👍🏻去釜山旅行一定唔少得要去搭天空膠囊列車，度過浪漫時光！

👍🏻可以喺遊艇上欣賞釜山市區景色，感受呢個城市嘅不同魅力！

👍🏻提供專業導遊及交通服務，可以深入瞭解各個景點之餘行動夠方便！

主要景點介紹✨

📍海東龍宮寺：呢間寺廟鄰近大海，出名睇景靚，係釜山必去景點之一，大家嚟到都會得到一種療癒嘅感覺！

📍天空膠囊列車：「天空膠囊列車」會喺7-10米高嘅鐵軌上面行駛2公里，由海雲台尾浦開到青沙浦，每個車廂可以載到2-4個人，大家可以同家人朋友一邊欣賞海景，一邊享受私人時光！

📍青沙浦天空步道：呢度亦被稱為青沙浦墊腳石展望台，行到最尾仲要係透明地板，可以欣賞靚景之餘仲夠曬刺激！

📍遊艇體驗：講起釜山一定會諗起蔚藍大海，大家今次會有機會搭遊艇，喺另一個角度欣賞釜山無敵海景！

📍甘川文化村：被稱為韓國馬丘比丘，係當地嘅一個文化村。喺朝鮮戰爭期間，原本呢度係一個難民營地，但之後當地人將每間屋油成五顏六色，令到呢度更多姿多彩，吸引唔少人嚟打卡。