logo

2020韓國拉麵

仲只係食緊辛辣麵?韓國近期熱門、特別款拉麵一次過話你知!下次嚟韓國你知點揀啦?

yeong
2 years ago

Hello,大家好,我哋係由韓國人話每日提供最新韓國旅行資訊嘅Creatrip


如果講到韓國拉麵,大家第一個又會諗到咩呢?10個人裡面大概有9個人應該都會話係「辛辣麵」。不過除咗辛辣麵之外,韓國拉麵種類可以話係五花八門,無時無刻都推出緊新商品。

今年推出嘅,每一款都好熱賣,冇幾款我哋仲可以幫大家代購!鍾意食拉麵嘅朋友,就唔好錯過啦!




2020韓國拉麵

1. 浣熊拉麵辣味版

浣熊海鮮泡麵3倍辣

2020韓國泡麵

2020韓國泡麵


原本韓國農心浣熊拉麵已經夠hit,不過韓國人覺得都係唔夠,而家推出新款。新款嘅辣度足足比原本辣三倍有多,鍾意食辣嘅大家又點可以錯過?

湯底係辣得嚟又帶有海鮮同海帶嘅鮮味。魚片除咗有可愛浣熊造型之外,麵都夠粗身,超有口感。



2. 青陽辣椒拉麵

青陽辣椒炸醬麵 (1袋4包)

2020韓國泡麵

2020韓國泡麵


三養集團真係創意無極限!2020年直接將青陽辣椒加入拉麵,仲一次過出咗三款口味,分別係青陽炸醬麵、青陽海鮮湯麵同青陽辣椒乾拌麵。只係諗都覺得一定超辣!不過大家又唔洗咁驚,佢嘅辣度比一般紅辣椒稍微冇咁辣,值得一試!



而家買麵仲送韓國復古碗,超有sense!用咗佢即刻有韓國feel,大家係咪都應該要買返個呢?



3. 妖怪拉麵

2020韓國泡麵2020韓國泡麵

妖怪拉麵雖然出咗一段時間,但小編真心覺得呢款拉麵超特別。

乾麵(紅色包裝)味道超香,辣得嚟又好有韓國地道風味。

雙倍忌廉(白色包裝)完全就係carbonara感覺,超濃郁,呢款亦係小編最愛。

至於義式蜆肉(藍色包裝)就係蒜頭蜆肉味道,煮出嚟又係超香。


2020韓國泡麵



4. BB奶油辣醬撈麵

2020韓國泡麵

2020韓國泡麵


早排超hit嘅八道(PALDO)BB奶油辣醬撈麵,一上市就已經轟動全城。兩包調味料就好似化妝品咁,一包係奶油口味調味粉、一包係辣汁。一開始食,大家可能會俾奶油香氣吸引,不過食咗大約5秒之後,辣味後勁就會湧上嚟,絕對係帶嚟刺激層次口感。 



5. 農心水冷麵/辣拌麵

2020韓國泡麵


炎炎夏日,大家係唔係都會好掛住韓國嘅水冷麵呢?其實呢類冷麵做法超方便簡單,煮熟之後加凍水沖洗,再倒啲冰同醬料一齊攪勻,就可以食到韓國至地道冷麵。農心一次出咗兩款水冷麵同乾拌冷麵,完全就係冷麵愛好者必買清單啊!


2020韓國泡麵



6. 泡菜刀削乾拌麵

2020韓國泡麵

呢款都係農心推出嘅夏季新款泡菜拌麵,佢唔係一般嘅撈麵款,佢係食落去口感會更加豐富同有口感嘅刀削麵。



7. 海鮮烏冬麵

2020韓國泡麵

2020韓國泡麵


對韓國有一定程度了解嘅朋友應該都知道白種元老師,呢款特別版海鮮麵,係白種元老師覺得依家年青人都唔太食健康食物,特別係海帶。

所以好多漁民,因為銷量不如預期而生活得好辛苦,所以白老師就打電話畀不倒翁社長,請佢喺麵中多放一片海帶,一嚟係希望可以令人食得更健康,二嚟係希望可以幫助漁民!

鍾意食海帶同烏冬麵嘅朋友,係唔係應該都要買返包嚟試下呢?




除咗以上幾款拉麵之外,小編仲想介紹「只睇外表完全唔知道係咁辣」嘅韓國拉麵。

相信大家都應該估到係可愛辣雞包裝啦!尤其係粉紅色卡邦尼辣雞,呢款係加咗拉麵同年糕綜合版本,完全就係辣得嚟又令人忍唔住要係咁食!


2020韓國泡麵


對唔食得辣嘅朋友嚟講,亦可以揀東源出嘅呢款芝士炒年糕、炸醬炒年糕系列。


2020韓國泡麵


以上係小編整理出最新2020年韓國拉麵熱門、特別款,唔知呢幾款拉麵口味,唔知大家又覺得點呢?

唔想再只係食辛辣麵,不如就試下轉以上幾款口味啦。




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

  韓國代購


其他推薦
LoadingIcon