點解韓國人食咁多飯？
大家有冇發現韓國人一餐起碼要食2碗飯？究竟點解佢哋咁鍾意食飯嘅呢？
Hello，大家好，我哋係由韓國人話你知每日最新資訊嘅Creatrip。
唔知大家有冇發現韓國人係好鍾意食飯？同佢哋出街食飯，好多時後一碗都唔夠食，每次都要叫多碗，所以真係唔好睇少佢哋！
有關白米嘅歷史記載
根據韓國嘅歷史記載，其實韓國以前嘅飯碗係比而家嘅大好多。以前嘅飯碗size一碗係有690g至1040g，但隨住時代嘅改變，而家一個標準嘅飯碗size就只有350g。
對於以前嘅韓國嚟講，由於白米係高級食材，所以以前係預備俾一啲比較高級嘅皇室貴族食嘅，不過佢哋未必食得曬，而食剩嘅就會留返比普通嘅居民。
另外根據記載，韓國嘅上等人一直食慣好嘢，如果上等人同下等人都食白米嘅話，米嘅量一定會唔夠。喺以前嘅社會，因為韓國嘅地理問題，唔係度度都可以種到米，所以普通下等人都係只可以食少少白米，唔夠飽就食其他穀物。
以前唔少韓國人都要做苦力，如果食夠白米嘅話就會有足夠嘅氣力工作。當時亦冇好多肉類嘅供應，所以都係靠食白米充飢！
韓國人嘅飯量
睇番以前朝鮮時代嘅皇帝，佢哋一日最少要食五至六餐，之後係因為喺每餐度慢慢增加肉同埋菜嘅份量所以先減少餐數，一日食三餐！
以前嘅韓國人都覺得如果食唔夠飯嘅話身體就會好容易病，而食得太多又會消化不良，所以就好似依家咁有分早餐、午餐同晚餐。
其實唔係每一個人都可以食到一日三餐，當時有好多人都因為窮嘅關係一日只係食到一至兩餐，係比較有錢嘅人先可以食到一日三餐。
不過，喺 1960年後期，韓國政府希望針對糧食不足嘅問題作出改善，所以嘅時候控制大米嘅量，所以情況就得到好轉！
喺1973年1月份嘅時候，韓國嘅不鏽鋼飯碗第一次面世，呢個不鏽鋼飯碗嘅size喺11.5cm x 7.5cm。政府仲廣泛發放有關呢個碗嘅諮詢，勸喻大家每一餐最少要食到呢個份量嘅飯，所以韓國嘅餐廳由嗰陣開始就用咗呢個size嘅碗啦！
不過隨住韓國對靚同埋身型嘅標準，社會各界嘅人都覺得應該要食少啲澱粉嚟幫助維持身型。正正因為咁就改咗個碗嘅size 去到 10.5釐米 x 6cm，最細去到 9.5釐米 x 5.5釐米。
由1970年開始，每一個韓國人每年都會食到大約136kg嘅飯，但而家普遍嘅平均數字都只係60kg！咁樣可以睇得出以前韓國人因為主要都係以勞動力工作為主，所以就比較需要食多啲飯。不過近代嘅人比較注重靚，所以為靚而節食嘅佢哋就會食少咗飯！
雖然而家嘅韓國人都要為咗靚而食得唔多，不過以小編認識嘅韓國朋友都係食好多飯，有時仲一次兩碗！只係佢哋好多都係易瘦體質點食都唔太肥，又或者有好多人食完之後都會瘋狂去做運動keep身型！
唔知大家身邊嘅韓國朋友又係點嘅呢？歡迎一齊同小編討論一吓啊！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
