logo

韓國便利店必食推薦

盡情享受韓國便利店小貼士!

Yujin Kim
6 months ago


韓國有超過 50,000 間便利店,

佢哋之間嘅競爭好激烈,普通一百米範圍內就可以見到有三、四間便利店!👀

韓國咁多便利店,究竟韓國人會喺便利店買咩嘢食呢? 

今日就等我哋嚟睇下韓國人會喺便利店買啲咩,順便介紹一啲值得推薦嘅商品🔥



1. 杯麵


首先會介紹嘅係杯麵!🍜

其實杯麵係大部分韓國人十零歲、廿幾歲嘅回憶,

返學前、放學後、或者甚至得閒嘅時候,都會坐喺便利店出面,極速食一碗杯麵,

當你問身邊周圍嘅韓國朋友,佢哋都一定話經歷過!



由於好多人經常喺便利店食杯麵,所以韓國便利店嘅公仔麵種類特別多。

貨架上至少陳列著 N 咁多種拉麵😅

從以上圖片,你係咪都睇到有各式各樣嘅公仔麵呢?

比較經典嘅有芝麻拉麵(참깨라면)、辛辣麵(신라면)、辣牛肉湯麵(육개장)等等...



新推出嘅公仔麵仲會針對時下後生仔嘅口味去研發新口味,

呢啲獨特、新上市嘅款式、種類,都會喺便利店率先發售!

我去嘅呢間便利店就有最近推出辛拉麵炒麵同香辣炸醬麵👏🏻

成日都出新口味,搞到我有選擇困難症😂

 

公仔麵
推薦商品

農心 香辣炸醬麵
#香辣炒面
農心 辛拉麵炒麵
#韓國經典辛拉麵 炒麵新上市
Saeromfood
濟州硬殼蝦杯麵
#香濃海鮮湯




2. 即食品


第二樣要介紹既係即食品~

喺便利店輕鬆解決一餐,簡單、方便、快捷🤗

紫菜飯糰等簡單嘅食物都可以同前面提到嘅杯麵一齊食!(韓國人必買組合!)



喺韓國嘅便利店,即食品種類繁多,三角紫菜飯糰、炒年糕、紫菜湯,應有盡有。

如果你去過韓國,應該都至少睇過一次😛


Daily Life

 除此之外,韓國非常出名嘅便利店食譜 Mark Meal 亦都係很多人嘅最愛。

GOT7 嘅 Mark 喺 V LIVE上介紹咗這個食譜,佢就係辣味年糕、意大利面杯麵、芝士同腸仔嘅結合。


Daily Life

越食越上癮,停唔到口,因為佢辣得嚟帶甜味,小編強烈推薦👍🏻



便利店即食品
推薦商品

三養 杯裝玫瑰醬辣雞炒年糕
#順滑玫瑰口味 + 辣雞味
BIBIGO 牛肉海帶湯
#飽肚嘅一餐
CJ 即食韓式牛骨湯飯
#簡單滋味
DANO 低卡韓式炸醬年糕
#減肥都食得嘅年糕




3. 各式各樣零食


通常聯名產品都會喺便利店率先上市,各具特色。

尤其係近期最HIT嘅新產品,次次見到會喺便利店先上架,

所以每當某零食品牌推出新零食嘅時候,大家都會搶先去最近嘅便利店望望。

你可以喺便利店到發現好多韓國人都經常搵最新嘅零食😂



呢啲新上市嘅薯片通常都會好快賣晒。

我仲行咗去其他便利店,試圖買到最近流行嘅薯片。

一路都人氣高企嘅朱古力吉拿棒烏龜餅 同 蜂蜜薯片,喺一般便利店都好難搵到。


便利店零食
推薦商品

ORION
朱古力吉拿棒烏龜餅
#越食越上癮
Peacock
朱古力牛奶餅乾
#厚厚嘅牛奶朱古力TART
農心 香蕉味爆谷
#香甜香蕉味
農心 辣味蝦條
#韓國國民零食

撳我前往商品




4. 其他零食/小食


便利店仲有其他種類嘅零食,將會為大家介紹一啲比較健康嘅零食。

當中最受歡迎嘅包括炒栗子、魷魚絲同蕃薯乾。

呢啲產品受到好多韓國人嘅喜愛,健康、方便、好食。



鹹甜小食好滋味,有時口痕想食下零食,但又驚唔健康,

不如試下以下為你介紹嘅呢幾款?🤗


便利店零食
推薦商品

HANWOOL 蜜糖蕃薯乾
#便秘、減肥效果
MYONGJIN 辣味烤魚片
#辣辣地食唔停口
NO BRAND 糖炒栗子
#同屋企人一齊分享零食時刻




5. 便利店甜品

Allure Korea

好似日本嘅便利店咁,韓國都有推出各種冷藏甜品。

迷你蛋糕、馬卡龍、scones等等,你可以搵到各種各樣嘅產品🤩


GS25

如果嚟韓國旅行,返酒店之前一定要行吓便利店,買甜品同零食。

我哋建議你如果下次嚟韓國嘅時候,可以買嚟試吓吖 ☺️

 


以上就係一啲韓國人喺便利店通常都會買嘅商品。

另外,我哋亦都推薦咗一啲可以喺我哋代購網頁買到嘅韓國零食✨

唔知你鍾唔鍾意我哋今次嘅分享呢?

如果鍾意嘅話,記得多啲嚟望吓我哋嘅代購網頁,睇下有咩新商品啦~

(走先啦係咁先啦)下次再見啦🥰


其他推薦
LoadingIcon