Hello，大家好，我哋係由韓國人每日提供最新韓國旅行資訊嘅Creatrip。

唔知道大家鍾唔鍾意食粥呢？韓國粥同香港粥雖然唔太一樣，不過有時候食得太多重口味嘅嘢食，都會想食返餐清淡啲嘅，呢個時候小編就會去食粥！今日就等小編介紹一間位於明洞嘅粥店俾大家啦！

 明洞吃喝玩樂優惠券

Creatrip Solo Foodie Pass  

為咗咁多位獨遊韓國嘅朋友們都可以盡情享受韓國美食，我哋今次同超過10間餐廳合作，為大家帶嚟各種獨家優惠！由全單折扣到免費餐點應有盡有，就算係自己一個嚟韓國玩都可以食得盡興！入面仲包咗一份獨家「韓國一人餐廳地圖」，得買咗優惠券嘅朋友們先可以睇到，仲會不定期更新！

趁開賣做緊早鳥優惠，快啲用優惠價買返套用啦！（瑞源粥店都有優惠㗎！）

※本頁面所標示嘅價錢以韓幣為準，港幣幣值會因應即時匯率而浮動。

明洞「瑞源粥店」資訊

• 地址：서울 중구 퇴계로 141 세룡빌딩 B1
• 營業時間：07:00-17:00
• 可預約時間：12:00-16:00
• 語言：韓文、中文、英文、日文

明洞「瑞源粥店」推薦理由

• 「瑞源粥店」超受外國觀光客歡迎！
• 呢度嘅粥有幾種食法，叫一碗粥就可以食到多種口味。
• 粥非常容易消化，食多啲都唔怕！
• 呢度有辣醃魷魚等配菜，覺得好食仲可以買返屋企。
• 呢間鋪頭屹立37年不倒，證明老闆煮粥功夫夠曬好！
• 位於明洞站9號出口附近，交通方便之餘仲可以順便去行街。

明洞「瑞源粥店」價錢

明洞「瑞源粥店」退款政策

明洞「瑞源粥店」注意事項

• 請最少3日前完成預約。
• 如希望加購其他餐點，請喺現場支付所需金額。
• 預約時請確保已選擇正確日期及時間。
• 請務必準時到達，如果遲到超過10分鐘，預約會自動被取消。
• 如果想更改預約，或者有任何問題，請send email到help@creatrip.com查詢。

明洞「瑞源粥店」預約流程

明洞「瑞源粥店」介紹

小編今日帶大家嚟到位於明洞嘅「瑞源粥店」！呢度超近明洞站9號出口，唔洗睇地圖都可以搵到，非常方便~

因為行落餐廳嗰條樓梯有少少窄，所以小編本身以為餐廳都唔會大得去邊，不過落到嚟發現環境比想像中闊落！

明洞「瑞源粥店」最近仲上咗一個叫《好吃的傢伙們》嘅韓國飲食節目，呢個節目去得嘅地方全部都有超高評價！可能因為咁，所以最近好多韓國人都會專程嚟食粥。

呢度就係小編張枱啦！每張枱上面都有枱墊，放好餐具就可以準備開餐！

呢度基本小菜有炒青椒、涼拌芽菜同老闆親手醃嘅辣醃魷魚，全部都同粥好夾！

鮮蝦粥 ₩16,000

鮮蝦粥入面用嘅蝦全部都係新鮮蝦，老闆每日都會逐隻處理好之後再煮，鮮甜又彈牙！

冬菇蠔粥 ₩16,000

冬菇蠔粥入面嘅蠔都係每日新鮮入貨，經老闆仔細處理，所以完全唔需要擔心會唔乾淨！

參雞粥 ₩17,000

呢款參雞粥可以話係大家平時食開嘅參雞湯嘅粥版，同樣有人參同雞肉一樣咁滋補養生！

頂級鮑魚粥 ₩24,000

而小編今次就食咗呢款頂級鮑魚粥，鮑魚香味濃郁得嚟易入口！

嚟到「瑞源粥店」，就一定要試吓呢度教嘅3種食法！

首先一開始唔好撈勻，直接𢳂一羹嚟食，享受原本嘅味道。

第二種食法係將粥同蛋黃、紫菜碎、芝麻撈勻，粥會變得更順滑同香口。

最後就係配埋老闆秘製辣醃魷魚啦！小編最鍾意呢種食法，辣辣地鹹鹹地好惹味~ 甚至有好多外國人一食愛上，會另外買返盒辣醃魷魚返屋企！

另外，鮑魚粥入面嘅鮑魚完全唔會韌，不愧係頂級鮑魚！

如果覺得好食，大家可以買真空包裝嘅鮑魚粥返屋企！透過我哋預約嘅朋友們更加可以用優惠價₩13,000（原價₩15,000）買到，千祈唔好錯過啦！

好似頭先所講，呢度亦都有賣辣醃魷魚，老闆會用保冷袋幫你包裝好，唔需要擔心喺出面行太耐會容易變質！（小編下次去都打算買返盒返屋企慢慢食XD

明洞「瑞源粥店」前往方法

喺明洞站（명동역）9號出口行出嚟。

向出口反方向行，你會見到「瑞源粥店」個招牌就喺前面棟大廈附近。

行入去落一層就到啦！

瑞源粥店 | 撳我預約

 網上付款Q&A

以上係明洞「瑞源粥店」嘅介紹，有任何問題請先詳讀呢篇文章。

如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。

如果有更多想知嘅內容，都可以隨時dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購

Mail：help@creatrip.com