明洞美食｜君子大韓烤腸
因Mamamoo華莎而爆紅嘅「君子大韓烤腸」，之後去明洞店都可以有9折優惠！
Hello，大家好，我哋係由韓國每日提供最新韓國旅行資訊嘅Creatrip。
只要食過韓國烤腸，好多人一試愛上，唔好睇佢咁油就唔好，其實佢含有大量鐵同維生素，當中君子大韓烤腸就係因為Mamamoo華莎食完之後爆紅，今次小編去到明洞分店，同時為大家爭取到9折優惠，之後嚟韓國都有打算去食嘅朋友，咁就一定唔可以錯過啦！
用埋明洞美食優惠券更加可享雙重優惠！
香港人飛韓國玩一定會去明洞，而明洞除咗可以行街掃貨，其實仲有超多高質餐廳同Cafe！而家只要有一套明洞美食優惠券，即可享有16間餐廳&Cafe嘅獨家優惠同免費贈品！
「君子大韓烤腸」優惠
消費滿指定金額送啤酒/燒酒
明洞美食優惠券 | ₩4,000 (4000) |
明洞美食「君子大韓烤腸」資訊
- 地址：서울 중구 명동 7길 18-1
- 營業時間：11:00 - 02:00
- 小Tips：乙支路入口站（을지로입구）5號出口行大約5分鐘。
明洞美食「君子大韓烤腸」推薦理由
- 韓國咁多間烤腸之中，君子大韓烤腸相當出名，喺韓國有成60幾間分店。
- 餐廳職員識基本英文，有啲仲會識中文、日文同越南文，所以唔需要太擔心溝通問題。
- 職員會幫大家烤，只要等食就可以。
明洞美食「君子大韓烤腸」優惠
- 埋單嘅時候向職員出示優惠券，即可享9折優惠。
- 最少要叫2人份。
- 唔需要預約。
- 只有明洞店可以用優惠。
- 如果用coupon嘅時候，有任何疑問都可以send email到help@creatrip.com。
明洞美食「君子大韓烤腸」菜單
菜單 | 價格 |
綜合烤腸（牛小腸 +雪花大腸 +牛心） 모둠곱창 (곱창 + 눈꽃대창 + 염통) | ￦18,900 |
肥牛烤腸（牛小腸 +雪花大腸 +肥牛 +牛心） 차돌곱창(곱창+눈꽃대창+차돌박이+염통) | ￦19,900 |
大韓綜合烤腸（牛小腸 +雪花大腸 +牛皺胃 +牛肚＋牛心） 대한모둠곱창 (곱창 + 눈꽃대창 + 막창 + 특양 + 염통) | ￦20,900 |
牛小腸 소곱창 | ￦16,900 |
牛大腸 소대창 | ￦16,900 |
牛皺胃 소막창 | ￦16,900 |
蘿蔔泡菜炒飯 깍두기볶음밥 | ￦3,000 |
大韓牛肋排套餐（185g） （胛心排+牛肋眼+牛小排） 대한모둠소갈비(참갈비살+꽃갈비살+본갈비살) | ￦25,000 |
大韓胛心排（200g） 대한참갈비(200g) | ₩23,000 |
大韓牛肋眼（150g） 대한꽃갈비살(150g) | ₩26,000 |
大韓牛小排（150g） 대한본갈비살(150g) | ₩15,000 |
明洞美食「君子大韓烤腸」介紹
自從Mamamoo成員華莎喺2018年拍完韓綜《我獨自生活》之後，因為當時佢食烤腸食到舔舔脷，呢間餐廳就爆紅，之後越開越多分店，而家喺全國有成60幾間。
只睇餐廳外觀一開始會以為呢度好細，但入到去會發現比想像中大，而且都幾多位。
揀完位坐底之後，職員會拎Menu俾你，上面寫到韓文、中文同日文，有埋相，相當貼心。
今次小編去到就叫咗佢哋主打「大韓綜合烤腸（대한모둠곱창）」。
落完單之後，職員就會上小菜。
同時每一隻碟上面都會有啲調味料，左邊係芝士同咖哩、右邊有兩種醬，大家可以根據自己個人口味去點，小編覺得每一款都好好味。
同時仲會有一鍋辣大豆芽湯，雖然睇落紅卜卜，不過一啲都唔辣。
大韓綜合烤腸（대한모둠곱창）₩20,900
大韓烤腸套餐係佢哋主打Menu之一，裡面有牛小腸、雪花大腸、牛皺胃、牛肚、牛心等，職員會一直幫手燒，大家只要等食就可以。
因為烤腸本身會出勁多油，太多去燒啲腸會好膩，變得冇咁好食，所以職員會好貼心咁幫大家去走啲油。
煮到差唔多嘅時候，職員會點火去燒多陣，超似睇緊電視烹飪節目咁。
之後職員會再加泡菜同韭菜喺鍋嘅另一邊，等大約2-3分鐘就會熟，睇落相當豐富。
之後大家就可以點醬/粉去食，小編先試咗芝士粉，冇諗過呢個組合以為地夾！
韭菜同泡菜煮得啱啱好，超好味！
而且仲有年糕。
蘿蔔泡菜炒飯（깍두기볶음밥）₩3,000
最後小編仲叫多咗個炒飯，職員會喺大家面前直接炒。
炒飯完全就係吸收哂啲烤腸嘅精華，超香同好味，食完超幸福！
明洞美食「君子大韓烤腸」前往方法
搭地鐵去到乙支路入口站，喺5號出口出。
經過青瓦BBQ（청기와 BBQ）後繼續直行。
見到藥房之後轉右。
一路直行。
之後就會見到君子大韓烤腸喺左邊。
點先可以享有明洞「君子大韓烤腸」 9折優惠？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係明洞美食「君子大韓烤腸」 嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
