蠶室美食 | All Day Fresh Kitchen(樂天世界購物城店)[獨家外國人預約服務]
最近超hit嘅The SkyFarm旗下餐廳!原來喺樂天世界購物城都有分店!
Hello,大家好,我哋係由韓國人每日提供最新韓國旅行資訊嘅Creatrip。
唔知道大家有冇聽過「All Day Fresh Kitchen」呢?平時有好多朋友都會問小編首爾邊度有景觀靚、嘢食又好食嘅餐廳,呢間餐廳一定可以滿足大家嘅要求!呢間餐廳最出名嘅係汝矣島分店,不過原來喺樂天世界購物城都有分店!今次我哋成功爭取到獨家外國人預約服務,大家如果想去記住透過我哋預約啦!
「All Day Fresh Kitchen(汝矣島店)」詳細介紹
「All Day Fresh Kitchen(樂天世界購物城店)」資訊
- 地址:서울 송파구 올림픽로 300 롯데월드몰 6F
- 營業時間:10:30 - 22:00
- 可預約時間:星期一至五 10:30 - 20:00(預約時間以30分鐘為單位)
- 語言:韓文、英文
「All Day Fresh Kitchen(樂天世界購物城店)」推薦原因
- 食材夠新鮮,而且全日提供咖啡、Brunch、意粉牛扒、葡萄酒等餐點,就算幾點去都可以食得開心!
- 餐廳環境夠靚夠高級,無論係同家人、朋友定另一半一齊去都可以享受浪漫氣氛!
- 位於樂天世界購物城,食飯前後去行街都好方便,甚至可以去埋樂天世界玩!
- 用我哋嘅獨家外國人預約服務,就算冇韓國電話號碼都唔緊要!
「All Day Fresh Kitchen(樂天世界購物城店)」價錢
大人(8歲或以上) | ₩10,000/人 (10000) |
小童(36個月 - 7歲、提供小朋友餐具) | |
幼童(未滿36個月、提供BB櫈+小朋友餐具) |
※上述價錢為代客預約手續費(唔包括任何餐點費用)。
座位示意圖
2~4人枱
5~6人枱
6~9人枱
「All Day Fresh Kitchen(樂天世界購物城店)」退款政策
預約後至體驗3日前取消 | 全額退款 |
體驗2日前取消 | 不設退款 |
「All Day Fresh Kitchen(樂天世界購物城店)」獨家優惠
- 透過Creatrip預約嘅客人每位可以得到一杯美式咖啡。
- 叫嘢食嘅時候請向職員出示預約記錄,換領獨家優惠。
- 凍/熱皆可,但唔可以轉成其他飲品。
「All Day Fresh Kitchen(樂天世界購物城店)」注意事項
- 請最少喺3日前完成預約,你亦可以喺30日前進行預約。
- 預約費用為每人₩10,000(唔包括任何餐點費用)。
- 只接受平日(星期一至五)預約。
- 請準確輸入人數,如果到訪時人數同預約人數唔一致,餐廳有權唔俾你入場。
- 每組最多9位客人,如果將會有10個人或以上同行,請事先聯絡help@creatrip.com。
- 唔可以指定座位,屆時請準時到達,職員會按到達順序幫大家安排位置(如果人多可能要等大約10分鐘方能入座)。
- 用餐限時2小時(由預約時間開始計算),如果遲到將會扣除用餐時間,根據現場情況亦有可能會被拒入場。
- 指定日子未能提供預約(如聖誕節等)。
- 因為預約係先到先得,所以有可能會預約失敗,預約嘅時候請填寫幾個候補時間。
- 請每人最少叫1份餐點,如果實際到訪人數少過預約人數,亦需要按照預約人數點餐。
- 嚴禁攜帶及進食外來食物及飲品,你可以選擇食/飲完再入餐廳,或者等職員幫你保管。
- 如有小童同行請悉心照顧,如果影響到其他客人或者餐廳財產出現損毀,監護人將需負全責。
- 咖啡及飲品唔提供續飲。
- 如果係素食者,或有任何食物敏感,預約時請填寫相關事項。
- 如果想更改預約,或有任何疑問,請send email到help@creatrip.com查詢。
「All Day Fresh Kitchen(樂天世界購物城店)」預約流程
STEP 1. | |
STEP 2. | 請詳細輸入所有相關資訊及付款,我哋會喺1-2個工作天內確認預約。(如果需要更改日期/時間我哋會另外通知你) |
STEP 3. | 體驗當日請準時到達,向職員出示預約記錄。 |
STEP 4. | 開始體驗! |
「All Day Fresh Kitchen(樂天世界購物城店)」介紹
今日小編同朋友一齊嚟到「All Day Fresh Kitchen」嘅樂天世界購物城分店!平時大家上網search「The SkyFarm」應該都係出汝矣島店嘅資訊,不過原來喺樂天世界購物城都有一間!
