連D社都放棄嘅韓星
韓國最出名嘅狗仔隊都放棄跟蹤佢哋？影到喺情人節買玫瑰花點知....？
황요산
2 years ago
Hello，大家好，我哋係由韓國人話你知每日最新資訊嘅Creatrip。
大家如果都有留意開韓國娛樂嘅話，都應該知道「D社」係咩嚟？所有韓星嘅戀情都逃唔出佢哋嘅法眼，今日小編就想同大家介紹下，就連D社都放棄追蹤嘅韓星，到底有邊位呢？
連D社都放棄嘅韓星
1. 金鍾國
金鍾國平日冇活動嘅話，只會係喺屋企或健身房無限重複嘅呢啲生活。 唯一出現嘅地方就係體育館，每日就係去緊體育館 -> 做運動 -> 做完運動 -> 返屋企，因為冇嘢好寫，就咁成為D社第一個想放棄嘅男人。
2. 少女時代 - 徐玄
徐玄有「正直少女」之稱，D社都曾經跟咗佢成日。不過淨係見到佢只係喺cafe入面溫書，果然係「緋聞絕緣體」。
3. SHINee - 泰民
當時D社覺得SHINee嘅泰民分眀就有拍拖，所以有幾日都一直跟住佢，但係見佢可以見面嘅人淨係得EXO嘅KAI。 無聊嘅時候一直見KAI，見完又見，令D社都放棄唔跟蹤佢。
4. 金秀賢
著名演員金秀賢都係D社放棄嘅藝人之一，幾努力跟住佢都好，都淨係影到佢食煙同幫fans簽名嘅相，再唔係就只得一直打保齡球嘅相，跟到連記者都覺得悶。
5. ZE:A - 時元
時完一直都係俾人乖乖仔形象，但D社都有一直關注佢，喺情人節嘅時候，時完買咗玫瑰花去赴約，D社即刻好開心，諗住等咗佢咁多年終於捉到佢有拍拖，結果佢係同佢媽媽約會，又令到D社失望。
唔知呢幾個「緋聞絕緣體」邊個會最快拍拖呢？小編都好想知道！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
熱門文章
