全城熱話《單身即地獄》關於宋智雅嘅一切
一齊嚟睇睇宋智雅嘅過去,包括佢嘅整容事實同埋佢用緊嘅物品!
唔知道大家最近有冇睇到NETFLIX嘅《單身即地獄》呢?
最近各大社交平台關鍵字都係圍繞住宋智雅,尤其係最後嗰幕「走吧!小狗!🐶」,真係引嚟唔少話題,
今日就等我哋帶你認識《宋智雅》,一齊嚟睇睇佢嘅過去,包括佢嘅整容事實同埋佢用緊嘅物品啦!
關於宋智雅嘅大小事情
1. 簡單介紹
唔知大家喺《單身即地獄》播出之前,有無睇過佢嘅Youtube片呢?
佢嘅頻道叫 free지아(Freezia),本名宋智雅,出生於1997年4月20日,韓國年齡今年25歲。
好多人覺得佢嘅魅力點係佢有keep住佢嘅釜山『鄉音』,
因為好多藝人、出名嘅Youtuber等等,佢哋都會嘗試擺脫佢哋區域嘅口音,用返首爾嘅tone調去同大家講嘢。
宋智雅嘅家鄉喺釜山,高中一直都喺釜山住,直至大學嘅時候搬咗去首爾。
2. 職業
大家又知唔知佢嘅職業係咩呢?
佢除咗係美妝youtuber之外,佢都會出演韓國電視節目,另外佢亦都係一位model。
3. 過去
大家睇佢嘅IG嘅時候,係咪都喺度諗:佢身材好好,究竟點keep㗎?
其實係因為佢出身至 釜山藝術高等學校 同 漢陽大學 舞蹈系💃🏻
由細到大都有跳開舞,加上平時都有做開運動,
所以話,身材好都係辛苦鍛煉返黎㗎!🏃🏻♀️
4. Idol
宋智雅表示佢多次收到出道嘅邀請,
但因為佢唔鍾意唱歌,所以都拒絕晒啲offer。
最近網上流傳佢同張員瑛嘅合照,
睇返呢張相,大家覺得宋智雅有冇明星相呢?
5. 富二代 & 假貨爭議
宋智雅而家住喺一幢位於聖水洞嘅高級apartment「首爾林Trimage」,
多位明星、藝人都住喺呢度,包括 BTS J-Hope、足球選手 孫興慜、藝人 徐康俊、少女時代 Sunny、EXO 伯賢 等等。
呢個公寓買賣價大約20億韓元(約1千3百萬港幣),月租大約700萬韓元(約45萬港幣),可以睇到韓江同首爾林嘅風景。🌳
"佢又住豪宅,又勁多名牌,乜佢唔係富二代咩?"
喺佢嘅channel或者IG都會見到好多呢啲留言。
但佢本人就話佢唔係喺一個富裕嘅家庭下長大,
為咗唔辜負細個嘅時候父母俾錢去學跳舞,而家好努力賺錢生活中。
最近,網上發起一啲謠言,有網民發現佢用嘅名牌都係冒牌貨,
宋智雅亦都親手寫咗封道歉信,證實呢啲謠言都係事實,
加上佢話想創立自己嘅品牌,光係著假嘢已經令人失去信任,
雖然有好多人都對佢用假貨呢件事好反感,
但亦有網民支持佢敢於承認佢今次嘅過失。
6. 整容
五官標致嘅佢,不斷傳出整容嘅謠言。
佢喺韓國電視節目《 Video Star》入面,
有講到雙眼係遺傳佢爸爸,而喺高中嘅時候就整過個鼻。
當我哋比較佢高中時候同而家素顏嘅樣,其實都差唔多,應該冇乜點整過。
7. 性格
宋智雅嘅MBTI係ESTP,代表佢性格外向、享受佢嘅人生。
從佢嘅Youtube片可以睇到,佢對自己好有自信,自尊心好強嘅一個人,
佢喺其中一條片入面有講到,"我係一個好獨立嘅人,唔善長於交際",
"即使結咗婚,都會以事業為重"。
另外,除咗佢有釜山口音之外,佢好率直嘅性格亦都係佢迷人點之一。
因為係美妝Youtuber,吸引咗一班女粉絲之外,
喺今次單身即地獄入面,無論係佢嘅外貌定性格,都吸引咗唔少男士對佢有興趣。
1. Casting
據製作 Netflix 原創劇集《單身即地獄》嘅製作人員聲稱,
當佢哋見到宋智雅就心諗:佢就係我哋想要嘅人選啦!
憑著佢率直嘅性格,同Barbie般嘅外貌,製作人員就知道佢將會成為呢部劇嘅重要人物。
2. 同 "小狗" 金賢中嘅關係
最終選擇時,成功配對咗金賢中同宋智雅,
唔知到最後佢哋有冇一齊到呢?
當節目播出最後一集時,金賢中喺佢個人IG上傳咗一張狗仔嘅相,
可想言之,佢真係對宋智雅一片丹心,眼中只有佢一個。
目前為止,無人知道佢哋係咪仲一齊緊,
但拍攝完之後,金賢中有喺IG發文聲稱"性格唔同",
所以好多人都推測佢哋可能已經冇再一齊。
3. 劇本演出?
宋智雅拍咗Youtube片,透露《單身即地獄》嘅behind-scene,
佢聲稱係無劇本,100% 真實演出!
佢亦都透露,當佢同其他參加者到達呢個無人荒島之後,佢哋都好驚訝,周圍乜都無,
所以當佢哋成功配對可以去天堂島嘅時候,佢表示十分高興,終於可以逃離地獄島。
呢個無人島位於仁川嘅砂昇鳳島。
宋智雅同款/推薦用品
身為美妝Youtuber,宋智雅喺佢嘅channel同IG都介紹過唔少物品!
以下小編整理咗幾款佢用過嘅商品,Creatrip代購都可以買到㗎🤩
chosungah22 C&T玫瑰光澤大王氣墊粉餅 #大王氣墊粉餅 #自然光澤 | |
Dr.G 玻尿酸防曬保濕霜 #水潤防曬 #清爽質感 | |
AHC B5微導入BIOME精華 #鎮靜肌膚 #高保濕修護成分 | |
Rovectin 活化肌膚精華爽膚水 #100% Vegan #鎖水保濕 | |
Mixsoon 大豆精華液 #角質精華液 #天然成份 | |
HERA Sensual Spicy Nude Lip Gloss #智雅PICK #462號SPEECHLESS | |
KIRSH Logo+櫻桃標誌Hoodie #寬鬆中性版型 #簡單設計 |
今天我哋更深入地了解咗關於宋智雅嘅大小事情!
由佢嘅性格開始、到關於單身即地獄嘅一啲behind-scene、最後推薦埋佢常用嘅物品,
希望你哋會鐘意我哋今次嘅介紹同分享啦~🥰