釜山美食 | BIBIBIM
邊個話甘川文化村冇好嘢食！帶大家去甘川文化村入口附近嘅韓式小食店食返餐啦！
Hello，大家好，我哋係由韓國人每日提供最新韓國旅行資訊嘅Creatrip。
甘川文化村係釜山旅行必去景點之一，嗰度亦都有唔少餐廳同Cafe，今次就等小編介紹一間賣韓國傳統小食嘅鋪頭俾大家啦！
釜山「BIBIBIM」資訊
- 地址：부산 사하구 옥천로 121
- 營業時間：09:30 - 18:00
- 語言：韓文、英文
釜山「BIBIBIM」推薦原因
- 融合釜山傳統同現代飲食文化，每款餐點都好特別！
- 位於甘川文化村入口附近，好容易就搵到！
- 同時係餐廳同Cafe，可以一次過喺度食曬正餐同甜品！
- Download埋我哋coupon仲可以享有9折優惠！
釜山「BIBIBIM」價錢
| Menu | 價錢 | 簡介 |
| 韓式拌飯飯捲 비빔밥 부리토 | ₩8,000 | 用以特製辣椒醬調味嘅拌飯做外皮，包住5種蔬菜同雞蛋整成嘅飯捲 |
| 韓式炒粉絲（醬油味） 간장잡채 | ₩8,500 | 韓式粉絲加上牛肉、魚糕、各種蔬菜，用BIBIBIM特製醬油調味而成 |
| 韓式炒粉絲（辣味） 빨간잡채 | ₩8,500 | 韓式粉絲加上豬肉、魚糕、各種蔬菜，用BIBIBIM特製辣椒醬調味而成 |
| 宮廷炒年糕 궁중떡볶이 | ₩8,500 | 用BIBIBIM自家製醬油，加上牛肉、魚糕、各種蔬菜炮製而成嘅炒年糕 |
| BIBIBIM辣炒年糕 비비빔떡볶이 | ₩8,000 | 用BIBIBIM特製辣椒醬調味炮製而成嘅辣炒年糕 |
| 迷你泡菜煎餅(8塊) 미니 김치전 8p | ₩7,500 | 用魷魚、泡菜等材料調成麵糊後煎成嘅煎餅 |
| 迷你海鮮葱煎餅(8塊) 미니 해물파전 8p | ₩7,500 | 用魷魚、鮮蝦等海鮮同葱等材料調成麵糊後煎成嘅煎餅 |
| 米水雪糕/水正果雪糕 식혜 / 수정과 아이스크림 | ₩3,500 | 以韓國傳統飲品為口味製造而成嘅軟雪糕 |
| 米水 식혜 | ₩3,500 | 用米整成嘅香甜韓式傳統飲品，水蜜桃、蜜瓜、芒果同藍莓味嘅米水得呢度先有！ |
| 水正果 수정과 | ₩3,500 | 用米同薑為主要材料熬製而成嘅韓式傳統飲品 |
| 韓國傳統米酒 막걸리 | ₩3,500 | 用大米釀製而成嘅傳統酒 |
釜山「BIBIBIM」優惠及注意事項
- 出示優惠券即可享9折優惠。
- 本優惠券只限於BIBIBIM使用。
- 本優惠適用於飲品及餐點。
- 唔需要事先預約。
- 如果用coupon嘅時候有任何疑問，可以send email到help@creatrip.com查詢。
釜山「BIBIBIM」介紹
今日小編嚟到釜山甘川文化村玩，見到入口就有呢間「BIBIBIM」！餐廳外觀勁搶眼，令人聯想起巴士站XD
大家要喺前面counter叫嘢食，記住出示埋Creatrip 9折coupon，唔好錯過優惠啦！
呢度有賣好多種飲品，小編覺得最特別嘅係水果味嘅米水！平時米水都好少會有其他口味，不過呢度就有水蜜桃、蜜瓜、芒果同藍莓味可以揀，超神奇！
另外呢度嘅米水雪糕同水正果雪糕都係必食Menu之一，食完飯想食甜品嘅話都可以喺呢度食埋！
而鹹食方面，大部份都係韓式小食。
呢度有炒年糕、韓式炒粉絲，仲有用韓式拌飯整成嘅飯捲，全部影落都好靚，味道都非常唔錯！
如果大家plan住去甘川文化村，不妨可以去「BIBIBIM」食返餐韓式小食，體驗韓國獨特飲食文化！（記住去之前要download埋coupon啊！）
釜山「BIBIBIM」前往方法
去到甘川文化村正門之後唔好行入去，先向左邊行。
直行。
經過三岔路口之後望右邊就會見到「BIBIBIM」啦！
點先可以享有釜山「BIBIBIM」優惠？
現場消費Click下面網址下載Creatrip專屬優惠券，出示俾店員睇即可享有獨家優惠。
以上係釜山「BIBIBIM」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
