濟州溫泉 | 山房山室內碳酸溫泉
全韓稀有碳酸溫泉!就算喺室內都可以浸住relax!
Hyelim Moon
a year ago
Hello,大家好,我哋係由韓國人每日提供最新韓國旅行資訊嘅Creatrip。
碳酸溫泉喺韓國非常罕有,泉水入面充滿二氧化碳同鈉質,可以令人放鬆之餘仲帶有健康同美容效果。而位於濟州嘅「山房山碳酸溫泉」係全韓國最頂級嘅碳酸溫泉,鐘意浸溫泉嘅你千祈唔可以錯過!
濟州 「山房山碳酸溫泉」 資訊
- 地址:제주 서귀포시 안덕면 사계북로41번길 192
- 營業時間:[室內溫泉] 06:00 - 23:00;[露天溫泉] 10:00 - 22:00;[汗蒸幕] 06:00 - 22:00
濟州 「山房山碳酸溫泉」 推薦理由
- 泉水由地下600米深處湧出,係全韓國最頂級嘅碳酸溫泉。
- 浸溫泉嘅同時可以欣賞漢拏山同山房山嘅靚景,享受悠閒時光。
- 全韓國鈉含量最高嘅溫泉,有助治療高血壓,同時帶有美容同放鬆效果,一舉多得。
- 職員會喺凌晨12-3點進行消毒同打掃,而且每日朝早都會換水,唔需要擔心衛生問題。
- 除咗室內溫泉,呢度仲有各式各樣唔同嘅溫泉,梗有一款啱你。
- 溫泉附近有好多出名影山茶花同油菜花嘅Cafe同觀光景點,plan旅行行程更方便!
濟州 「山房山碳酸溫泉」 價格
價格 | |
成人(13歲或以上) | ₩10,200 |
小童(24個月~12歲) | ₩ ₩5,700 |
濟州 「山房山碳酸溫泉」 注意事項
- 本商品為山房山碳酸溫泉室內溫泉專用入場券,想去埋露天溫泉同汗蒸幕嘅話請屆時喺現場付款(露天溫泉 ₩5,000;汗蒸幕 ₩2,000)。
- 露天溫泉為男女混浴溫泉,浸溫泉嘅時候必須穿著泳衣或短袖、短褲等衣物,現場亦有泳衣提供租借(₩2,000)。
- 只會浸室內溫泉嘅人士唔需要另外準備衣物。
- 請自備個人洗漱用具。
- 48個月以上幼童唔可以進入異性浴場。(例:5歲男仔唔可以跟媽媽一齊入女性浴場)
- 請最少喺2人前預訂,你可以買到最近30日內嘅門票。
- 你將會喺購買門票後1-2個工作天收到電子憑證(條碼),可以喺收到之後30日內使用。
- 請留意收到預約憑證之後就冇得退。
- 如果係派一位代表買,亦只會收到一張電子憑證(條碼),所有人需要同時入場。
- 如果希望加購門票,你需要去售票處用原價購買。
- 嚴禁攜帶外來食物及飲品。
- 24個月以下幼童需要帶護照證明身份,方可免費入場。
- 只可以入場一次。
- 預約完之後想更改,或者有任何問題,請send email到help@creatrip.com。
濟州 「山房山碳酸溫泉」 預約流程
STEP 1. | |
STEP 2. | 請詳細輸入所有相關資訊。 |
STEP 3. | 請全額支付。 |
STEP 4. | 我哋會喺1-2個工作天確認訂單, 電子憑證(條碼)可以喺我的頁面或者email搵到。 |
STEP 5. | 收到電子憑證30日內可以自由使用! |
濟州 「山房山碳酸溫泉」 介紹
旅行雖然開心,但難免都會覺得攰。呢個時候就可以嚟到濟州 「山房山碳酸溫泉」,享受全韓國稀有嘅碳酸溫泉,舒緩疲勞。
碳酸溫泉出名有助治療高血壓同心臟疾病,泉水入面嘅二氧化碳會刺激微絲血管擴張,降低血壓,從而減輕心臟負擔。而呢度嘅泉水由地下600米深處取出,平均溫度大約維持喺29-31度,浸5-10分鐘之後就會開始覺得熱。
喺露天溫泉就可以一邊浸住暖笠笠嘅溫泉,一邊欣賞山房山同漢拏山嘅景色,非常寫意!
以上係濟州 「山房山碳酸溫泉」嘅介紹,有任何問題請先詳讀呢篇文章。
如果睇完之後有任何問題,或者我哋語意、標示唔清嘅話,麻煩請send email告知,以方便我哋改進 。
如果有更多想知嘅內容,都可以隨時留言或者dm話俾我哋知:)
Instagram:creatrip.hk
Mail:help@creatrip.com
熱門文章