代訂 | 慶尚北道2日1夜行程（大邱出發）
2日1夜玩轉慶尚北道！「大邱+安東」、「大邱+慶州」行程任你揀！
Hello，大家好，我哋係由韓國人每日提供最新韓國旅行資訊嘅Creatrip。
嚟韓國玩咗咁多次，大家又有冇去過慶尚北道玩呢？今日小編就打算介紹一個慶尚北道嘅2日1夜行程俾大家！玩厭咗首爾，想去韓國其他城市旅行嘅朋友們唔好錯過啦！
「慶尚北道2日1夜行程」資訊
- 以下行程二選一
- 伊莉莎白二世女王行程 [大邱 + 安東]
- 千年古都行程 [大邱 + 慶州]
「慶尚北道2日1夜行程」推薦理由
- 可以選擇「大邱 + 安東」或者「大邱 + 慶州」行程，到訪當地著名景點，自由度高。
- 安東行程：將會到訪伊莉莎白二世女王喺1999年訪問韓國當時去過嘅景點。
- 慶州行程：慶州係韓國新羅時代嘅首都，四周圍都係蘊含韓國1,000年歷史嘅聯合國世界遺產同景點，非常有歷史價值。
- 大家可以透過呢次行程對韓國歷史同傳統有更深嘅認識，喺另一個角度感受韓國嘅魅力。
- 行程包括交通接駁服務，唔需要好似自由行咁搵路搭車，方便快捷。
「慶尚北道2日1夜行程」價錢
1人 | 580000 |
2人或以上 | 380000/人 |
「慶尚北道2日1夜行程」退款政策
預訂後至出發前11日 | 全額退款 |
出發前8日 | 80%退款 |
出發前6日 | 70%退款 |
出發前4日 | 60%退款 |
出發前3日 | 50%退款 |
出發前2日、遲到、出發當日冇去 | 不設退款 |
「慶尚北道2日1夜行程」注意事項
- 請最少喺出發7日前預約。
- 是次行程為期2日1夜，參加人士可以選擇參加「伊莉莎白二世女王行程（大邱 + 安東）」或「千年古都行程（大邱 + 慶州）」。
- 預約時請填寫接送地點（大邱市內地鐵站或酒店），屆時將有接駁車輛前往該處進行接送。
- 預約後至出發前11日可以100%退款，其後日子將會按比例退。
- 如果報名人數少於4人，將會安排5人車進行接送。
- 行程將安排入住大邱Noble Stay酒店或同級酒店雙人房。
- 如觀光景點內有免費翻譯人員，將會安排翻譯服務。
- 行程可以進行改動，但必須事先通知司機及商討。
- 費用包括景點入場費、午餐（韓國菜/炸雞）、零食（水及小食）、晚餐（韓國菜）、專用車輛及司機。
- 費用唔包括旅遊保險及個人支出。
- 行程可能會因天氣及交通狀況而有所改變。
- 如果有任何疑問，請send email到help@creatrip.com。
「慶尚北道2日1夜行程」行程表
[第一日（安東 OR 慶州）]
選項1. 伊莉莎白二世女王行程 [安東]
09:00 | 指定地點上車後前往安東 |
11:00 | 鳳停寺 |
12:00 | 芙蓉臺 |
13:00 | 午餐（韓國菜） |
14:00 | 河回村 |
16:00 | Cafe Evergreen |
19:00 | 晚餐（韓國菜）+ 前往住宿 |
選項2. 千年古都行程 [慶州]
09:00 | 指定地點上車後前往慶州 |
11:00 | 石窟庵 |
13:00 | 午餐（韓國菜） |
14:00 | 佛國寺 |
國立慶州博物館 | |
瞻星臺 | |
19:30 | 前往大邱 + 晚餐（韓國菜） |
到達住宿 |
[第二日 (大邱)]
