韓國旅行必備APP推薦
去韓國自由行必備實用App推薦！地鐵、地圖、翻譯、優惠全部輕鬆搞掂！
Hello，大家好，我哋係由韓國人每日提供最新韓國旅行資訊嘅Creatrip。
大家嚟韓國，好多時都可能係自由行，不過如果唔識韓文，會唔會擔心唔知點搵路或者點溝通呢？今日小編就想同大家介紹幾個嚟韓國必備App！有需要嘅朋友，就繼續睇落去啦！
韓國旅遊必備App推薦
1. Creatrip App（繁體中文（香港/台灣）、英文、日文、泰文、越南文）
- 旅行資訊、預約行程、當日匯率、代叫外賣服務、代辦語學堂、代上餐廳服務
| iOS | Android |
為咗可以令大家都成為韓國旅遊達人，我哋每日都會Update最新韓國資訊，同時有唔少體驗活動可以俾大家預約，我哋仲有同啲舖頭合作，提供專屬優惠券俾會員。
另外我哋仲有提供代叫外賣、代購、代辦語學堂服務等，內容相當齊全同豐富，絕對可以幫到嚟韓國嘅每一位。
Creatrip提供服務列表
2. Naver Map App（簡體中文/英文）
- 交通路線、實時路況、韓國地圖
| iOS | Android |
如果係想搵路，韓國地圖APP「Naver Map」其實係最方便，資訊更新夠齊全，鋪頭營業時間、評價，甚至係搭巴士/地鐵時間、步行路線等都可以輕鬆搵到。
可能會有朋友習慣用韓巢或者Kakao Map，但可惜嘅係韓巢唔夠Naver Map齊全，而Kakao Map只得英文，可能會冇咁方便。
3. Subway Korea（繁體中文/簡體中文/英文）
- 韓國五大城市地鐵、首尾班車
| iOS | Android |
Subway Korea都係小編會想推薦大家download嘅旅行必備App之一！佢唔單止有提供繁體中文，同時仲可以睇哂五大城市地鐵圖，時間表、實時車站狀況、最快路線查詢等。
用佢可以check到到站時間，如果大家會玩得比較夜，都可以提前睇定尾班車時間！
4. Papago（繁體中文）
- 中韓翻譯、圖片翻譯、發音
| iOS | Android |
比起Google翻譯，如果嚟韓國，小編比較推薦用Papago，翻譯會順暢啲，而且仲有敬語選項可以揀，唔少韓國人都會用佢。
除咗打中文就會自動翻譯成韓文之外，亦可以用語音輸入，喺餐廳/Cafe見到只得純韓文Menu時，可以用「圖片翻譯」功能，直接翻譯文字。
5. T locker（英文/韓文）
- 查詢首爾地鐵儲物櫃
| iOS | Android |
嚟韓國Shopping日日買到手軟，應該係唔少人都試過嘅事，拎住一抽二掕，要返酒店又太遠，呢個時候可以點算？首爾市政府推出咗「T locker」app，佢會話俾大家知地鐵站儲物櫃位置喺邊，而且最正嘅係剩返幾多個、費用、尺寸等一應俱全！
雖然遊客唔可以用預約功能，但用app可以提前知仲剩幾多個，一樣都好方便！
6. BucaCheck（韓文）
- 查詢交通卡餘額
| iOS | Android |
嚟韓國，如果冇一張交通卡（T-money）真係好唔方便，以前買落又唔知剩返幾多錢嘅話，推薦大家可以先Download「BucaCheck」睇吓，用法非常之簡單！
除咗可以睇餘額之外，佢仲可以顯示最近交易紀錄，要mark數睇佢都好方便。
7. NAMANE（簡體中文/英文/日文）
- 韓國扣賬卡、交通卡
| iOS | Android |
大家有冇諗過好似韓國人咁一卡走天下呢？NAMANE卡唔單止有交通卡功能，同時仲可以當扣賬卡咁用，唔想成日拎住咁大堆銀紙同散子，用佢就可以解決大家嘅煩惱！
佢最大賣點仲可以自己設計卡嘅相同文字，過往交易紀錄一樣都可以check到！
以上就係小編整理好嚟韓國，必備嘅韓國旅行APP，相信download完佢哋，一家可以幫輕到大家唔少！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
