Hello，大家好，這裡是由韓國人每天日提供最新韓國旅行資訊嘅Creatrip。

＃新村商圈＃新村購物
＃U-Plex＃行街＃2019
＃冬天＃冬裝＃最新

地下街、大學商圈等等，都係嚟到韓國購物個陣好值得行嘅地方。

除咗梨大、弘大等商圈，夾喺中間，好多韓國大學生都好鍾意去嘅新村有時反而會被大家忽略咗。

所以，今日小編就整理咗一啲新村Shopping嘅小秘訣畀大家。

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈明洞高品質半永久霧眉/飄眉手術預約

2019/2020新村購物：1. 介紹

新村（신촌）位於梨花女子大學、延世大學、弘益大學附近，所以呢度聚集咗好多韓國年輕人，同時係Shopping嘅必去之處。

新村水槍節

每年夏天都會喺新村舉辦嘅「新村水槍節」，會特登封路，去舉辦為期兩日嘅夏日祭典。

吸引唔少年輕男女，喺新村大街上互相用水槍掃射、消除暑氣。

小編都去咗2019年嘅新村水槍節，真係好好玩，但係好攰。

大家都有興趣嘅話，不妨留意一下下年開嘅日子，一齊去玩下啦～

 🙌新村水槍節資訊 

新村啤酒節

페이스북@신촌맥주축제

夏天最激情嘅新村水槍節完咗之後，就係九月嘅新村啤酒節，同樣吸引咗好多年輕人去。

呢啲年輕人好鍾意嘅元素，都可以喺熱鬧嘅新村搵到，亦都新村除咗Shopping之外，吸引韓國年輕人嘅原因。

🙌新村啤酒節資訊 

新村聖誕慶典

再嚟係聖誕，新村延世路喺每年12月，都會擺一棵好大嘅聖誕樹做地標，仲會舉辦活動。

聖誕節當日仲會舉辦新村延世路聖誕慶典，到時嘅新村會有好多人一齊共度佳節。

🙌韓國聖誕慶典總整理 

延高大戰

kr.liuxue360.com

每年嘅延高大戰（或者叫高延大戰），延世大學同高麗大學一系列嘅運動比賽都好緊張刺激。

新村商圈亦因為好近延世大學，每年大戰之後，如果係延世大學贏嘅，新村商圈都會有一齊慶祝、開心嘅氣氛。

🙌 韓國大學排名與文化 

夏天

冬天

新村購物主要商圈範圍，係喺首爾地鐵2號線新村站（신천역）2號、3號出口一帶，

另一個新村站就喺京義中央線，班次比較少，而且比較近梨大。

所以新村主要購物商圈位置都係圍繞喺地鐵2號線周圍。

2019/2020新村購物：2. 韓劇

新村除咗係韓國購物嘅知名景點之一之外，亦係韓劇嘅拍攝地點。

南柱赫同李聖經主演嘅《舉重妖精金福珠》，拍攝場地都喺新村。

呢套戲嘅故事背景係大學生，所以揀新村就啱晒。

2019/2020新村購物：3. U-PLEX

由於新村係好多韓國大學生嘅聚腳點，所以呢度有好多可以shopping嘅鋪頭。

其中，最受韓國人歡近嘅，就係新村U-PLEX。

呢度有好多各類型嘅服飾品牌，大大小小，集中晒喺呢度，亦經常打折。

喺一樓出面嘅紅水管廣場，周不時會有特賣會添。

大家嚟新村shopping嘅話，不妨可以留意下。

• 地址：서울 서대문구 연세로 13
• 時間：11:30至22:00
• 公休：Click呢度

只要由地鐵新村站嘅2號或3號出口出嚟，直街，經過一堆化妝品鋪、街頭藝人之後，

就可以見到好大嘅新村購物商圈，而新村U-PLEX就喺呢條「延世路」上（睇到有一座好大嘅紅水管就會搵到）。

新村購物地圖｜點我

係附近嘅巷仔，仲可以搵到好多新村美食。

大家嚟到新村，都可以留意下附近嘅餐廳㗎。

🙌  新村美食總整理(1)
🙌  新村美食總整理(2)

2019/2020新村購物：4. U-PLEX探訪(冬)