09:00 | 享用酒店早餐後於大堂集合 |
10:00 | 桐華寺 |
八公山纜車 | |
13:00 | 噹噹炸雞樂園（製作炸雞體驗 + 午餐） |
15:00 | 鳳舞蝴蝶生態園 |
17:00 | 西門市場 |
自由解散，行程結束 |
「慶尚北道2日1夜行程」預約流程
STEP 1. | |
STEP 2. | 請詳細輸入所有相關資訊及付款。 我哋會喺1-2個工作天確認訂單。 |
STEP 3. | 請提前10分鐘到達接送地點。 |
STEP 4. | 出發 |
「慶尚北道2日1夜行程」介紹
第一日
選項 1. 伊莉莎白二世女王行程 [安東]
鳳停寺
鳳停寺喺韓國新羅時期672年建立而成，因為間寺廟就好似一隻鳳凰停咗喺度咁，所以就叫「鳳停寺」。而入面嘅極樂殿更加係韓國最古老嘅木造建築物，非常有歷史意義。伊莉莎白二世女王亦都曾經喺1999年4月到訪過呢度！
芙蓉臺
芙蓉臺位於韓國主要山脈之一 —— 「太白山脈」嘅尾端，大家可以喺64米高嘅懸崖上一眼望曬洛東江同河回村嘅全景，非常震撼。
河回村
河回村係韓國豊山柳氏嘅村落，被聯合國指定為世界遺產，非常有傳統價值，有好多韓國人嚟安東嘅時候都會嚟埋呢度參觀。而伊莉莎白二世女王亦都曾經喺1999年4月到訪過呢度㗎！
選項2. 千年古都行程 [慶州]
石窟庵
石窟庵喺韓國新羅時期751年開始施工，用咗23年興建而成。最特別嘅地方在於圓形構造嘅主室使用咗超過360嚿石頭堆砌而成，係當時全世界第一個使用呢種技術嘅建築。石窟庵亦都被指定為聯合國世界文化遺產，嚟到慶州當然要嚟參觀一吓。
佛國寺
去慶州旅行，當然唔少得參觀佛國寺啦！佛國寺喺韓國新羅時期528年進行興建，喺751年再重新加建咗石塔同石橋。呢度亦都被聯合國指定為世界文化遺產，大家嚟到記住要好好欣賞寺廟、石塔同石橋，加埋四周圍大自然嘅風景啦！
國立慶州博物館
大家嚟到國立慶州博物館，可以一次過睇曬韓國新羅時期1,000年嘅歷史。呢度主要展出喺慶州同慶尚北道地區發掘出嚟嘅文物，最特別嘅要數到慶州最有代表性嘅文物 ——「金冠」，對歷史有興趣嘅朋友們一定會鍾意呢度！
瞻星臺
瞻星臺係韓國第31號國寶，喺善德女王時期（632年-647年）建立而成。利用362嚿高30cm嘅石頭堆砌而成嘅瞻星臺總共有27層，以前啲人會喺呢度觀察星象。至今無論係韓國人定遊客，嚟到慶州都一定會嚟呢度參觀。
第二日 [大邱]
桐華寺
根據歷史記載，桐華寺喺832年興建而成，亦被指定為東亞10大觀光景點之一，有歷史價值之餘建築同風景都非常優美。大家可以喺度欣賞到全世界最大嘅石造佛像 ——「藥師如來大佛」同其他文化遺產，嚟到大邱一定要嚟參觀！
八公山纜車
上到八公山海拔800米高嘅位置，大家除咗可以呼吸新鮮空氣，享受四周圍被松樹包圍嘅感覺之餘，仲可以去搭纜車，俯瞰大邱同八公山嘅景色。
西門市場
西門市場係韓國朝鮮時代三大市場之一，經歷過大大小小嘅戰爭之後仍然屹立不倒，歷史非常悠久。喺西門市場你可以搵到各式各樣嘅大邱美食，仲可以買啲手信翻去同家人朋友開心share𠻹！
而西門市場附近仲有BTS成員V嘅母校——大城小學，BTS嘅fans們可以趁機去埋睇V嘅壁畫，打卡影相留念！
以上係「慶尚北道2日1夜行程」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
