《白種元的胡同餐館》出現過嘅餐廳
跟住《白種元的胡同餐館》出現過嘅餐廳一齊去打卡！想之後嚟韓國食餐好，就要save底啦！
Hello，大家好，我哋係由韓國人每日提供最新韓國旅行資訊嘅Creatrip。
唔知大家有冇睇開韓綜《白種元的胡同餐館》呢？每一集都會帶大家去唔同小巷去幫助一啲餐廳，今日小編整理咗幾間，如果去旅行鍾意食嘢嘅你，咁就一定唔可以錯過啦！
《白種元的胡同餐館》出現過嘅餐廳
1. 兜風on小章魚（소풍on주꾸미）
地址：강원철원군 갈말읍 삼부연로17번길 3-9
營業時間：11:00 - 20:00、Break Time 14:00 - 15:00、逢星期日休息
Menu：辣炒小章魚套餐（주꾸미볶음세트）₩11,000
第一個想同大家介紹嘅就係「鐵原篇」小巷隱藏美食「兜風on小章魚」，佢除咗有辣炒章魚之外，仲有菜飯同青口湯，份量咁多都只係需要₩11,000！當時Somi示範咗用紫菜包住辣炒章魚，睇落超好味！建議如果大家平日去，最好係中午12點前或1點之後，如果唔係就會好多人。
2. 一運忠武紫菜包飯（일운충무김밥）
地址：경남 거제시 일운면 지세포 4길 12
營業時間：10:00 - 19:00（ 材料賣哂就會提早閂門、放假嘅日子唔定時）
Menu：忠武紫菜包飯（충무김밥）₩5,000、 巨濟紫菜包飯（거제김밥） ₩5,500
大家知唔知忠武紫菜包飯一開始係為漁民整嘅食物呢？用咗紫菜去包住啲飯，喺隔離放咗啲泡菜、魚糕、醃蘿蔔等小菜，比起用筷子食，係用咗牙籤去取代！喺第58集，SEVENTEEN成員Vernon就同珉奎由首爾揸4個半鐘車去到巨濟食！
3. On Table
地址：경기 고양시 일산동구 숲속마을2로 70-1
營業時間：11:00 - 21:00、Break Time 15:00 - 17:00
Menu：牛肉芝麻葉忌廉意粉（우삼겹 깻잎 크림파스타） ₩12,400 /營業韭菜卡邦尼意粉（영양부추 까르보나라）₩11,400
喺第177集入面，少女時代俞利同孝淵就有大讚呢間餐廳，當中佢哋食嘅「牛肉芝麻葉忌廉意粉」係可以同時感受東西方味道，孝淵甚至仲話：「每日食都得！」，大家又會唔會想試吓呢？
4. 17 Pizza（17피자）
地址：서울 동대문구 회기로 21길 22
營業時間： 11:30 - 20:30、逢星期日休息
Menu：明太子Pizza（리코타 명란 피자）₩9,500 / Gambas Pizza（감바스피자） ₩15,000
喺第53集，白種元同車銀優就去咗回基一間Pizza餐廳，之前小編都有去打卡添！即使病緊都要堅持食Pizza嘅車銀優仲講過，咁多款Pizza當中佢最鍾意食明太子口味。
5. Ttianang（띠아낭）
地址：서울 강서구 화곡로 64길 72 1층 띠아낭
營業時間：11:00 - 21:00、逢星期日休息
Menu：牛胸肉河粉（양지 쌀국수）₩8,000 / 牛胸肉&牛胃河粉（양지&깐양 쌀국수）₩8,000
喺第160集，演員李善彬就因為食牛胸肉河粉食到超好味，而令到大家都好想食！因為喺韓國賣牛胃嘅地方唔多，但呢度竟然有，而且份量仲俾得多，超推薦大家一定要去試吓！
6. 軍浦王豬腳（군포왕족발）
地址：경기 군포시 산본로179번길 23 1층
營業時間：11:30 - 22:00、每月第一個星期日、第三個同第四個星期三休息
Menu：王豬腳（大）（왕족발(대)） ₩27,000 / 所有內臟（모둠내장）₩15,000