嚟過新村嘅朋友，對U-PLEX前嘅紅色水管都會好熟悉。

U-PLEX好容易就會搵到，新村站2號出口出嚟之後，直行就會去到，

仲有一個方法可以唔洗出地鐵站，直接入到新村U-PLEX㗎。

出站之後，向7號、8號出口嘅方向行，途中經過7-11，

但唔好行出去，直行到底，會有對好似係商店街入口嘅大門。

呢度入去就係㗎啦～

而家天氣開始凍，行地底直接去到新村現代百貨，或者U-PLEX，真係好方便。

呢度就係新村U-PLEX地下室啦，大家可以由呢度開始行。

大家都可以喺水牌睇下呢度有咩牌子，咁樣行就可以有目標咁行，慳番唔少時間。

通常呢一條街會有好多特賣會、零售嘅嘢買，大家可以係度睇下有咩啱，因為其實成棟嘅價錢、折扣都差唔多。

但係如果係想買美妝嘅朋友，就要喺呢度買咗先，因為上面個幾層都係賣衫，或者要行出U-PLEX先買到化妝品㗎啦～

行到最尾，見到A Land，記得要轉右入去，之後由鋪頭入面嘅扶手電梯上去，先會入到新村U-PLEX入面，再直行就會去咗現代百貨㗎啦。

 🙌 新村ALAND探訪記

冬天嘅U-PLEX百貨店，小編覺得好好行，

因為呢度嘅衫質地都設計都唔錯，價格又唔會太貴，而且幾乎所有牌子都可以喺呢度搵到。

喺新村Shopping，你絕對可以喺U-PLEX由頭買到落腳。

許多人來韓國購物，喺地下街買一啲平嘅衫，品質未必咁好，如果係喺百貨公司買，又覺得太貴、買唔落手。

但係喺U-PLEX，大家可以用比較低嘅價格買到好靚嘅衣服，好多都係潮流品牌，加埋可以退稅，一定可以令咁多位買得開心。

U-PLEX買到嘅衫質量唔差，價位又唔會好高。

嚟到韓國旅行，不妨嚟新村U-PLEX行下啦。

基本上低層嘅U-PLEX鋪頭，都係一啲品牌知名度冇咁高嘅韓國牌子。佢哋都有個共同點，就係好有設計感，大家一定可以喺呢度買到靚衫。

小編好鍾意行新村U-PLEX呢間WONDER PLACE，男女裝都有，

而且成日都會有折，重點係啲衫都好好睇，大家可以嚟格下價。

U-PLEX越高層，服裝牌子會越出名。

不過大家應該都發現，U-PLEX賣嘅衫都係有牌子嘅衫，就可能唔係咁啱想買好平好平嘅衫嘅朋友，可以肯定好嘅就係佢哋嘅品質啦。

而且最近U-PLEX啱啱改裝過，有好多新嘅牌子進駐。

大家睇下小編最近去影嘅相，係咪都好有質感呢？

當然呢度都有平嘢買，U-PLEX嘅特點就係呢啲品牌，不時都會有換季減價。

雖然價格比地下街或者街邊高，但以品質嚟講，都係唔少人嘅心頭好。

小編推薦大家行韓國新村U-PLEX嘅時候，一定要留意下兩邊車仔上面賣嘅產品。

因為好多牌子嘅衫，都會額外咁放出嚟做大特價！

小編只要嚟新村，唔理係嚟食飯定買嘢，都一定會行一圈U-PLEX，

每次都可以揀到滿意嘅服飾品牌、帶番屋企，相信大家一定都可以揀到自己鍾意嘅嘢買。

如果想買運動服飾，喺韓國一定要買FILA，款式比較多之餘，價錢真係平好多，而且可以退稅，更加划算。

其他運動服飾都幾平，而且冬天會出新款添。

各種羽絨外套，不論長短同材質，甚至係最近好興嘅毛毛褸，都可以喺呢度搵到。

小編行親都好心動，好想買～

常見嘅運動服飾品牌，清一色咁都喺晒U-PLEX高層，大家可以直接上去，或者一層一層咁行上去。

但記得記得要錫住荷包，一唔小心就會好似小編咁喺花車買咗兩、三件衫走。

韓國嘅運動品牌款式都好多，比較出名嘅NIKE、ADIDAS、NEW ERA等等都有。

喺呢度買衫，一定要記得帶護照，咁就可以退埋稅。

🙌 NEW ERA九折優惠券下載

ABC Mart喺U-PLEX嘅最高，仲有一間超大嘅NIKE，以為行到呢度就冇嘢行？

NONO！！

樓上仲有更精采，一於等小編一陣帶大家睇下啦。

好多人都會問，到底邊度買鞋平呢？

其實呢個問題好難，但如果喺呢啲大型商場，都好大機會可以買到平平地，上一季嘅款。

如果行到U-PLEX嘅十樓，小編推薦大家可以去埋新開幕嘅Arc. N. Book行下，或者係再上面嘅天空庭院。

每日夜晚20:00之前，都可以去U-PLEX頂樓嘅「天空庭院」，天黑之後，仲可以睇埋首爾夜景，而且周圍嘅建築物都唔係好高，一望無際。

天氣好嘅時候，就真無會睇到好似小編影嘅相一樣，有漸變色嘅天空。

2019年夏

新村商圈只有U-PLEX好行？當然唔係，新村入面有各式各樣嘅品牌、商店、餐廳，小編喺呢度放一啲首爾新村嘅相，畀大家參考。

水槍節完咗之後，接下嚟就係秋天同冬天，但唔理喺幾時，只要喺夜晚或者星期六日、假日嚟，都會有好多人。

除咗U-PLEX有好多服飾品牌進駐，成個新村商圈則係以其他牌子、連鎖店比較多，仲有化妝品，喺新村商圈都可以好容易買到。

2019春

2019春

2019春

• 新村RED CONTAINER（成人用品店）
• 地址：서울 서대문구 명물길 28

• 新村M PLAY GROUND
• 地址：서울 서대문구 연세로 9

弘大、建大都有嘅男裝連鎖品牌：M PLAY GROUND，基本上呢度嘅衫應該係新村最平，

男士們要好好喺呢度行，記得要用埋Creatrip提供嘅9折優惠券啊！

 🙌新村M PlayGround九折優惠券

以上就係小編喺2019冬天，最新探訪嘅新村商圈，同埋年輕人、大學生最愛嘅U-PLEX，希望大家會鍾意啦。

下次嚟韓國購物個陣，都嚟新村行下、食下嘢啦！

咁多位，我哋下次見。

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈TADA機場接送線上預約享優惠

其他延伸閱讀
新村美食推薦	新村時空間探訪
防彈踩點總整理	新村圖書館景點
弘大行程總整理	新村NoBrand