明洞美食 | 咸草醬蟹
自家特製鹹草醬油！喺明洞就可以體驗到傳統韓國醬油蟹！
Hello，大家好，我哋係由韓國每日提供最新韓國旅行資訊嘅Creatrip。
好多遊客嚟韓國玩都一定會去食醬油蟹，而網上都有唔少介紹！今日就等小編帶大家去一間位於明洞，又比較特別嘅醬油蟹專門店試吓呢款韓國特色美食啦！
用埋明洞美食優惠券更加可享雙重優惠！
香港人飛韓國玩一定會去明洞，而明洞除咗可以行街掃貨，其實仲有超多高質餐廳同Cafe！而家只要有一套明洞美食優惠券，即可享有16間餐廳&Cafe嘅獨家優惠同免費贈品！
「咸草醬蟹」優惠：送每人1隻醬油蝦
明洞美食優惠券 | ₩4,000 (4000) |
明洞「咸草醬蟹」資訊
- 地址：서울 중구 명동8가길 27 B1F
- 營業時間：11:30 - 22:00
- 語言：韓文、日文
明洞「咸草醬蟹」推薦原因
- 呢度嘅醬油蟹係用鹹草醬油醃製而成，鹹草含有豐富嘅礦物質，加上濃厚醬油香，好味得嚟對健康有益！
- 蟹夠新鮮，而且醬油調味夠惹味，撈飯食一流！
- 曾經上過韓國電視節目，味道有保證！
- 位於明洞中心地區，交通夠曬方便！
- Download埋我哋嘅coupon仲可以免費得到一罐飲品！
明洞「咸草醬蟹」價錢
| 醬油蟹 / 辣醬蟹 | 1隻 | ₩43,000 |
2隻 | ₩85,000 | |
3隻 | ₩127,000 | |
醬油蝦（14隻） | ₩40,000 | |
※2023年11月價錢
明洞「咸草醬蟹」優惠及注意事項
- 出示優惠券每枱即可獲得1罐免費飲品。
- 本優惠券只限於「咸草醬油蟹」使用。
- 需要喺點餐後使用。
- 唔需要事先預約。
- 如果用coupon嘅時候有任何疑問，可以send email到help@creatrip.com查詢。
明洞「咸草醬蟹」介紹
小編本身都好鍾意食醬油蟹，今日決定嚟位於明洞站附近嘅醬油蟹老字號「咸草醬蟹」食飯！呢度嘅醬油蟹係用鹹草醬油醃製而成，同出面嘅醬油蟹好唔同，每日都吸引唔少韓國人同遊客嚟食！
入到去就會見到呢度裝修非常有韓國傳統餐廳嘅感覺，亦都分開坐地下嘅位同坐櫈嘅位，小編當日大約下晝4點到，就算唔係食飯時間都見到有唔少外國人嚟食醬油蟹！
餐廳入面仲有一部電視播住影片教大家點食醬油蟹，小編都真係第一次見XD
叫完嘢食職員就會即刻幫大家上小菜，有泡菜、涼拌韭菜、紫菜、芽菜等等，真係有超多款！
主菜登場啦！今日小編同朋友叫咗醬油蟹同醬油蝦，見到都流曬口水XD
醬油蟹（3隻）
每隻醬油蟹都有好多膏！而且平時去食其他醬油蟹，有時候得個蟹身有肉，蟹腳會好削，但呢度每隻蟹腳入面蟹肉都好飽滿！
食醬油蟹嘅時候小編鍾意先將蟹肉唧落飯度，然後再𢳂少少醬油撈勻食。
當然唔少得要撈埋蟹蓋入面嘅蟹黃啦！撈之前記住要先將所有膏同肉撩曬出嚟，然後放白飯落蟹蓋，加少少醬油撈勻，真係瞬間就可以食完一碗飯！
醬油蝦
醬油蝦方面，每隻蝦都好多肉，而且望落好晶瑩剔透，夠曬新鮮，另外店員會準備好手套等大家可以戴住嚟搣蝦殼~ 雖然醬油蝦同醬油蟹係用同一款鹹草醬油，但係兩款menu都各有魅力，重點係全部都好送飯！
去之前download埋Creatrip優惠券，仲可以每枱得到一罐飲品添啊（記住要叫咗嘢食先）！
想試食韓國醬油蟹，或者已經食過曬其他網上推薦嘅餐廳嘅話，小編推薦大家可以嚟明洞「咸草醬蟹」，試吓用特製鹹草醬油醃製而成嘅醬油蟹/蝦啦！
明洞「咸草醬蟹」前往方法
喺明洞站（명동역）8號出口出。
喺第一個路口轉左。
直行。
第一個路口轉右。
直行之後你會見到前面有個商場。
行前少少你會見到呢條樓梯，隔離亦都有「咸草醬蟹」嘅招牌。
落樓梯，然後轉右。
咁就去到「咸草醬蟹」啦！
點先可以享有明洞「咸草醬蟹」優惠？
現場消費Click下面網址下載Creatrip專屬優惠券，出示俾店員睇即可享有獨家優惠。
以上係明洞「咸草醬蟹」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
