韓國嘅特別地名
韓國、香港、台灣等等超多地名都一樣？上水、板橋、西門等等嘅名你哋又點會陌生呢？
Hello，大家好，我哋係由韓國人每日提供最新韓國旅行資訊嘅Creatrip。
大家知唔知道其實有好多韓國嘅地方名都係源自於漢字呢？其實有一啲地方嘅名同我哋認識嘅地方名都幾似㗎 ！我哋一齊睇吓呢一啲特別嘅名嘅由來，順便了解一下點解韓國人會幫呢啲地方改一啲咁特別嘅名啦！
韓國嘅特別地名
1. 板橋（판교）
韓國有一個站叫做板橋，如果大家都有去過台灣嘅話應該都會聽過呢個名。韓國板橋位於京畿道城嘅南邊，其實好耐之前呢個地方係叫做炭村，呢度有座木橋，將佢漢字化咗之後板橋呢個名就出現，原意都係同木板所在嘅橋有關。
韓國嘅板橋係韓國政府近20年規劃緊嘅新市鎮之一，呢度有好多中產階級同埋商辦大樓，喺韓劇請回答1988當中都有提到板橋係農田，但其實而家就係韓國最貴嘅地區之一。
2. 土城（토성）
相信大家一定有聽過釜山嘅甘川文化村，以前去呢度最快嘅方法就係搭地鐵去到去土城站，然後轉巴士，而呢個站嘅漢字都同台灣嘅土城一樣，呢個名嘅由來係嚟自當年朝鮮時代，為咗阻止倭寇入侵而起嘅名。
3. 中和（중화）
首爾嘅中和站原本嘅名係遊蹤村同埋下村結合而成，成為中下。不過後嚟嗰邊嘅居民唔滿意，又覺得呢個名唔好聽，所以就過咗成為中和啦。
4. 新浦（신포）
仁川嘅新浦洞嘅故事可以追索返去日本殖民時期。呢度原本係靠近大海，地勢有向大海裂開嘅感覺，而令海水進出，所以就有呢個名啦！原本嘅漢字係叫做「韓浦」，之後改咗名叫「新昌」，而係1946年嘅時候先改名叫做「新浦」。
5. 松山（송산）
呢度唔係日本嘅松山，而係位於京畿道而政府同埋高陽嘅松山洞。呢度係由德夷，加佐同埋九山三個村莊合併而成，呢度周圍都係同松樹有關，同埋呢一帶都係朝鮮王朝之中松樹比較多嘅山區。
6. 回龍（회룡）
韓國有好多個回龍洞，喺京畿道嘅議政府、全羅南道、仁川、慶尚北道等等嘅地方都有，至於佢哋嘅共通點都係地勢比較迂迴曲折，睇落就好似龍嘅回轉一樣，所以就叫做回龍！
7. 上水（상수）
![]()
唔好以為淨係香港先有上水啊，韓國都有一個站名叫做上水。上水一帶係朝鮮時期嘅上水溢里，而原本就係叫江邊上面嘅村莊叫做上水，江邊下面嘅就叫做下水。正正因為咁，就有上水呢個名誕生啦！
8. 明倫（명륜）
首爾嘅明倫洞係喺成均館大學一帶，源於朝鮮時代地方鄉校嘅上位教育機構、最高學府都聚集喺呢度。釜山嘅明倫洞其實都可以由《東萊府志》記載嘅知道少少，大概就係因為朝鮮時代鄉校嘅村莊通常都被成為校洞，而明倫新地名嘅由來就係為咗同新舊校洞做劃分。
9. 西門（서문）
講到西門，大家係咪第一時間諗到西門町呢？不過，其實韓國嘅西門原意係「城都西側嘅門」。最出名嘅西門市場就係大邱嘅西門市場，原來佢本身嘅名叫大邱場，同平壤場、江景場等等都係朝鮮三大市場之一。
喺經歷壬辰倭亂和煉油之災之後，呢度嘅重要性增大，變得更加發達，隨住歷史發展，大邱呢啲市場連接合併，喺1920年代遷移到去今日嘅位置，亦都因為個市場喺大邱西面，所以叫西門市場。
以上呢幾個地方就係韓國比較得意，又有歷史記載嘅地名，唔知大家又知唔知呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
