代訂 | 江陵3日2夜放鬆之旅
工作、學業壓力大,想搵個地方放鬆吓?不如跟我哋去一轉江陵療癒身心靈啦!
Hello,大家好,我哋係由韓國人每日提供最新韓國旅行資訊嘅Creatrip。
好多人喺韓國想睇山睇海都會去江原道玩,而當中江陵係其中一個最出名嘅城市。今次我哋準備咗一個去江陵玩3日2夜嘅行程,會帶大家去齊所有江陵必去景點,有興趣嘅朋友記住要留意啦!
「江陵3日2夜放鬆之旅」資訊
- 開團日子:逢星期一、三、四、五
「江陵3日2夜放鬆之旅」推薦理由
- 行程包括鏡浦湖、安木海邊、烏竹軒、大關嶺等等江陵必去觀光景點,玩盡3日2夜。
- 除咗會參觀韓國偉人申師任堂同李珥嘅故居,亦都會安排大家住一晚韓屋,瞭解韓國歷史,感受傳統氣氛。
- 大家可以喺江陵嘅海邊漫步,或者去海景Cafe放鬆吓,享受悠閒時光。
「江陵3日2夜放鬆之旅」價錢
1人 | 720000 |
「江陵3日2夜放鬆之旅」退款政策
預訂後至出發前31日 | 全額退款 |
出發前21日 | 90%退款 |
出發前11日 | 80%退款 |
出發前3日 | 60%退款 |
出發前2日 | 20%退款 |
「江陵3日2夜放鬆之旅」注意事項
- 是次行程每逢星期一、三、四、五開團。
- 請最少喺出發7日前預約。
- 預約後至出發前31日可以100%退款,其後日子將會按比例退。
- 行程第一晚會安排大家入住江陵船橋莊韓屋,第二晚會入住江陵市內酒店。
- 費用包括專用車輛、導遊費、入場費、體驗費、餐飲費用、住宿費。
- 費用唔包括船橋莊個人體驗費用、烏竹軒入場費、旅遊保險及個人支出。
- 行程可能會因交通及當地狀況而有所改變。
- 如果有任何疑問,請send email到help@creatrip.com。
「江陵3日2夜放鬆之旅」行程表
第一日
09:00 | 光化門站4號出口 |
12:30 | 到達江陵 + 午餐 |
14:00 | 江陵船橋莊療癒體驗 |
16:30 | 參觀江陵船橋莊博物館 + 散步 |
18:00 | 晚餐(傳統韓國菜) |
19:00 | 入住江陵船橋莊後自由休息 |
第二日
09:00 | 早餐 + Check-out |
10:00 | 鏡浦湖 & 蓮花濕地公園 |
12:00 | 午餐 |
13:00 | 烏竹軒 & 市立博物館 |
15:30 | 安木海邊(江陵咖啡街)自由時間 |
17:00 | 晚餐 |
19:30 | 酒店Check-in後自由休息 |
第三日
09:00 | 早餐後集合 |
10:00 | Haslla Art World展覽 & 戶外雕塑公園 |
12:30 | Check-out + 午餐 |
14:00 | 國立大關嶺治癒森林 |
16:00 | 返回首爾 |
19:00 | 到達首爾後解散 |
「江陵3日2夜放鬆之旅」預約流程
STEP 1. | |
STEP 2. | 請詳細輸入所有相關資訊及付款。 我哋會喺1-2個工作天確認訂單。 |
STEP 3. | 請提前10分鐘到達出發地點。 09:00 光化門站4號出口出發 |
STEP 4. | 出發 |
「江陵3日2夜放鬆之旅」介紹
江陵船橋莊
江陵船橋莊係創造韓文嘅世宗大王嘅哥哥孝寧大君後代住嘅地方,喺1967年更加被指定為國家民俗文化財產。300年以來所有嘢都得到完整保存,入面亦都有展出大約300件古代文物,非常有歷史價值。
大家除咗可以喺度散步,欣賞白頭山(長白山)嘅景色,仲可以參加各式各樣嘅體驗活動,例如製作韓國傳統甜品(₩15,000/人)、製作浮橋模型(₩10,000/人)、著韓服(₩10,000/人)等等,充分體驗韓國傳統文化。
鏡浦湖 & 蓮花濕地公園
鏡浦台同鏡浦湖被譽爲關東八大美景,好多人嚟江陵都會去呢度睇海,四周圍嘅樹林更加令鏡浦湖風景睇落更加優美。
蓮花濕地公園位於鏡浦台同鏡浦湖中間,係江原道最有代表性嘅生態觀光景點,非常受遊客歡迎。大家可以喺以下路線之中二選一,或者選擇自由觀光,享受大自然。
A. 濕地生態教育路線(大約需時1個鐘) | 遊客中心 ⇒ 蓮花濕地 ⇒ 乘搭渡船 ⇒ 木橋 ⇒ 蓮花公園 ⇒ 生態學習區 |
B. 蓮花村步行路線(大約需時1個鐘) | 蓮花村入口 ⇒ 甑峰 ⇒ 金蘭亭 ⇒ 鏡浦台 ⇒ 印月寺 ⇒ 放海亭 ⇒ 鏡湖亭 |
烏竹軒
大家可能冇聽過「申師任堂」同「李珥」呢兩個名,不過大家一定知道佢哋咩樣,因為佢哋就係印喺₩50,000同₩5,000紙幣上面嘅人!而烏竹軒就係佢地以前住嘅地方,因為房屋附近種滿烏竹而得其名。喺烏竹韓屋村除咗烏竹軒,大家仲可以參觀祠堂、博物館同室外展覽,瞭解韓國歷史。
安木海邊(江陵咖啡街)
講起江陵,就當然唔少得蔚藍嘅大海啦!安木海邊係江陵市內其中一個最出名嘅海灘,沿住海邊仲有一條咖啡街,每間Cafe都可以睇到海景,真係好療癒㗎!大家可以喺呢度自由享受悠閒時光,無論係沿住海邊散步,定係喺Cafe飲住咖啡欣賞海景,都非常寫意。
Haslla Art World
Haslla Art World係由韓國雕塑家朴信正同崔玉泳喺2003年創立嘅複合藝術空間,佔地超過100,000平方米,參觀人士可以用東海做背景,喺大自然環境入面欣賞藝術作品。園區入面有酒店、戶外雕塑公園、現代美術館、小木偶美術館、餐廳、海景Cafe等等嘅空間,等緊大家去影相打卡!
大關嶺
大關嶺係全韓國第一個自然休養林,提供各種療癒體驗活動,令大家可以暫時離開煩囂,享受森林浴,放鬆身心。
以上係「江陵3日2夜放鬆之旅」嘅介紹,有任何問題請先詳讀呢篇文章。
如果睇完之後有任何問題,或者我哋語意、標示唔清嘅話,麻煩請send email告知,以方便我哋改進 。
如果有更多想知嘅內容,都可以隨時留言或者dm話俾我哋知:)
Instagram:creatrip.hk
Mail:help@creatrip.com