廣安里美食 | 李夏亭醬蟹
韓國著名飲食節目PICK！釜山無添加醬油蟹超鮮甜，令人一試愛上！
Hello，大家好，我哋係由韓國人每日提供最新韓國旅行資訊嘅Creatrip。
最近外國人最鍾意嘅韓國美食一定唔少得醬油蟹！可能一開頭大家都會怕，不過一食就會上癮~ 今日就等小編介紹一間喺釜山嘅醬油蟹餐廳俾大家啦！
廣安里「李夏亭醬蟹」資訊
- 地址：부산 수영구 광서로10번길 46
- 營業時間：11:00 - 21:00
- 可預約時間：11:00 - 20:00
- 語言：韓文、中文、英文、日文
廣安里「李夏亭醬蟹」推薦原因
- 曾經上過韓國美食節目，更加被選定為釜山第一間良心餐廳，有信心保證。
- 呢度嘅醬油蟹冇添加任何味精、糖同糖漿，可以食到蟹本身嘅鮮甜！
- 除咗醬油蟹，仲有醬油蝦同鮑魚等等嘅選擇，一次過可以食到幾種海鮮。
- 位於廣安里，附近亦都有地鐵站，地理位置方便！
- 透過我哋預約唔洗排隊等位，每枱仲會送一罐飲品！
廣安里「李夏亭醬蟹」價錢
| 醬油蟹定食 | ₩25,000/人 |
| 辣醬蟹定食 | ₩25,000/人 |
| 醬油蝦定食 | ₩20,000/人 |
| 醬油鮑魚定食 | ₩30,000/人 |
※透過我哋預約每枱即送一罐飲品。
廣安里「李夏亭醬蟹」退款政策
| 預約後至到訪3日前取消 | 全額退款 |
| 到訪2日前取消 | 不設退款 |
廣安里「李夏亭醬蟹」注意事項
- 請最少喺2日前完成預約。
- 如希望加購其他餐點，請喺現場支付所需金額。
- 預約時請確保已選擇正確日期及時間。
- 如果遲到超過10分鐘，預約將自動被取消，屆時將不設退款。
- 如果想更改預約，或者有任何問題，請send email到help@creatrip.com查詢。
廣安里「李夏亭醬蟹」預約流程
| STEP 1. | 撳我預約 |
| STEP 2. | 請填寫所有相關資訊，我哋會喺1-2個工作天內確認預約。 |
| STEP 3. | 當日請準時到達，向職員出示預約記錄。 |
| STEP 4. | Enjoy！ |
廣安里「李夏亭醬蟹」介紹
今日小編要介紹嘅餐廳係位於釜山水營站徒步3分鐘距離嘅「李夏亭醬蟹」，呢度嘅醬油蟹冇添加任何味精、糖同糖漿，可以食到蟹本身嘅鮮甜！「李夏亭醬蟹」更加獲獎無數，有信心保證！
一入到去就會見到牆上掛滿好多證書同藝人簽名！
隔離仲有個櫃係賣鼓油，如果食完覺得好味都可以喺度買返支！
餐廳入面有坐地板同坐枱嘅位。
平時去韓國餐廳食飯好少會鋪枱布，但呢度一落完單就會幫大家鋪，相當衛生。
醬油蟹定食2人份（₩50,000）
小編叫咗2人份，份量相當之多。
啲飯睇落好鬆軟同亮澤，同醬油蟹一齊食真係可以食多幾碗飯。
配菜方面有沙律醬蓮藕、橡子涼粉、菠菜等等。
大醬湯味道煮得啱啱好，唔會太過鹹。
為咗食得方便啲，大家可以先將醬油蟹分一半。
將蟹肉同蟹膏唧落碗飯到，再加鋪頭嘅秘製醬汁撈埋一齊食。
蟹殼可以加啲飯撈埋食。
呢度用嘅蟹都係韓國國產母蟹，所以品質會更加高，價錢嚟講唔算好平，但只要食過一次就會覺得係值！
醬油蝦、醬油蟹、辣醬蟹全部都係呢度嘅招牌Menu，大家一定要用啲汁撈飯食！
呢度仲有醬油鮑魚同醬醃大蝦，亦都有其他韓國美食任君選擇，相信大家一定可以食到超滿足！另外透過我哋預約，每枱更加會送一罐嘢飲，大家唔好錯過啦！
釜山「李夏亭醬蟹」前往方法
喺水營站（수영역）8號出口出。
直行。
喺第一個街口轉左直行。
一直直行。
十字路口之後轉左。
一直直行。
之後就會見到李夏亭醬蟹喺左手邊。
以上係廣安里「李夏亭醬蟹」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
