代訂 | 濟州島「牛島庭園」門票
玩厭咗濟州島？不如去「牛島庭園」享受異國風情啦！
Hyelim Moon
a year ago
Hello，大家好，我哋係由韓國人每日提供最新韓國旅行資訊嘅Creatrip。
濟州島被譽爲韓國嘅夏威夷，相信唔少朋友都有去過。去濟州島玩，其實仲可以搭船去一個叫牛島嘅地方，同濟州島又有唔同嘅魅力！今次要推薦俾大家嘅景點就係位於牛島嘅「牛島庭園」啦，鐘意打卡嘅朋友們記住睇落去！
「牛島庭園」 資訊
- 地址：제주시 우도면 천진길 105
- 營業時間：09:00 - 17:00
「牛島庭園」推薦理由
- 牛島位於濟州島東邊，搭船去都只需要10分鐘，非常方便。
- 牛島庭園位於牛島八景之一嘅珊瑚海水浴場（西濱白沙）附近，可以一次過去曬呢兩個景點。
- 夏天可以睇到繡球花同馬鞭草，而秋天就有粉紅芒草同波斯菊，每個季節都有唔同魅力。
- 可以一邊享受大自然一邊散步，仲有好多打卡位！
- 花園比想像中大，可以喺度停留2-3個鐘，建議大家著運動鞋嚟。
「牛島庭園」門票價格
成人（13歲或以上） | ₩5,000 |
小童（7 - 12歲） | ₩4,000 |
「牛島庭園」注意事項
- 請最少喺出發2日前預訂，你可以買到最近30日內嘅門票。
- 你將會喺購買門票後1-2個工作天收到電子憑證（條碼），可以喺收到之後30日內使用。
- 請留意收到預約憑證之後就冇得退。
- 如果係派一位代表買，亦只會收到一張電子憑證（條碼），所有人需要同時入場。
- 如果希望加購門票，你需要去售票處用原價購買。
- 嚴禁攜帶外來食物及飲品。
- 6歲以下小童需要帶護照證明身份，方可免費入場。
- 只可以入場一次。
- 預約完之後想更改，或者有任何問題，請send email到help@creatrip.com。
「牛島庭園」預約流程
STEP 1. | |
STEP 2. | 請詳細輸入所有相關資訊。 |
STEP 3. | 請全額支付。 |
STEP 4. | 我哋會喺1-2個工作天確認訂單， 電子憑證（條碼）可以喺我的頁面或者email搵到。 |
STEP 5. | 收到電子憑證30日內可以自由使用！ |
「牛島庭園」介紹
牛島位於濟州島附近，好多人去濟州島玩嗰陣都會順便去牛島玩。而「牛島庭園」係最近牛島嘅熱門景點，佔地接近20,000平方米，每個季節都可以睇到唔同植物同風景。
而呢度最出名就係睇繡球花、馬鞭草、粉紅芒草同波斯菊等等色彩鮮艷嘅花，再行高少少嘅話仲可以望埋個海，好似行咗入童話故事咁。
呢度亦都有一個四周圍都係椰子樹，非常有異國風情嘅區域，仲有好多等緊你去發掘嘅地方同打卡位！
以上係「牛島庭園」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
熱門文章
