢最划算的, 高速巴士地下街! (內有韓國最新潮流服飾, 正韓包款商家重要情報)

【韓國購物】購物好去處！永登浦地下街探訪記～讓你逛到腿軟買到手軟！

【韓國購物】韓國旅遊名勝！購物狂的天堂～超大Shopping Mall COEX探訪記！

【韓國必買:韓國美妝】 2018年韓國必買！韓國化妝品購物天堂<LOHB's>探訪記！

【韓國必買:韓國美妝】 2018年韓國必買！韓國化妝品購物天堂，Olive Young 明洞旗艦總店探訪記！(新增江南旗艦店位置)

首先我哋先嚟睇下韓國明洞購物區嘅地圖啦！

韓國明洞購物圈嘅範圍就係由地鐵明洞站同地鐵乙支路入口站之間～

比較多嘢行嘅地方就係上圖地鐵明洞站6號或者7號出口出嚟直行，

同埋用咗紫色標示嘅地方～

另外小編都幫大家mark咗ㄧ啲大家去明洞可能會想搵嘅鋪頭，

例如Olive Young明洞旗艦店嘅位置，同埋line friends store等等～～～

至於粉紅色嘅線就係幫大家畫咗明洞找換店嘅大概位置啦～

好多人嚟到韓國旅行嘅第一站通常都會係明洞（因為要唱錢，哈哈！）

而比較出名嘅韓國找換店，好似一品香，大使館，大信換錢所等等，

都喺同一條街附近（粉紅色）！

其中大信同大使館找換店就喺正隔離，一品香就要行入巷裡面～

＜同場加映 - 韓國唱錢攻略！＞

【韓國換錢】2019韓國唱錢超抵！港幣點樣換韓幣先好？韓國找換店大公開

唱完錢之後（？）

就可以開始血拚啦～～～

首先我哋由明洞嘅六號出口出嚟，會見到側邊有一間好大間嘅UNIQLO

繼續直行就可以去到韓國明洞購物區㗎啦～

不過其實小編覺得韓國明洞冇一個好明顯嘅區域劃分，

比如話邊一區比較多名牌店，邊一區比較多韓國美妝等等

不過正正因為咁，喺韓國明洞購物嘅時候都唔洗太過擔心唔識點行，

行到邊買到邊就得啦～哈哈！

咁首先為大家介紹下韓國美妝先啦，

其實喺韓國明洞通常一個韓國美妝品牌都會有好幾間分店。

不過小編自己就覺得唔洗太介意話要去邊一間分店買，

因為一樣喺明洞嘅，價錢唔會差好多，大家睇啱就買啦！

如果想搵特定商品，但搵唔到，咁可以去另一間分店搵下～

韓國明洞嘅化妝品有一啲好常會喺韓國見到嘅韓國化妝品品牌

例如innisfree，ETUDE HOUSE， THE FACE SHOP，TOOCOOLFORSCHOOL，SKIN FOOD.....(實在太多列唔晒出嚟！哈哈～)

