2023最新韓國手信推薦（韓國零食/傳統甜品）
韓國特色手信推薦！買返幾樣韓國超受歡迎特色零食、傳統甜品返屋企啦！
Hello，大家好，我哋係由韓國人每日提供最新韓國旅行資訊嘅Creatrip。
嚟得旅行就當然要買返幾樣手信返屋企送俾親朋戚友啦！不過有好多韓國零食香港都有，大家如果唔知道買咩好，可以參考今日呢篇blog，跟住買一定唔會有錯！
2023最新韓國手信推薦（韓國零食/傳統甜品）
1. HBAF杏仁
講起韓國零食同手信，一定唔少得HBAF杏仁！由最出名嘅蜂蜜牛油味、Wasabi味，到新出嘅辣雞麵味，HBAF杏仁總共有超過30款口味可以揀，特別得嚟每款都唔太伏。
無論係用嚟當零食食，定係用嚟送酒都一流，男女老少都會鍾意，所以真係好啱買返去做手信！
而且如果係去HBAF明洞專門店，仲有得試食，咁就唔怕會買到自己唔鍾意嘅味啦！
如果鍾意食甜嘢，小編推薦大家可以買Tiramisu味；如果鍾意食鹹嘅果仁，就推薦大家買烤粟米味同蒜蓉包味！
另外如果想買特別啲嘅味，都推薦大家買辣雞麵味同辣炒年糕味，呢兩款杏仁辣辣地幾惹味，食食吓就好快食完一包XD
HBAF杏仁喺普通韓國超市都有賣，不過好似頭先所講，如果想有多啲選擇，建議大家去HBAF專門店，明洞都有幾間！嗰度有齊咁多款口味同各種大細嘅包裝，無論係想買分享裝派街坊，定係買一大包放屋企都得！有關HBAF分店嘅資訊，大家可以參考以下詳情~
HBAF明洞站店（바프 스토어 명동역점）
- 地址：서울 중구 퇴계로 123
- 營業時間：11:00 - 23:00
- 小Tips：明洞站（명동역）6、7號出口一出就係（以前UNIQLO鋪位）
HBAF明洞旗艦店（바프 플래그십스토어 명동점）
- 地址：서울 중구 명동길 48
- 小Tips：明洞站（명동역）8號出口行4分鐘
2. Golden Piece藥果
YouTube
唔知道大家有冇聽講過「藥果」呢？「藥果」係一款用麵粉、蜂蜜、麻油等整成嘅韓式傳統甜品，由韓國古代開始就被視為係高級禮品。而最近韓國掀起藥果熱潮，幾乎咩甜品都會同藥果crossover，藥果曲奇、藥果雪糕、藥果冬甩等等真係超多樣化XD 唔單止係咁出名嘅藥果仲有好多人會好似搶演唱會飛咁，
唔單止係咁，如果想買到出名嘅藥果，仲要好似搶演唱會飛咁捕住時間爭住買！而其中一個最受韓國人歡迎嘅Brand就係接住落嚟要介紹嘅「Golden Piece（골든피스）」！佢係一間超多韓國明星都鍾意嘅藥果專門店，唔單止口味夠多夠高質，包裝都夠精緻得體，最啱買嚟送俾人！
韓式藥果禮盒（모둠 약과 세트）₩56,000/18件裝
「韓式藥果禮盒」入面有2款口感（糯米藥果、開城式藥果）、7款口味（雲呢拿、艾草、白芝麻、黃豆粉等）嘅藥果，每款都有金箔或者果仁裝飾，睇落健康得嚟夠曬高級，非常啱買嚟送俾長輩們。
韓式糯米藥果禮盒（찹쌀 약과 세트）₩55,000/12件裝
「韓式糯米藥果禮盒」嘅口味都好多樣化，除咗頭先提到嘅雲呢拿、白芝麻同艾草味之外，仲有黑芝麻、榛果同伯爵茶味，每款都好精緻，完全唔捨得食！
開城傳統糯米冬甩禮盒 ₩23,000/6件裝
仲有呢款叫「개성주악」嘅開城傳統糯米冬甩，同普通藥果唔同，佢外皮脆口，入面嘅口感比較煙韌！味道方面就有月花、黑芝麻、蕃薯味，全部都唔會太甜。
