明洞體驗活動總整理
首爾明洞只得行街冇其他野好做？No！小編推薦大家下次加呢幾個行程！
Hello，大家好，我哋係由韓國人每日提供最新韓國旅行資訊嘅Creatrip。
如果講到明洞，大家可能最先只會諗到shopping，不過其實呢度都有好多活動俾大家體驗，之後去開不妨加返一兩個活動，等行程變得更加豐富啦！
明洞體驗活動總整理
1. 去明洞大聖堂
明洞聖堂建於1898年，擁有100多年歷史，佢係一座重要建築，成為韓國民主化運動等歷史事件嘅中心。
呢度可以免費場，不過因為係神聖嘅地方，大家去到要靜啲。
明洞聖堂對於宗教同歷史都有重要意義，教堂後面有一個小花園同聖母瑪莉亞雕像，雕像前面放咗好多信徒貢獻嘅花束，嚟到呢度嘅信眾們好虔誠。
明洞聖堂
- 地址：서울 중구 명동길 74
- 營業時間：大聖堂平日11:00 - 16:00、星期日13:00 - 15:00、地下聖地每日10:00 - 19:00、逢星期日9:00舉行英語彌撒，直接入場就可以；受疫情影響時間可能會有變動，請參考官網公告
- 費用：免費
- 注意事項：教堂內禁止飲食、攝影
2. 去N首爾塔
講到首爾，最具代表性嘅景點可能一諗就會係諗N首爾塔，因為地理位置好，係一個可以俯瞰全首爾景色。
去N首爾塔方法有3種：坐纜車、坐觀光巴士、或者行上山，只要一到夜晚就會亮燈，唔同顏色係想話俾大家知當日空氣狀況，紅色係好差、綠色係標準、藍色係好。
上到去就會見到唔少韓劇中成日出現嘅愛情鎖，大家之後同另一半又會唔會想掛返個呢？
N首爾塔
- 地址：서울 용산구 남산공원길 105
- 營業時間：星期一至四 12:00 - 22:00、星期至至日及公眾假期 11:00 - 22:30（觀景台閂門前30分鐘可以入場）
3. 去整獨一無二嘅戒指
嚟到韓國大家會唔會想試吓DIY呢？小編想同大家推薦去整戒指。
呢度可以整99.99%純銀戒指，同朋友或者另一半嚟，絕對可以留返一個美好回憶。
就算係新手都唔使怕，職員會好細心咁教大家，有興趣嘅朋友，可以透過我哋用優惠價預約添！
戒指大學
- 地址：서울 중구 명동2길 52 4F
- 營業時間：10:30 - 21:00、星期三休息
- 費用：戒指2.5mm ₩40,000
- 小Tips：明洞站5號出口行大約3分鐘
4. 去貓貓Cafe
唔知大家鍾唔鍾意貓呢？明洞就有一間Cafe入面足足有52隻貓，大家入去之前一定要先換拖鞋。
入到去嘅時候，職員就會同大家講解，入場費係會包括一杯飲品，小編去落單嘅時候，已經見到有唔少貓。
呢度啲貓好乖，全部唔同類型，好有自己個性，嚟到呢度超Healing。
呢度有咖啡、茶、果汁等飲品，裝喺貓貓杯到超可愛！愛貓人士絕對唔可以錯過！
Cats's Playground（고양이놀이터）
- 地址：서울 중구 명동8길 37-14 3F
- 營業時間：12:00 - 23:00
- Creatrip優惠價：₩15,000 → ₩12,000（無限時使用券 + 1杯飲品 + 1條肉泥）
- 小Tips：明洞站8號出口行大約3分鐘
5. 去學化妝
Beauty Play係韓國美容體驗中心，嚟到呢度可以學韓式化妝。
呢度有提供韓國化妝品展覽，同可以Set頭同化妝服務，就算唔識韓文都唔使擔心，只要帶一張你想整嘅髮型同相，職員都會幫你變身，而家網上接受前一日預約，有興趣嘅朋友，可以參考官網。
化好妝、Set完頭，大家唔好唔記得喺度打返張卡啊！
Beauty Play（뷰티플레이）
- 地址：서울 중구 명동길73 3F
- 營業時間：星期二至六 10:00 - 19:00、星期日休息
- 預約：官網
- 小Tips：明洞站10號出口行大約6分鐘
6. 去韓國銀行貨幣金融博物館
韓國銀行貨幣金融博物館就係喺明洞新世界百貨店前面，要去超方便。
