BTS同款飾物推薦
想同BTS戴同一款飾物話咁易！價錢仲比相像中平添！
Hello，大家好，我哋係由韓國人每日提供最新韓國旅行資訊嘅Creatrip。
唔知大家平時會唔會想同偶像同款嘅商品呢？今次A.R.M.Y有福啦！小編準備咗10款BTS同款商品，有興趣嘅朋友，都可以搵我哋代購㗎！
BTS同款飾物推薦
1. V同款 - Volume墜飾頸鏈
V戴緊嘅呢條頸鏈其實係出自於韓國人氣飾物品牌Roaju，佢哋每一款嘅設計都係簡易精，無論係男定女都好適合戴。採用鍍金黃銅製作，簡單又好睇嘅經典金色！想簡簡單單買條頸鏈戴，呢一款簡單得嚟又高質同有品味。
2. Ｖ同款 - 溫度變色心形頸鏈
呢款頸鏈會隨住溫度變色，由韓國飾物品牌 Wandering Youth出品，同樣都係一款男、女都鍾意嘅飾物。採用黃銅材質製作，深藍色嘅心形設計，大家都一定會鍾意。
3. Ｖ同款 - 雙圓環造型手鍊
戴手鏈唔再係女人嘅專利，呢款由韓國飾物ASMAMA品牌推出嘅雙圓環造型手鍊，簡約俐落嘅中性設計。佢最貼心係手鍊總長17cm，但有延長鏈設計＋5CM，可自由調節長度，就算肥咗少少都可以繼續戴！呢款手鏈總有有金/銀兩色，如果想同V同款，就要買銀色啦！
4. SUGA & J-hope同款 - Daisy手繩鍊
邊個話花花手繩鍊只係女仔啱戴？由VINTAGE HOLLYWOOD品牌設計嘅呢款就男女都適用。呢款手鍊使用黃銅、編織繩製作，外型夠可愛同夠輕，典雅Daisy設計，低調得嚟又夠時尚，任何人都可以carry到！
5. RM同款 - 珍珠水晶手鍊
同樣都係由VINTAGE HOLLYWOOD設計嘅珍珠水晶手鍊，唔同顏色嘅珍珠配搭水晶串珠，唔會過於花巧嘅百搭款。仲可以調節手鍊長度，最多可調至18cm，襯咩衫都可以好好睇！
6. RM同款 - Amant Chubby耳環
justLoveR推出嘅耳環，用咗黃銅＋無鎳電鍍製作，係防過敏嘅材質，大家可以戴得好放心。總共有細同大兩個size，大家可以根據個人喜好去買。
唔單止RM，就連BLACKPINK Jennie都有戴過，佢戴嘅係大Size，而RM係細Size。
7. 柾國同款 - 瑪瑙方鈉石珠鍊
只要係柾國用過，或者係推介過嘅商品，好多時好快都會賣到斷哂貨，佢仲會有時講：「因為你哋（A.R.M.Y）買哂，搞到我都冇得買。」相當之可愛！
佢戴緊嘅手鏈係由Delixir設計，以暗色系嘅瑪瑙原石搭配方鈉石。佢除咗可以當時尚飾物咁戴之外，仲有助睡眠、沈澱身心效果，仲會帶嚟好運。
8.柾國同款 - 海豚尾巴頸鏈
同樣都係由Delixir設計，以海豚尾巴為主題設計，採用Surgical鋼製作，敏感肌都可以戴，男女共用。一共有兩隻色（藍色同銀色），超百搭！
9. 柾國同款 - 雙面漁夫帽
炎炎夏日好怕曬黑？咁就一定要買多頂帽遮一遮！由人氣潮流時尚品牌WV Project設計，雙面漁夫帽，簡單俐落嘅外觀設計，簡單得嚟可突顯個人風格！
另外採用流線形設計，可以根據個人喜好、臉型去稍作調整，經典黑色，襯咩都咁適合。
10. V & RM同款 - 條紋漁夫帽
漁夫帽真係一年四季都適合，呢款條紋漁夫帽由潮流品牌MACK BARRY設計，獨特嘅設計感深受大眾喜愛！流線形設計，戴咗上去之後有明顯修飾臉型嘅效果！
今日同大家介紹咗同BTS 10款同款飾物，大家有冇睇到心郁郁都想買呢？有興趣嘅朋友可以直接搵我哋落單，或者如果有其他商品想買嘅話，都可以搵我哋問價，我哋都會盡快覆你
如果有更多想知嘅內容，都可以隨時留言或者dm話俾我哋知：）
Instagram：creatrip.hk