包裝方面，職員會幫大家喺紙袋上面綁一條靚靚絲帶，睇落夠大方得體，而且包裝盒本身都好有韓國特色，啱曬帶返屋企送俾人！如果有需要，亦都可以加₩1,000買個雪袋裝住，咁就唔怕咁快變壞啦！而家大家除咗可以喺我哋網站預約購買，如果有埋Creatrip特快通行證&優惠券仲可以有額外9折優惠，有興趣可以撳下面條link瞭解更多詳情！
Golden Piece（골든피스）
- 地址：서울 용산구 한남대로27길 25
- 營業時間：12:00 - 18:00（6月逢星期一及二休息）
- 小Tips：漢江鎮站（한강진역）3號出口行9分鐘
3. 金玉堂羊羹
羊羹係一款用紅豆整成嘅傳統甜品，口感就好似啫喱咁，好多韓國老一輩，或者平時口味比較似老人家嘅人都鍾意食！
而喺韓國最出名同最多人買嚟送禮嘅就係「金玉堂（금옥당）」嘅羊羹啦！呢度嘅羊羹唔會太甜，更加有多達17款口味，除咗最基本嘅紅豆味，仲有栗子、奶茶、綠茶、紅桑莓等等嘅現代口味，後生仔女都會鍾意。
而另一個吸引咁多人買嘅原因就係佢哋嘅包裝，夠曬傳統、高級、得體，送俾長輩就啱曬啦！
大家除咗可以單個咁買，買夠指定數量仲可以幫你包裝成一Set，包括有4件裝（₩14,700~16,900）、6件裝（₩21,800~24,000）、12件裝（₩48,500~48,800）同16件裝（~₩70,000）。如果係用嚟送禮或者要搭飛機，記住要加₩1,000買多個雪袋裝住啊！「金玉堂」都有唔少分店，大家平時會去嘅仁寺洞、弘大上水都有，百貨公司都有門市，不過小編建議大家可以喺旅行最後一日去首爾站店，買完就可以直接去機場啦！
金玉堂仁寺店（금옥당 인사점）
- 地址：서울 종로구 인사동길 49
- 營業時間：10:30 - 20:30
- 小Tips：安國站（안국역）6號出口行3分鐘
金玉堂首爾站店（금옥당 서울역점）
- 地址：서울 중구 한강대로 405
- 營業時間：10:30 - 20:30
- 小Tips：喺首爾站（서울역）入面1樓
4. 韓菓美意識傳統韓菓
以前好多後生仔女都覺得韓國傳統甜品同零食得阿公阿婆會食，不過好似頭先介紹嘅藥果咁，而家越嚟越多人開始關注同鍾意佢哋！
YouTube
「韓菓美意識（한과미의식）」係一間傳統韓菓子專賣店，之前(G)I-DLE舒華拍YouTube節目嘅時候都有去做過一日兼職，喺影片入面，佢都有向外國人極力推薦呢度嘅韓菓！大家嚟到可以先試食，然後再揀想買邊款。
全部韓菓都係一啖Size，而且都好精緻！而呢款「花藥果」可以話係呢度最受歡迎嘅product，一層層酥皮加上傳統韓式糖漿，香甜脆口！
要送禮嘅話，小編推薦大家買「花藥果」、「開城藥果」同「核桃正果」！如果大家夾到時間，不妨可以喺11:30-13:00去買埋「개성주악（開城傳統糯米冬甩）」~
加多₩10,000-15,000就可以叫職員幫手包裝，仲可以自己揀顔色，韓式傳統包裝睇落夠曬高級同有特色！
韓菓美意識 你好仁寺洞店（한과미의식 안녕인사동점）
- 地址：서울 종로구 인사동길 49
- 營業時間：11:00 - 20:30
- 小Tips：安國站（안국역）6號出口行3分鐘
以上就係小編幫大家整理出嘅最新韓國零食/傳統甜品推薦，大家下次嚟韓國要買手信嘅時候不妨可以參考！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
