預約注意事項🚨

• 接受當日預約，付款後預約即時成立
• 購買NAMANE自製卡憑證(QR Code)+增值券後需於2027.12.31前領取卡片及增值

預約流程📝

1. 撳「快速預訂」開始預約，請確保已選擇正確選項，並詳細輸入所有相關資訊及付款
2. 預約會即時成立，你可以喺我的頁面或者Email查看電子憑證

設計卡面方法✨

STEP 1	上NAMANE官網/App，撳「自製專屬卡片」
STEP 2	上傳你想用嘅相
STEP 3	較好位置同輸入文字後，撳「Next」 最多只限輸入14個字（包括空格）。 可以輸入標點符號，但唔可以用表情符號。 相片最多只可以保留14日。 如果相片涉及版權問題，客人需負上全數責任，與Creatrip無關。
STEP 4	整完之後會出現一個QR CODE， 去無人機器Scan就可以拎到實體卡！

領取卡片方法✨

STEP 1	參考官網及App內資訊去全韓國任何一部自助發卡機
STEP 2	揀「自製專屬卡片」
STEP 3	Scan喺設計卡片嘅時候生成嘅QR CODE
STEP 4	然後Scan喺我哋網站上購買嘅自製卡憑證QR CODE
STEP 5	成功領取實體卡！

增值券增值方法✨

STEP 1	收到實體卡後方可用app登入同增值
STEP 2	撳「優惠券」
STEP 3	撳右上角優惠券符號，輸入憑證上32位代碼
STEP 4	輸入後撳「使用」
STEP 5	揀想增值嘅卡
STEP 6	完成！

NAMANE卡使用方法及説明✨

可使用地點

• NAMANE卡賬戶分為「支付餘額」同「交通餘額」
  • 「支付餘額」：可於便利店、餐廳、網吧等全韓國實體店鋪使用，但部份酒店、現代Outlet/百貨店等地方可能無法使用
  • 「交通餘額」：可以用嚟搭巴士、地鐵、火車、的士等公共交通工具，亦可於便利店（CU、Storyway）用，部份地區可能無法使用，詳情請參考官網。

支付餘額 - 交通餘額轉換

• 支付餘額同交通餘額嘅錢可以互換，詳細方法請參考官網。 
• 增值交通餘額或者想將支付餘額轉做交通餘額嘅時候需要拍卡，Android機記得要打開NFC基本模式，如果係iPhone只需要將卡放喺鏡頭後就可以。
• 互換金額最少為₩1,000，可以以₩100為單位增加（例如可以互換₩1,100，但唔可以係₩1,110）。
• 建議增值嘅時候可以將啲錢兩邊都放（例：增值₩100,000 → 支付餘額放₩70,000/交通餘額₩30,000）

• Creatrip獨家專用產品，如果去到現場買係冇優惠。
• NAMANE卡係用韓國「KB國民銀行」銀行卡，只要到咗韓國之後，去無人機器換卡就可以。
• 增值券已包增值稅和手續費。
• 用增值券時大家要先down NAMANE app，然後輸入32位英文+數字PIN CODE 先會收到錢，詳情可以參考上述內容，或參考官網。
• 加入完會員之後，每人最多可以登錄4張卡。
• 如果係配備NFC手機基本上都用到，只有部分小米同未配備NFC等手機可能無法下載NAMANE App。
• 手機系統需至少為iOS 13.4 / Android Oreo 8.0（API 26）先可以Download同用NAMANE App。
• 如果用NAMANE卡無人機器用時出現Error，請聯絡NAMANE CS諮詢聊天程式（Happy Talk），或機器上顯示嘅客服中心，需要講出係透過Creatrip買、機器位置、時間等；如果已過營業時間，請參考官網說明。
• 本頁面未有詳列嘅內容都可以參考NAMANE官網瞭解更多。
• 如果用App增唔到值或有其他疑問，都可以send email到help@creatrip.com同我哋聯絡。

換領卡片注意事項

• 收到QR CODE後需於2027.12.31前換領實體卡。
• NAMANE卡有效期係發行後55個月，只要張卡有效期一過就唔可以再用。
• 卡片右上角會有一個號碼(no.000000000000)，喺App登錄後就可以進行增值同使用其他功能。
• 卡片背面會有一個QR Code，scan完可以睇到NAMANE卡使用同增值方法。
• 如果用NAMANE卡無人機器用時出現Error，請聯絡NAMANE CS諮詢聊天程式（Happy Talk），或機器上顯示嘅客服中心，需要講出係透過我哋Creatrip買、機器位置、時間等；如果已過營業時間，請參考官網說明。
• 大家可以用app/官網確認無人機器位置，仁川機場機器位置如下：
  • 仁川機場T1：AREX 機場快線直通車站（閘口內）、CU便利店1號店、CU便利店4號店
  • 仁川機場T2：AREX機場快線直通車站（閘口內）

增值注意事項

• 購買增值券後需於2027.12.31前增值，增值金額冇指定有效日期。
• 詳細增值方法可以參考上述內容同NAMANE官網，同時手機系統需為iOS2.2.7以上、Android 3.0.6以上版本先可以成功增值
• 每一次增值只可以用一張增值券，如果有幾張請分開使用。
• 增完值之後，可以將啲錢轉去交通。
• 1張卡最少需要增值₩1,000；最多可以增值₩500,000支付餘額 + ₩500,000交通餘額(總共₩1,000,000)。
• 如輸入增值金額少過增值券金額，之後冇得再加返，增值時請小心。 
• 如果用app時出現錯誤，只要重新打開app再登入就可以用。
• 喺現場用現金增值唔會有手續費，但無法退款；用信用卡增值會收取3%手續費，詳情請參考官網。
• 交通餘額可以喺首都圈地鐵站（1至8號線、機場鐵路、水仁線、新盆唐線等）、火車站、便利店（CU、emart24、StoryWay等）增值。

使用注意事項

• NAMANE卡有效期係出卡後55個月，用之前請喺卡背面簽名。
• 如果張卡已經過期但仍然有錢喺入面，可以退到90%款項，請喺Namane Card App撳「1:1 諮詢」進行申請
• 如果張卡已經過期但入面仲有錢，你可以選擇重新買一張卡，登錄後可以喺app入面將錢轉落新卡，詳細內容請參考官網。
• 唔可以將啲錢轉俾其他人，只可以轉到自己戶口。
• 用增值券增值後，所有金額會存入支付餘額賬戶，需要另行轉換至交通餘額，詳細方法請參考官網。
• 請用之前check清楚餘額，如果餘額不足會俾唔到錢。
• 如果唔見咗張卡，可以聯絡NAMANE Card客戶中心獲得退款，但只可以申報「支付餘額」，同時只會退增值券，唔會退現金，詳情可以參考官網。

退款注意事項

• 只有支付餘額可以退款，如果增完值之後冇用到，可以全額攞返出嚟。
• 如果係透過Creatrip購買增值券，請喺退款原因欄寫上Creatrip會員ID，詳情可以參考官網。
• 每人退款金額限制為每月最多₩500,000，處理時間大約需7個工作天。
• 最終餘額最少需要有₩20,000，亦需要用超過60%以上先可以退款，退款會時亦會扣除₩7,000手續費。
• 如果想喺增值7日後進行退款，只有某部份國家/地區可以用當地現金進行退款（適用國家/地區：中國、日本、柬埔寨、美國、香港、新加坡、越南、德國、馬來西亞、菲律賓、泰國、印尼、孟加拉、英國、蒙古、澳州、加拿大、法國、日本）。