IDOL用咩手機殼可以睇出佢哋嘅性格？
花哩花碌設計？手機托？大家都鍾意咩類型嘅手機配件呢？
一個人嘅性格、品味、喜好可以從佢用嘅手機殼到睇到？👀
相信大家選擇手機殼或手機托嘅時候，都係揀自己鍾意嘅款式去購買。
最近手機配件喺韓國非常流行，所以坊間流傳咗一個新詞 '폰꾸' /ponkku/，
全寫係 '핸드폰 꾸미기' /haendeupon kkumigi/，意思係裝飾手機。
今日就等我地嚟一齊睇睇，不知不覺間喺Ponkku中展現出個人特色嘅 IDOL們啦！
當中可能會有你鐘意嘅偶像，想知道佢哋嘅性格就要仔細睇唔好錯過呀～🙋🏻♀️
2000年代感性類型
好似痴滿咗貼紙咁嘅電話殼，非常復古嘅味道！
呢款手機殼就好似散發緊2000年代感性嘅風格，仲有可愛活潑嘅形象，
反映出同aespa Karina 一樣，性格都係咁活潑開朗，咁得人鍾意🥰
另外，THE BOYZ成員Q都係用緊呢種類似嘅手機殼，
佢嘅粉絲每次見到佢都會話：「池昌民（Q）又換咗手機殼！」
可想而知，佢對時尚、飾物嘅sense真係好強呀！😍
2000年代感性類型推薦商品
 | That's a point Vintage Teddy Bear Case #CIX 昇勳同款 |
 | JOGUMANSTUDIO Sticker透明iPhone手機殼 #恐龍貼紙 |
 | Wiggle Wiggle 透明手機殼 #經典角色貼紙 |
得意照片/圖案類型
用印有動物圖案手機殼嘅人可以從中睇出佢哋嘅個性？！
唔知你哋有冇諗到邊個偶像好似兔仔、熊仔、Quokka等動物呢？
小編發現SVT嘅Joshua用緊嘅兔仔手機殼同佢本人好似啊！！
搵到同自己生得好似嘅動物，仲要用埋做手機殼，真係一件唔容易嘅事呀😆
TWICE 娜璉就用咗一款 彩虹色刺繡 & 印有“Happiness”字眼嘅手機殼，
同佢本人一樣，總係以美麗動人嘅笑容去感染身邊周圍嘅人，為大家帶嚟好多正能量😉
得意照片/圖案類型推薦商品
 | That's a point 兔仔手機殼 #SVT Joshua同款 |
 | Wiggle Wiggle 刺繡手機殼 |
 | Dinotaeng BREEZY 硬手機殼 #Sleeping Quokka |
Simple Pattern類型
最常見嘅類型，應該都係簡單設計為主吧～
簡單得嚟帶出設計重點，低調中嘅高調，真係唔簡單。
時尚感高嘅Jennie同瑟琪都用緊呢類型嘅手機殼🤩
唔止呀！韓國藝人韓韶禧都用過呢款簡單設計嘅Little Paper手機殼，
華麗嘅衫襯上簡單風格嘅手機殼+鎖匙扣，襯埋一齊好啱FEEL👍🏻
Simple Pattern類型推薦商品
 | That's a point Curly 手機殼 #Jennie同款 |
 | That's a point Wave Cow 手機殼 |
 | ROMANE Little Paper 手機軟殼 |
手機托類型
如果無用手機殼，或者用淨色殼嘅話，太過simple又想加返啲重點，好多人都會選擇用手機托。
IU就整咗佢自己嘅樣、仲有佢專輯名「Celebrity」印上去個手機托上面。
雖然好簡單simple唔係咩華麗款，但可以睇到佢樂在其中😛
MONSTA X 嘅 Shownu 用嘅呢款手機托成為熱門話題！
唔知佢係咪用咗好耐呢？啲熊仔望落好似好攰咁...
根據佢粉絲嘅講法，佢性格沉穩，充分咁展現出佢嘅性格😂
手機托類型推薦商品
 | 168cm Smile Flower透明手機殼+手機托組合 #去到邊都襯到 |
 | Griptok 多謝朋友系列手機托 #多款Teddy Bear款式設計 |
 | ROMANE DONATDONAT BEAR手機軟殼 #立體熊仔 |
訂制獨一無二嘅款式
唔知道大家知唔知道呢款Vernon手機殼呢？
Vernon喺機場被拍攝嘅照片變成咗一個表情包，然後被製作為一個手機殼。
全部成員都一齊用呢個電話殼，好好笑之餘，睇得出佢哋嘅感情真係好好😚
此外，Rapper 李泳知喺疫情下創造咗一款 「叫你唔好出門，就唔好出門啦」 嘅手機殼，以開玩笑嘅形式傳達真摯嘅信息，
呢款手機殼售出1億韓元，收益李泳知本人選擇咗全額捐出去。💰
今日就透過手機殼，帶大家認識咗最近韓國大熱嘅『ponkku』世界。
呢4款類型入面，有冇一款係你嘅心水呢？
小編就覺得我係得意圖案類型，透過手機殼表現出可愛嘅一面🤪
最後希望大家可以係我哋嘅代購網頁上面搵到一款可以展現個人特性嘅手機殼俾你自己啦～