仲有一啲比較貴少少嘅牌子，例如＂Laneige＂喺明洞都有分店㗎！！！

另外，好出名嘅＂神仙水＂牌子AHC都可以喺明洞搵到～

另外，因為韓國明洞購物商圈嘅旅客好多

呢啲化妝品鋪頭都有好～多～

每間分店為咗搶客無所不用其極～

所以最近行韓國明洞個陣，就會發現好多鋪頭都會用贈品招攬客人～

比如喺街上面派面膜，化妝棉等等！

所以喺明洞購物，就算唔係買好多化妝品都可以拎到好多贈品！哈哈～～

明洞仲可以買到一啲比較出名嘅韓國首飾品牌～！

比較高價位嘅LLOYD喺明洞就有好幾間分店，

而另一間韓國首飾品牌OST都喺明洞有分店～

仲有好多其他飾品店㗎～

＜同場加映 - 韓國飾品品牌攻略＞

【韓國購物】韓國最流行的銀飾品牌: LLOYD、O.S.T！來到韓國就把這些閃亮亮又有設計感的首飾們帶回家～

接住要為大家介紹嘅係服飾啦～

其實喺明洞行街就會發現，除咗街邊有好多檔仔會賣衫之外

明洞最大嘅特點就係有好多品牌服飾～

明洞畀人嘅感覺其實同旺角好似，不過因為韓國人真喺好支持國貨XD

所以喺明洞可以見到大部份都係韓國本土嘅牌子！

例如SPAO，8 seconds，WHO.A.U，MIXXO等等，

唔單止大間，仲要有好幾間分店！

＜同場加映 - 韓國品牌攻略＞

【韓國必買】韓國品牌！瞬間變成韓妞的秘密！韓國明星都愛的，超夯潮牌TOP5大推薦！

當然啦，除咗韓國本身嘅品牌之外，都可以見到其他國家嘅品牌

就好似啱啱所講，由明洞地鐵站出嚟就可以即刻見到日本嘅UNIQLO

仲有H&M，ZARA等等，呢啲外國品牌喺明洞都可以搵到～

（只係小編個人覺得比起韓國本土品牌都係少啲，哈哈！）

如果唔想買連鎖店嘅衫，而想喺啲小攤檔買衫嘅朋友

喺明洞都有好多㗎～

不過有啲攤販係夜晚先會出嚟，所以如果係想行街邊檔嘅朋友～

建議大家可以喺下就大概4.5點之後再去明洞行會比較好！

另外，喺明洞shopping，仲可以見到有好多攤販係賣袋同襪！

小編通常見到嘅襪都係1對1000won～

11對就1萬won！（等於買十送一～）

係一個又平又好買嘅手信（？）！哈哈～

如果要送畀女仔朋友，送韓國呢啲咁得意嘅襪真係唔錯㗎！！！

又唔占空間，又唔占重量～哈哈哈哈～

好多人嚟到韓國購物都一定會去行ARTBOX！

喺明洞有一間超大嘅ARTBOX分店，

係嚟到韓國明洞一定要去行嘅地方！

呢間ARTBOX分店係比較出名嘅分店

因為佢有三！層！樓！入面仲有𨋢搭！！

真係好大好多嘢行～哈哈！

另外呢間分店入面仲有好多好得意嘅牆同ARTBOX公仔可以影相！

（除咗呢間有三層樓嘅ARTBOX分店之外，明洞仲有另一間分店㗎！）

＜同場加映 - ARTBOX攻略＞

【韓國必買】韓國購物荷包注意！走進這裡準備失心瘋啦～韓國超人氣文具店！ARTBOX探訪記！

仲有一店好重要嘅係～～～～

好多人都識嘅＂韓國美妝Cafe＂喺明洞就已經有兩間！！！！

分別係粉紅夢幻嘅3CE STYLENANDA PINK HOTEL同INNISFREE Green Cafe～

STYLENANDA PINK HOTEL明洞店一共有5層

每層樓嘅風格都唔同，所以好好行！

STYLENANDA PINK HOTEL明洞店嘅一樓係PINK HOTEL嘅lobby

可以買到3CE化妝品～

2樓唔單止可以買到3CE產品，仲有化妝間畀大家用

而且呢度仲設有打卡區，淨係喺呢度影相都已經好好影～

3樓可以買到STYLENANDA嘅衫

4樓可以買到STYLENANDA嘅衫同飾物！

而五樓就係好出名嘅＂3CE粉紅Cafe＂啦～

如果話3CE嘅 STYLENANDA PINK HOTEL係因為粉紅色嘅裝修而好多人識

咁INNISFREE嘅Green Cafe，小編個人覺得係以多樣化嘅甜點取勝～

除咗甜品之外，仲有賣好多唔同嘅嘢食～

而且喺<INNISFREE Green Cafe>賣嘅嘢食同飲品，佢哋嘅價錢都好合理

同其他賣類似產品嘅Cafe比更加算係好平～～

推薦大家如果嚟韓國明洞Shopping，咁就要去呢兩間Cafe睇下

唔係淨係買化妝品，仲要食下啲好嘢㗎嘛～～～

＜同場加映 - 美妝咖啡廳攻略＞

【韓國首爾景點】首爾必去！3大化妝品咖啡店探訪記！INNISFREE綠咖啡廳、SKINFOOD咖啡廳、3CE粉紅咖啡廳！首爾自由行～

如果呢啲美妝Cafe滿足唔到你～

咁就一定要食埋明洞小食啦！！

上面係明洞嘅街頭小食地圖XD

如果行街行到一半想食啲小食嘅話，可以去上面圈起嘅地方搵下好好食嘅明洞小食～

不論係煙肉卷、燒芝士、新鮮果汁、Churros、雜菜等等

各式各樣嘅街頭小食，都可以喺明洞小食街食到

甚至可以畀大家當做一餐，食到好飽～哈哈！

不過要留意嘅係，雖然呢啲小食攤販開鋪嘅時間都唔太一樣

但主要都係喺＂夜晚＂會比較多

所以建議大家如果想食小食嘅話，

大約喺下就4:30~11點左右

可以食到呢啲好好味嘅小食！

＜同場加映 - 明洞小吃街攻略＞

【韓國明洞】2018年最新明洞街頭小吃！明洞一定要吃的街頭小吃總整理！

另外～如果喺明洞行街行唔夠嘅話

去乙支路口嘅方向仲有＂樂天百貨免稅店＂！！！

喺明洞行得唔夠過癮，可以去明洞嘅樂天百貨繼續行！

哈哈～～～

上圖圈起有兩位穿住紅色衫嘅人

其實佢哋係會喺明洞幫手解答旅客問題嘅人～～

（唔單止係明洞，各大觀光景點都可以見到佢哋㗎）

如果喺旅行途中有咩問題或者搵唔到路嘅話，可以搵佢哋幫手！！

呢啲工作人員有啲識講中文，有啲就英文好好

所以唔洗擔心溝通上嘅問題呢！！！

除咗上述為大家介紹嘅鋪頭之外

其實韓國明洞呢個購物勝地仲有好多好多值得一行嘅小攤檔同小店

推薦大家嚟到韓國shopping嘅時候，可以嚟明洞尋寶

絕對可以一次過買齊所有想買嘅牌子同物品～哈哈！

真係咩都有得賣～

想買化妝品、保養品同衫比自己，

或者係要去一啲小店、小攤檔，買ㄧ啲送畀朋友嘅手信，

都絕對可以塞爆大家嘅篋～～哈哈！

＜想知道韓國明洞附近更多韓國美食同景點＞

咁我哋今日嘅介紹就去到呢度啦~

如果大家對韓國旅行或者韓國Shopping，以及明洞有咩問題，

都好歡迎留言畀我們㗎～！！

🤞🏻 Creatrip Youtube上線囉

✨馬上Follow我哋IG
instagram.com/creatrip.hk