Hello，大家好，我哋係由韓國人每日提供最新韓國旅行資訊嘅Creatrip。

每個國家都會有佢哋傳統醫學，韓國亦都唔例外。韓國傳統醫學嘅源頭可以追溯到史前時代，歷史非常悠久。

喺韓國醫學嘅角度，人分成四種體質，統稱為「四象體質」，而每種體質嘅身體屬性都唔同，飲食同生活方面都各自有需要注意嘅地方。除此之外，韓國人會根據自己嘅體質進行針灸，或者會食適合自己嘅韓藥去調理身體。想更加瞭解自己嘅體質，調理身體，或者對韓藥有興趣嘅朋友，可以參加呢個係大邱舉辦嘅韓醫之旅，體驗一吓傳統韓國醫學嘅魅力！

「大邱韓藥一日遊」資訊 

• 地點：대구 수성구 신청동로 136
• 時間：平日出團

「大邱韓藥一日遊」推薦理由

• 唔單止可以透過韓醫診斷知道自己屬於邊種四象體質，醫師仲會根據診斷結果準備專屬你嘅韓藥同午餐。
• 可以選擇享受足浴Spa，或者製作韓藥香包，放鬆身心。
• 一日遊行程仲包埋搭前山纜車同參觀西門市場，玩轉大邱呢個韓國大城市。

「大邱韓藥一日遊」價格

「大邱韓藥一日遊」退款政策

「大邱韓藥一日遊」行程表

「大邱韓藥一日遊」注意事項

• 請至少喺出發前3日預約。
• 唔同日子取消，可以退還嘅金額都唔同，請參考退款政策。
• 接送地點只可以係大邱範圍内嘅地鐵站或者酒店。
• 行程安排可能會因當日交通狀況而有所變動。
• 24 個月以下幼兒免費，但唔會另外提供座位。
• 到達景點之後係自由活動時間，請喺約定嘅時間翻到集合地點。
• 如果需要導遊，請send email到help@creatrip.com申請。（導遊費：₩300,000/日）
• 一日遊價格包含根據體質度身訂造嘅午餐、景點門票、接駁車、司機。
• 一日遊價格内唔包含四象體質診斷費用、旅遊保險、個人消費。
• 一日遊會喺西門市場結束，請事先搵好翻酒店或者住宿嘅方法。
• 如有任何疑問，請 send email到 help@creatrip.com查詢。

「大邱韓藥一日遊」預約流程

「大邱韓藥一日遊」介紹

大邱韓方醫院

最近開始關注韓國文化嘅人變多，除咗K-pop、韓劇之外，韓方產品同韓藥亦都係其中一個越嚟越多人有興趣嘅範疇，每年都有唔少外國人會慕名而嚟，體驗吓用溫和嘅方式去調理身體同改善疾病。

呢次一日遊嘅第一站係大邱韓方醫院。到咗醫院之後，專業嘅韓醫師會為大家進行體質診斷，根據結果仲會為大家準備韓藥，俾大家調理吓身體。大家亦都可以選擇參觀大邱藥令市韓方醫學博物館，瞭解韓國傳統醫學。

※ 如果當日大邱韓方醫院冇開，我哋會安排大家去另一間韓醫院進行診斷。

知道自己屬於咩體質，喺飲食方面需要注意啲咩之後，大家攞完處方韓藥就可以嚟到大邱韓醫大學入面嘅Haany Medi-Kitchen享用度身訂造嘅四象體質餐啦。

大邱韓醫大學韓鶴村Cafe

食完飯之後，大家就會嚟到韓鶴村Cafe。雖然個名叫Cafe，但其實呢度係一間傳統茶館，裝修非常古色古香，加上四周圍嘅大自然風光，有種遠離塵囂嘅感覺。大家可以喺呢度飲翻杯茶，享受寫意嘅時光。

東醫韓方村

嚟到東醫韓方村，大家可以修甲、Gel甲，仲可以做個足部Spa或者整翻個韓藥香包帶翻屋企。

前山纜車

前山係大邱最出名嘅一座山，而位於前山嘅前山觀景台仲被選為百大韓國觀光景點之一。一場嚟到就梗係要搭埋纜車，喺高空度欣賞吓前山同埋成個大邱嘅靚景啦！

西門市場比首爾大部分傳統市場大，入面有齊小食、生活用品、乾貨等等，係大邱人經常都會去嘅傳統市場。

大家都知道韓國每個地區嘅嘢食都有佢哋嘅特色，喺西門市場你可以搵到各式各樣嘅大邱美食，仲可以買啲手信翻去同家人朋友開心share𠻹！

大邱韓藥一日遊｜撳我預約

 網上付款Q&A

以上係「大邱韓藥一日遊」嘅介紹，有任何問題請先詳讀呢篇文章。

如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。

如果有更多想知嘅內容，都可以隨時dm話俾我哋知：）

 Instagram：creatrip.hk

 Facebook：Creatrip 帶你認識韓國每一面 

 韓國代購