東大門美食|肉典食堂
原來韓國第一間燒肉店係喺新設洞?厚切五花肉同梅頭豬,食完一次即愛上!
Hello,大家好,我哋係由韓國人每日提供最新韓國旅行資訊嘅Creatrip。
嚟韓國玩點可以唔食返餐燒肉啊!但喺第一次嚟韓國唔知道去邊度先可以食到正宗嘅韓國燒肉?或者嚟親都係食嗰兩三間?咁就要留意今日小編準備介紹嘅「肉典食堂」啦!
東大門「肉典食堂」資訊
肉典食堂1號店
- 地址:서울 동대문구 난계로30길 16
- 營業時間:11:00 - 22:00(Break Time 15:00 - 16:00、Last Order 21:00)
- 可預約時間:11:00 - 18:00
肉典食堂3號店
- 地址:서울 동대문구 천호대로 38
- 營業時間:11:00 - 23:00(Last Order 21:50)
- 可預約時間:11:00 - 18:00
東大門「肉典食堂」推薦原因
- 所有肉都超厚同夠肉汁,令人一試愛上!
- 肉典食堂係韓國第一間鐵板燒肉店,所有職員都經驗豐富,燒得啱啱好!
- 上過韓國電視節目,連韓國人都會專程嚟食!
- 除咗燒肉之外,呢度仲有冷麵等主食,而且每間分店Menu都唔同,可以食盡各款韓國美食!
東大門「肉典食堂」Creatrip優惠
優惠#1 獨家贈品
- 1號店:預約2點前時段,即送甜米露刨冰
- 3號店:預約3點前時段,即送4隻餃子
優惠#2 獨家套餐優惠
- 預約Creatrip獨家套餐即可享優惠價
東大門「肉典食堂」價錢
Menu | 價錢 |
---|---|
厚切梅頭豬(150g) 통목살 150g | ₩18,000 (18000) |
厚切五花肉(150g) 통삼겹살 150g | ₩18,000 (18000) |
豬頸肉(150g) 항정살 130g | ₩18,000 (18000) |
濟州五花肉(170g) 제주오겹살 170g | ₩20,000 (20000) |
梅頭豬套餐(1-2人) [梅頭豬2人份、泡菜湯/大醬湯擇一、芝士炒飯] 1~2인 목살 set [목살2인분 + 찌개 (김치/된장 택1) + 볶음밥(치즈)] | ₩47,000 (47000) |
五花肉套餐(1-2人) [五花肉2人份、泡菜湯/大醬湯擇一、芝士炒飯] 1~2인 삼겹 set (삼겹2인분 + 찌개 (김치/된장 택1) + 볶음밥(치즈) | ₩47,000 (47000) |
3-4人套餐 [五花肉2人份、梅頭豬2人份、泡菜湯/大醬湯擇一、芝士炒飯、每人一支泰國勝獅梳打水] 3~4인 set (삼겹2인분 + 목살2인분 + 찌개 (김치/된장 택1) + 볶음밥(치즈) + 싱하소다 인원수에 맞게 증정 | ₩93,000 (93000) |
東大門「肉典食堂」退款政策
預約後至到訪3日前取消 | 全額退款 |
到訪2日前或其後取消 | 不設退款 |
東大門「肉典食堂」注意事項
- 請最少喺3日前完成預約,你亦可以喺60日前進行預約。
- 如果單叫燒肉類,需要按人頭點餐。
- 接受1人預約,不過需要預約2人份或以上。
- 請準時到達,如果遲到超過10分鐘預約將自動取消。
- 只接受出發3日前取消預約及申請退款,其後恕不受理。
- 嚴禁攜帶外來食物及飲品。
- 如需更改預約,或有任何疑問,請send email到help@creatrip.com查詢。
東大門「肉典食堂」預約流程
STEP 1. | |
STEP 2. | 請詳細輸入所有相關資訊及付款, 我哋會喺1-2個工作天內確認預約 (如果需要更改日期/時間我哋會另外通知你)。 |
STEP 3. | 體驗當日請準時到達,向職員出示預約記錄。 |
STEP 4. | Enjoy! |
東大門「肉典食堂」介紹
「肉典食堂」曾經上過韓國最出名嘅飲食節目《週三美食匯(수요미식회)》,亦都被韓國米芝蓮“Blue Ribbon”選定為推薦餐廳!小編首先嚟到位於新設洞站附近嘅1號店,亦都係「肉典食堂」嘅總店!
餐廳環境乾淨闊落,裝修俾人一種懷舊嘅感覺!