唔知大家鍾唔鍾意食豬腳呢？呢間 軍浦王豬腳除咗有豬腳之外，仲有所有內臟賣，雖然只係聽識內阻未必係人都接受，不過當日嘉賓安普賢就有講到呢度冇咩腥味，係令人會想飲返杯燒酒！
7. 大大小小馬鈴薯糰子（옹기종기 감자옹심이）
地址：서울특별시 구로구 서해안로30길 13-8 1층
營業時間：11:30 - 00:00、逢星期六休息
Menu：薯仔糯米糰（감자만 옹심이） ₩9,000 / 蕎麥拌麵（메밀비빔막국수） 8,000원
薯仔糯米糰係將薯仔磨碎後浸喺水入面，去除雜質搓成麵團。小編推薦大家如果之後嚟韓國一定要試一次！唔少年青人都鍾意，就連當紅女團ITZY都鍾意食！
8. 鰍家泥鰍湯（추가추어탕）
地址：서울 강서구 양천로 60길 60 108호
營業時間：11:00 - 20:00、逢星期日休息
Menu： 泥鰍湯（추어탕） ₩7,000
唔知大家有冇試過泥鰍湯呢？雖然聽個名未必係人人接受，不過其實食嘅時候唔會見到泥鰍，煮嘅時候已經將佢哋磨成粉，熱辣辣好好味，當時第160集請咗Wanna One 智聖同在奐，第一次食泥鰍湯嘅智聖都話會陷入佢嘅魅力之中。
9. Hoya家鐵板辣炒雞扒（호야네 철판 닭갈비）
地址：서울 강동구 진황도로 47길 67
營業時間：11:30 - 23:00、Break Time 15:00 - 17:00
Menu：五對五辣炒雞扒（오대오닭갈비） ₩9,000
當時呢間餐廳白種元邀請埋宣美一齊去試食，原本呢度只係整炸醬炒雞扒，但白老師建議加埋原味醬一齊煮，即刻吸引咗好多人去試！
10. HELLO（헬로）
地址：서울 도봉구 도봉로 110아길 19
營業時間：11:30 - 21:00、Break Time 15:00 - 17:30
Menu：蕃茄牛肉丸意粉（미트볼 토마토 파스타）₩9,900 / Arancini忌廉意粉（아란치니 크림 파스타）₩9,900
喺第131氣，白種元請嚟李昇基，呢度出名就係牛肉球會放好多芝士整成圓形，當時李昇基仲話呢度附近冇咩意大利菜，而家可以食到好開心咁話！
11. 長壽食堂（장수식당）
地址：서울 성북구 정릉로 26길 55
營業時間：11:00 - 16:00、每月第一個星期一同日休息
Menu：豬肉淸國醬湯（고기청국장 ）₩7,000 / 鯷魚淸國醬湯（멸치청국장）₩7,000원 / 辣炒豬肉（제육볶음）₩7,000
大家之前有冇食過清國醬湯呢？如果未，大家之後一定要試吓呢間長壽食堂啦！就連MAMAMOO玟星食哂成碗添！不過因為佢營業時間唔長，大家想去之前一定要Check清楚！
12. Donka（돈카）
地址：서울 서대문구 포방터길 43
營業時間：平日 11:00 - 21:30、週末 12:00 - 21:00、Break time 15:00 - 17:00
Menu：里肌肉豬扒（등심카츠）₩7,000 / 芝士豬扒（치즈카츠）₩8,000 / 咖喱烏冬（카레우동）₩6,500
只要講到炸豬扒，令人會諗到嘅藝人一定係Swings，佢仲講過話係佢食過之中最好味嘅炸豬扒！由第44集介紹完之後，而家想食每一次都要排隊，甚至佢哋仲有啲炸豬扒係限定發售，朝早9:30就要去拎飛添！
大家睇完之後有冇邊一間你之後都會想去食呢？歡迎留言話俾小編知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