門口會有個Menu,大家入去之前可以睇定食咩。
「All Day Fresh Kitchen(樂天世界購物城店)」嘅裝修運用黃色同綠色系色彩,加上唔同設計嘅水晶吊燈,夠sharp同搶眼得嚟俾人一種高貴典雅嘅感覺。
呢度有2~4人枱、5~6人枱同6~9人枱,亦都有獨立房可以預約!獨立房最多可以容納12個人,如果有需要請事先send email去help@creatrip.com查詢!
去到之後向職員出示預約記錄,職員就會幫大家安排座位同餐具!「All Day Fresh Kitchen」另一個特徵係碗碗碟碟全部都勁colourful,而且每隻都唔同花紋!
叫完嘢食之後,職員就會先幫大家上一份麵包,大家可以點意大利黑醋+橄欖油一齊食。
呢幾款餐點就係小編同朋友揀嘅嘢食啦,影落顏色好靚,大家記住要手機食先XD
意大利水牛芝士沙律
呢款沙律入面有水牛芝士同蕃茄,然後以清新嘅檸檬醬汁調味,超開胃!
虎蝦蕃茄扁意粉
呢款意粉上面真係有一隻完整燒蝦喺上面,肉質彈牙而且味道鮮甜,配埋用蕃茄同羅勒等香料熬製而成嘅酸甜蕃茄醬,非常惹味開胃!
粟米流心水牛芝士pizza
呢款pizza上面有粟米、西班牙火腿同流心水牛芝士,配料分量好足!而且因為呢間分店廚房入面有個窯烤火爐,所以pizza食落會多一層香味!
炸雞窩夫
呢個係小編覺得最好食嘅Menu!上面係香脆炸雞,下面係鬆軟煙韌窩夫,配埋沙律菜、墨西哥辣椒醬同楓糖漿,鹹鹹甜甜咁好過癮!大家亦都可以另外切少少炸雞出嚟點醬食,同平時食開嘅味道完全唔同!
Love Poem
呢款Cocktail以紅酒做base,有少少似Sangria。而且杯邊點滿糖,每飲一啖都會帶少少甜味,就算唔係好飲酒嘅朋友們都會覺得好味!
水果梳打(檸檬青檸味)
呢款檸檬梳打酸酸甜甜好清新,食到覺得有啲漏嘅時候飲返啖真係一流!
而家透過我哋預約仲可以每人免費得到一杯美式咖啡,可以慳返叫嘢飲嘅錢!
相信有唔少朋友都曾經想去呢間餐廳食飯,但係因為佢哋只接受Naver預約,所以外國人好難可以book到枱,不過而家大家只要透過我哋就可以預約到啦!今次嚟韓國旅行想去氣氛同環境都好嘅高級餐廳嘅話,小編超推薦大家嚟「All Day Fresh Kitchen」!
「All Day Fresh Kitchen(樂天世界購物城店)」前往方法
喺蠶室站(잠실역)落車之後向1/2號出口方向行。
你會見到右邊有樂天世界購物城嘅入口。
行入去之後搭上圖呢條扶手電梯上5樓(呢條電梯只可以去到單數樓層)。
上到去你會首先見到樂天戲院,向後望就會見到「All Day Fresh Kitchen」,然後再搭另一條扶手電梯上6樓。
上到6樓之後轉左。
前面就係餐廳入口啦!
如果覺得好難搵,大家可以參考商場平面圖。
𨋢隔離都會有部機可以睇到商場平面圖,大家可以轉做中文/英文然後search餐廳位置。
All Day Fresh Kitchen(樂天世界購物城店)| 撳我預約
以上係蠶室「All Day Fresh Kitchen(樂天世界購物城店)」嘅介紹,有任何問題請先詳讀呢篇文章。
如果睇完之後有任何問題,或者我哋語意、標示唔清嘅話,麻煩請send email告知,以方便我哋改進 。
如果有更多想知嘅內容,都可以隨時留言或者dm話俾我哋知:)
Instagram:creatrip.hk
Mail:help@creatrip.com