「肉典食堂」每間分店嘅Menu都會有少少唔同,所以就算去多幾次都可以食到新嘢。
而1號店嘅限定Menu就有水蘿蔔泡菜冷麵、辣拌冷麵同甜米露刨冰,仲有特別燒酒&啤酒同Highball調酒!
水蘿蔔泡菜冷麵口感煙韌,味道清新爽口,唔會太濃味,同燒肉好夾!
辣拌冷麵嘅醬料係由「肉典食堂」秘製而成,而且超足料,推薦大家可以加少少水泡菜湯落去,會更加易入口!
最後呢款甜米露刨冰用「肉典食堂」自家製甜米露整成,平時嘅刨冰因為係用水,所以一融就會變淡,不過呢款刨冰就完全唔會!加埋超多紅豆、煉奶、黃豆粉年糕同雪糕,好啱食完飯之後做甜品,而家透過Creatrip預約2點前時段仲可以免費食到!
因為小編喺1號店食得太滋味,所以過幾日之後就另外再同朋友去咗3號店XD
3號店規模大過1號店,就算係一大班人嚟開餐都冇問題。
「肉典食堂」3號店最特別嘅係有一個Highball製造區同Photo Zone,裝修都比較新潮!
有好多明星都有喺度留低佢哋嘅簽名,可能你本命都有嚟過!
首先職員會幫大家上小菜,呢度嘅小菜大部份都唔辣,所以就算大家好似小編咁唔太食得辣都冇問題!另外因為有好多款醬料,職員會好nice咁介紹每款sauce,更加會推薦唔同嘅配搭俾大家!
小編同朋友叫咗厚切梅頭豬、豬頸肉、大醬湯同泡菜湯,仲有3號店限定嘅兩款酒,包括係用SUNTORY威士忌同濟州柑橘整成嘅YOUNGHOON BALL,同用檸檬柚子調配而成嘅YOUNGHOON SUNSET Highball!前者酒味比較濃,不過飲一啖就可以可以解膩;後者比較易入口,酸酸甜甜好似飲緊果汁味汽水咁!
職員會由頭到尾幫大家燒肉,包保大家可以食到最juicy最好味嘅燒肉!
職員推薦小編食第一塊肉嘅時候先齋點鹽,咁食可以試到豬肉最原本嘅味道!小編想講可能因為係厚切肉,呢度嘅梅頭肉真係超juicy,而且外面燒到金黃色勁香口!
而小編食燒肉嘅時候最鍾意用呢款叫명이나물(茗荑葉)嘅配菜包住食,酸酸甜甜可以解膩!
豬頸肉口感特別,推薦大家可以點咖喱粉同辣醬食,油脂配上醬料好惹味!
韓國人食燒肉一定會配大醬湯或者泡菜湯,雖然泡菜湯睇落紅卜卜好似好辣咁,但係味道比想像中溫和,反而可以解膩!
食完燒肉點少得炒飯!呢度嘅炒飯會加埋秘製醬汁一齊炒,再加埋芝士真係勁邪惡!
「肉典食堂」3號店嘅限定Menu仲有以上三款蕎麥冷麵,由左到右包括係紫蘇油蕎麥冷麵、蕎麥水冷麵同蕎麥辣拌冷麵!
紫蘇油蕎麥冷麵味道係3款之中最特別嘅,因為唔會太鹹,所以就咁食都好好味;蕎麥水冷麵配埋青瓜同梨絲,味道更加清新;蕎麥辣拌冷麵酸酸甜甜,食肉食到覺得好漏嘅時候食就啱曬啦!
最後食埋限定嘅椰子雪糕Affogato做甜品,為呢餐畫上一個完美句號!而家透過Creatrip預約3點前時段仲會送餃子,記住唔好錯過啦!
東大門「肉典食堂」前往方法
肉典食堂一號店
新設洞站(신설동역)10號出口出。
向出口反方向行,過斑馬線之後轉右。
直行。
見到7-11之後轉左。
咁就去到肉典食堂一號店啦!
肉典食堂三號店
新設洞站(신설동역)9號出口出。
直行然後過馬路。
再行前少少就會見到肉典食堂三號店!
以上係東大門「肉典食堂」嘅介紹,有任何問題請先詳讀呢篇文章。
如果睇完之後有任何問題,或者我哋語意、標示唔清嘅話,麻煩請send email告知,以方便我哋改進 。
如果有更多想知嘅內容,都可以隨時留言或者dm話俾我哋知:)
Instagram:creatrip.hk
Mail:help@creatrip.com