入到去可以了解由高麗時代到而家嘅韓國貨幣歷史。
同時仲有一個空間可以了解世界各地硬幣，掂住屏幕就會話俾大家知睇緊嘅係咩國家嘅貨幣，加上入面仲有好多同金錢有關嘅小遊戲，大人同小朋友嚟到都會長唔少知識。
韓國銀行貨幣金融博物館（한국은행 화폐박물관）
- 地址：서울 중구 남대문로 39
- 營業時間：10:00 - 17:00、星期一休息
- 費用：免費
- 小Tips：明洞站5號出口行大約8分鐘
7. 去整香水
呢度有66種名牌同小眾香水，大家可以用1-3種香料去整屬於自己嘅香水，香料係經過歐洲出口認證，而且空樽都係精心挑選優質產品，保證客人會滿意。
調香師係喺企英國著名大學化學系畢業，仲可以用英文溝通。
製作香水整個過程大約1個鐘，試香30分鐘＋製作30分鐘，唔會用太耐時間，之後去開明洞，不如就同朋友，或者係另一半嚟整返支獨一無二嘅香水啦！
Aroma Forest
- 地址：서울 중구 명동길 14 8F
- 營業時間：12:00 - 20:00
- 費用：DIY我的香水 30ml ₩25,000、 50ml ₩35,000、DIY名牌香水 30ml ₩25,000、 50ml ₩35,000
- 小Tips：乙支路入口站6號出口行大約4分鐘
8. 去睇亂打秀
如果你係第一次嚟韓國，小編超想推薦大家一定要睇一次亂打秀！自1997年首次正式表演之後，直到而家已經演出超過20年，係韓國代表表演之一，觀眾人數約為1,500萬。
喺開始嘅時候演員都會先著韓服，以超夢幻場景開場，之後再用韓國碗、洗衣板、鼓進行演奏，燈光開始變暗，令到呢到更神秘同夢幻。
呢度每一次嚟都會覺得有新鮮感，有時演員亂切菜，啲菜仲會飛向觀眾，令人忍唔住大笑，睇嘅時候完成唔知時間過。
亂打秀
- 地址：서울 중구 명동길 26 3F
- 演出時間（90分鐘）：平日 17:00、20:00 / 星期六 14:00、 17:00、20:00 / 星期日 14:00、17:00 / 公眾假期會根據唔同日子表演時間會唔一樣
- 價錢及座位表
| 座位 | 價錢 |
A席 | ￦30,000 |
S席 | ￦38,000 |
| VIP席 | ￦50,000 |
9. 去Gel甲
Miso Nail位於明洞一棟大廈嘅3樓，裡面雖然唔算好大，但就俾人好乾淨同舒服嘅感覺，牆面擺滿好多指甲油，超多顏色可以揀！
呢度純色超多去揀，另外每個月佢味仲有設計款，價錢仲要唔算貴。
Gel完之後美甲師仲會幫大家搽上營養油同抺乾淨手，超貼心！
Miso Nail
- 地址：서울 중구 명동4길 12-1 3F 301호
- 營業時間：星期一至六 11:00 - 21:00、逢星期日休息
- 費用：基本Gel甲（單色）（手）₩30,000、（腳）₩40,000、本月Gel甲款₩50,000~₩70,000（手/腳）
- 小Tips：乙支路入口站6號出口行大約6分鐘
10. 去汗蒸幕
喺明洞完街想搵個地方鬆一鬆？不如就去汗蒸幕啦！
免疫工房係利用日本最古老天然礦石所產生各種波動，幫助排出人體體內毒素同大量汗水，試過嘅朋友都即刻精神爽利！
為咗可以令熱石浴效果發揮到最大功效，小編揀咗免疫工房入套餐，當中已包入場券、乳酸菌、熱石雞蛋同免疫果汁，體驗完先食可以即刻補充體力同營養。
免疫工房
- 地址：서울 중구 퇴계로20길 2 B2
- 營業時間：07:00 - 21:00（新年、中秋休息）
- 費用：入場券（1人）₩13,000、免疫工房入套餐（1人）₩21,000
- 小Tips：明洞站3號出口行大約1分鐘
之後去明洞，除咗食同Shopping之外，不如加啲活動，等行程變得更豐富啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
