代訂 | 江華島必去景點包團一日遊
江華島單軌列車、傳統市場、必去Cafe...一日之內帶你去齊江華島必去景點!
Hello,大家好,我哋係由韓國人每日提供最新韓國旅行資訊嘅Creatrip。
唔知道大家有冇聽過江華島呢?誇張啲講句,韓國近現代史有一半都同江華島呢個地方有關,可以話係一個充滿歷史意義嘅地方。今日要介紹嘅行程將會帶大家去江華島嘅必去景點,而且仲係私人包團行程,大家可以放心同家人朋友一齊去玩!
「江華島必去景點包團一日遊」資訊
- 舉辦日期:2023.03.01(星期三) - 2023.12.31(星期日)
- 開團日子:逢星期二至日
- 行程時間:08:00 - 18:00
「江華島必去景點包團一日遊」推薦理由
- 透過獨一無二嘅體驗活動,感受江華島魅力!
- 比起首爾觀光景點,江華島相對上比較清靜,可以同家人朋友好好享受悠閒時光。
- 有機會去傳統市場,體驗韓國傳統飲食文化!
- 行程仲會去埋小倉織物體驗館同天空步道,可以喺另一個角度認識江華島。
「江華島必去景點包團一日遊」價錢
1-7人 (10小時) | 369600 |
※本行程為私人包車行程,最多可以有7個人參加。
「江華島必去景點包團一日遊」退款政策
預約後至出發3日前取消 | 全額退款 |
出發2日前或以後取消 | 不設退款 |
「江華島必去景點包團一日遊」行程表
08:00 | 酒店接送 |
10:00 - 12:00 | 江華島華蓋山單軌列車&天空步道 |
12:05 - 13:30 | 大龍里市場(午餐) |
14:10 - 15:00 | 小倉織物體驗館 |
15:05 - 16:00 | 朝陽紡織Cafe |
18:00 | 到達酒店 |
「江華島必去景點包團一日遊」注意事項
- 請最少喺出發3日前完成預約。
- 價錢只包括來回交通費用。
- 價錢唔包括江華單軌列車車票、餐飲費用、旅遊保險、個人支出。
- 是次行程為私人包車行程(10個鐘),同樣價錢最多可以有7個人參加。
- 預約嘅時候請準確填寫接送地址(只限首爾地區)。
- 司機識用簡單英文溝通,有需要亦可以隨時透過打電話或者用app進行中/英文翻譯。
- 根據韓國道路交通法,未滿6歲小童需要使用汽車安全座椅,如有需要請喺預約嘅時候通知我哋,同時需要支付額外收費。
- 如果行程最終時間超過10小時,需要向司機支付額外費用(每小時₩ 30,000)。
- 禁止未滿24個月幼童及孕婦參加本次行程。
- 行程可能會因交通狀況及景點狀況而有所變動。
- 落雨或者落雪會照常出發,不過如遇上惡劣天氣,行程將會改期或取消,屆時將會進行退款。
- 如果會帶輪椅或BB車,請提前send email到help@creatrip.com話俾我哋知。
- 如果有任何疑問,請send email到help@creatrip.com。
「江華島必去景點包團一日遊」預約流程
STEP 1. | |
STEP 2. | 請詳細輸入所有相關資訊及付款。 |
STEP 3. | 行程當日將會有專車去到你填寫嘅酒店地址進行接送, |
STEP 4. | 出發 |
「江華島必去景點包團一日遊」介紹
江華島華蓋山單軌列車
位於華蓋山嘅「江華島單軌列車」係江華島最受歡迎嘅景點之一,由起點上到觀景台大約需要20分鐘。如果天氣好,喺觀景台可以直接眺望到北韓領土!大家更加可以喺華蓋山嘅散步徑漫步,欣賞一年四季都盛開嘅花草樹木,享受悠閒時光。
大龍里市場
「大龍里市場」係江華島代表市場之一,除咗有賣好多韓國傳統小食,例如糖餅、炸麻花之外,入口有一個睇落好似大型倉庫,叫做Farmer's Market嘅地方。Farmer's Market係一個由江華島農夫同藝術家一齊創建嘅空間,目的係以藝術宣傳江華島特產,促進地區經濟。
小倉織物體驗館
「小倉織物體驗館」前身係一間喺1938年建成嘅韓屋同染色工廠,喺2016年重新裝修之後成為俾參觀人士瞭解江華島以前最繁盛嘅產業—— 小倉織物嘅地方。喺呢度大家可以瞭解江華島紡織產業嘅歷史之餘,更加可以參加茶道同織布工作坊,親身體驗歷史。
朝陽紡織
1933年建立嘅「朝陽紡織」係江華島第一間人造絲綢工廠,紡織業沒落之後曾經一度被廢棄,而家重建成為一間超大型Cafe。入面有好多地方都原封不動咁保留咗以前嘅樣貌,亦都有變身成為美術館同戲院嘅區域,好特別!呢度佔地面積接近1,000平方米,大家可以利用充分時間四周圍參觀,更加可以慢慢嘆杯咖啡~
以上係「江華島必去景點包團一日遊」嘅介紹,有任何問題請先詳讀呢篇文章。
如果睇完之後有任何問題,或者我哋語意、標示唔清嘅話,麻煩請send email告知,以方便我哋改進 。
如果有更多想知嘅內容,都可以隨時留言或者dm話俾我哋知:)
Instagram:creatrip.hk
Mail:help@creatrip.com