釜山西面美食 | 肉稿
「田浦食肉」嘅總店原來喺釜山?超高質燒肉 + 酒店式服務包你滿意!
Hello,大家好,我哋係由韓國人每日提供最新韓國旅行資訊嘅Creatrip。
去釜山玩唔知有咩好食?今日就等小編介紹一間釜山燒肉「肉稿」俾大家啦!呢度同普通燒肉店唔同,居然會提供酒店式服務?有興趣嘅朋友們記住要mark低啦!
釜山「肉稿」資訊
- 地址:부산 광역시 부산진구 전포대로 209번길 39-8
- 營業時間:12:00 - 23:00
- 可預約時間:12:30 - 21:00
- 語言:韓文、英文
釜山「肉稿」介紹
今日要介紹嘅美食係位於釜山西面站附近嘅高級燒肉店「肉稿」~ 大家可能冇聽過呢個名,不過一定會聽過最近喺香港超紅嘅「田浦食肉」!其實「田浦食肉」係「肉稿」嘅第一間海外分店,可以喺外國開埋分店就知道唔惹少啦!「肉稿」提供嘅燒肉全部會先用最高級黃金炭同稻草進行第一輪燒製,每一塊肉都充滿炭火香!
一入到去就會見到好多稻草放喺門口。
如果大家怕食燒肉啲油會彈嚟彈去,可以順便先拎圍裙再入座。
餐廳空間夠闊落,完全唔會有平時燒肉鋪嗰種翳焗嘅感覺。
另外Menu韓英對照,而且職員都識講簡單英文,就算唔識韓文都冇問題!
小菜比起其他燒肉鋪多好多,而且連調味料都足足有5款,總有一款你會鍾意。
小編今次去係叫咗原條牛仔骨(600g),真係比想像中大好多!放完肉之後職員會放埋菜一齊燒。
等到差唔多熟,職員就會將肉同骨剪開。
第一次食燒肉,或者唔太識燒都唔需要擔心!「肉稿」另一個優點係職員會全程幫大家燒,包保大家可以食到超juicy嘅肉~
而家諗返都流曬口水!
而且所有配菜都係由呢度嘅廚師親手整,配埋燒肉一齊食真係一流~ 如果大家plan住去釜山玩,非常推薦大家去「肉稿」食返餐高級燒肉!
釜山「肉稿」前往方法
喺西面站地下街(서면역)2號出口出嚟。
直行。
喺第2個街口轉左。
繼續直行。
去到第4個街口轉右。
行前少少就會見到肉稿喺右手邊。
如果有更多想知嘅內容,都可以隨時留言或者dm話俾我哋知:)
Instagram:creatrip.hk
Mail:help@creatrip.com